السلام عليكم
اعزائى اعضاء المنتدى المحترمين
عندي مشكلة والله طمعانة بكرمكم انكم تنصحوني وتشورو علي لكن استحلفكم لا تخلوني لوحدي وتردو علي
وسامحوني ان اخطات بلكتابة فليس لدي اسلوب جيد بالتعبير المهم وبدون ما طول عليكم سابدا قصتي


طبعا انا متزوجة وعندي ولدان صبي وبنت والحمد لله اشكره على كل شي اعيش حياة سعيدة مع زوجي فهو يحبني وانا احبه حياتنا الزوجية حلوة بفضل الله
لكن المشكلة ليست هنا المشكلة فيني اني والحمد لله قنوعة وارضى باي شي وهيدي نعمة من الله اشكره ديما عليها وصدقوني اني والله لا اشكر بنفسي ولست
مغرورة لكني والحمد لله مؤمنة وامراة ملتزمة ومحترمة والكل يشهد بذلك.
. بلا ما طول عليكم ادخل بالموضوع انا بعد ما تزوجت تغربت مع زوجي لبلد بعيدة جدا عن
بلدي وكنت راضية وعشت مع اهل زوجي اربع سنوات والحمد لله كنت مثال الزوجة اسمع كلمة حماتي في كل شي وما اخالفها اعتبرتها مثل امي وبناديلا ماما حتى الان

لكن كل هالشي انقلب علي يعني حماتي ما تحب الخلطة بالناس مع ان عندي صديقات كتير تركتهم من اجل زوجي واهلو ما يتضايقو وتخيلو الغربة بعيدة عن اهلك واصدقائك وما في حدا حتى يواسيكي
رضيت بالامر الواقع وعشت اربع سنين معهم وما اقدر انكر انهم كانو كتير مناح معي وخاصة حماتي فانا زوجة ابنها الوحيد لديها بنات وليس لديها غيره صبيان المهم كانت معي منيحة لكنها
كانت تتدخل شوي في حياتي الى ان جاء يوم وعزمت اهلي عندي لاني شتقتلهم طبعا ما عارضت فجاءت امي واختي طبعا حصلت شوية مشاكل من امي لم يعجبها حالي معي ولدين وانا وزوجي في غرفة وحدة

ما اخبي عليكم امي غلطت وبلشت شغل الحمايات فتضايقت حماتي وضلت ساكتة الى ان عادت امي لبلدها وما حبت تزعلها بيتها كرمالي وبعدين حماتي بينتلي زعلها من امي طبعا انا ما قدرت اقول شي لان بصراحة في اشياء معها حق فيها وامي زودتها شوي المهم مر الوقت وانا استقريت في بيت لوحدي وظل التدخل فيني يعني ما فيكي تروحي محل كذا وما فيكي تعملي الشغلة كذا طبعا انا صرت افهمهم وما عدت اعمل شي يضايقهم هني او زوجي وعلى فكرة على قول حماتي هي تحبني متل بنتها المهم الان مضى فترة سنتين ما شفت اهلي فطلبت من زوجي اروح اشوفهم طبعاما عارض لكن المشكلة في حماتي طبعا هي وامي ما عادو يطيقو بعضهم .

فحماتي قالت اذا رحتي عند اهلك ممنوع تاخدي اولادك وطبعا انا ما اقدر اروح بدون اولادي وهي تعرف هالشي الا معندة على الاولاد ما بدا ياني اخدهم وبهالحالة طبعا ما فيني روح فشو رايكم ولا تقولولي وينو زوجك هو عارف اني مظلومة وما بيقدر يحكي فزوجي الحمد لله مرضي وبار باهلو وما بيقدر يعصا امو فهو بيقلي انا واقع بينكم انت من جهة وامي من جهة وانا عارفة انو زعلان علي لان عارف اديش

انا منيحة مع اهلو وكمان ما بيقدر يعمل مشكلة مع امو كرمالي رح تقول انو انا معلمتو يعني ما بيطلع بايدو وبصراحة انا رح طق منها شو بدي اعمل ساعدوني طبعا انا فيني اعمل مشكلة واخد وادي غصب عنها بالنهاية هني ولادي انا بس ما بحب زعلها كرمال زوجي بس والله اختكم في غربة ورح تطق من القهر ما في غيركم اشكيلكم همي الله يخليكم ساعدوني ولو بدعاء ان الله يفرج همي لا تركوني الله يخليكم والله كتير تعبانة وهالموضوع قاهرني لا تتركو اختكم في غربة بعد ما لقيتكم ونس لي في غربتي وعزائي الوحيد واسفة على الاطالة.