زوجي بعد ما قلت للشيخ أمامه إني أرغب بالطلاق ..
تفاجأ .. و ما كان شكله مستوعب الموضوع ..

لكن هو حاليا ( استوعب الأمر هذا ) ..
بعد غيابه و اختفائه لمدة ( عشرة أيام ) عن كل العالم .. حتى أهله و أصحابه ما يدروا عن مكانه فين ؟
و كان مقفل جواله ..

كان وقتها يتريق و مرة معصب و مرة يضحك و مرة يمزح معايا ..
و أنا كنت فعلا ( جادة ) معاه ..


حاليا هو استدرك الأمر ، و عرف إنه ( خسر أولاده ، و بيته و زوجته ، و وظيفته ) ..

.
.

أبغى أكتب المحادثة الي حصلت بإختصار .. بعد ما فتح جواله ..

و المحادثة اللي صارت أمس ..

( ليت الأخ .. التائه قلبه .. يتابع معايا )

هذا الي صار بيننا يوم الاحد .. بعد اختفائه لمدة 10 أيام ..

.
.

قلت له :
انا بكرة اعطوني موعد مع القاضي .. و كلموا المحضرين يبلغوك

راح اقول بس
انه السبب زوجي عاطل و ما يصرف علي
ما راح اقول اي شي تاني ..

رجاء" لا تتعبني ..

ما ابغى اي اضرار لك و لا اسيء لك ..

.
.

رد عليا :

بعد ايش ماتبغي تضريني وتسيءيلي

بعد مادخلتيني توقيف
وفصحتيني في المحاكم و الهيئة !

.
.

المهم بعدين قلتله ..
و انا مابغى منك شي
ابغى تسريح باحسان ..

.
.

قال كم شي ..

و سالته المختصر ؟

يعني ما تبغى تتركني !

.
.

رد عليا :

انا هههههههه

يعني لو ابغى اسيبك ماكان مرمطت نفسي دا كله

انا طللاق ماراح اطلق

100 الف وتتنازلي عن الاولاد

.
.

سالته :

و انت ترضى تعيش معايا
و انا ما ابغاك !

و لا ب تستغلني ؟

.
.

رد عليا :

لا والله مو استغلال وحق الادان دا

.
.

المهم بعدين كلام في النص

و قلت له :

يعني تبغى ترجع لنا بالقوة ؟
انت ماتبغانا
تبغى تصيع
و تستمر في طريقك
و انا مو لعبة في يدك

.
.

رد عليا :

اي طريق

والله العلي العظيم سبته
وماعاد ليه فيه

.
.

سالته :

بكرة ابغى اروح المحكمة
اعطيني اخر كلام !

.
.

رد عليا :

اخر كلام ابغاكي وماراح اطلق

.
.

امس ارسلت له رسالة

اني رحت المحكمة و اعطوني موعد مع القاضي يوم الخميس
و قالولي ابلغك

و امس فتح جواله و كلمني بالواتس ..

__________________

جوالي ايفون اخوي ابو مريم ..
مو جالكسي

قبل لا اكتب عن المحادثة الي صارت امس ..

حابة افضفض لكم عن شي ..

عن الامور الي حصلت لي خلال الايام الماضية ..

.
.

و ليت كل وحدة او واحد .. يضع نفسه مكاني ( و بظروفي الخاصة ) ..

لاني فعلا .. محتاجة حاليا افكر فقط بالعقل ..
و بمصلحتي و مصلحة الاطفال ..

.
.

ابغى اقول الي حصل لي خلال فترة ابتعادنا عن بعض انا و زوجي ..
و انسخ بعدين محادثته الاخير يوم امس معايا ..

__________________

يا الله يا روح الطير
انت كوم ومهرة كوم ثاني بهالمنتدى
والله ما عاد لي قلب يحتمل مغثه
واشيل همكم مرررررره
ويضيق صدري حيييل
الله يريح قلوبكن
وينور دروبكم

دحين أنا انسانة ..

.
.

أمي و أبوي ميتين ..
أخواني مشغولين بحياتهم ..
لو جاء أحد منهم زارتي في بيتي ، أو وحدة من أخواتي ..
( لازم أتحرك أنا و أضيف و اشتغل و أقوم و أحط و أشيل ! ) ..

يعني المفترض ، إنهم يجوا عشان يخففوا عني ، و عشان يونسوني و يآسوني ..
لكن يجوا عندي ، و أنا اللي أصرف من حسابي و أجيب و أحط و أعشي و أعمل ..

يفداهم ، لكن ما يساعدوني أخواتي في أولادي إلا مجاملة ..
يعني بس شويتين ..

و الحمد لله ، إني كريمة جدا معاهم ..
لكن هما ...... ngt

بإستثناء أخوي الكبير الله يسعده ، لما يجي بيحاول يخفف عني و يساعدني ..
لكن يجي في السنة كم مرة .. و ما يحب يثقل على أحد ..

و لو رحت بيت أي وحدة ، اشتغل انظف ورا أولادي عشان لا أحد يتكلم ..
و أشغل (شغالتي في بيتهم ، تنظفه لهم ) ..

.
.

ف خليني جالسة في بيتي ( أكرم لي ، و لأولادي ) ..

و أخدهم الأسواق ، أو يلعبوا مع الجيران ، أو لما يكبروا شوي أسفرهم أي مكان معايا ..

.
.

و الحمد لله ، مع راتبي ..
مو مقصرة عليهم بـ شئ قدر المستطاع ..

.
.

و موفرة لهم كل شي و الحمد لله ..

.
.

(( يعني - أهل - )) ؟؟؟؟؟
ولاشي ..

و ممكن لفترة مؤقتة .. و كل واحد ينشغل بحياته ..


و أهل زوجي .. مالهم وجود ..
و ما يسألوا أصلا و لا يدوروا عنهم .. هما كذا مع كل أحفادهم ..


.
.


( يتبع )

تبهدلت مع السواقين ..

تعرضت لمعاكسات ، و تلميحات .. و نظرات و ازعاجات ..
و تمرمطت مع السواقين ، مع إنهم من شركة تكاسي معروفة ..

و كم مرة أهزئ بالسواق ، و أقول له ( طالع قدامك ، و خلي عينك قدام ) .. bgh

( معليه الأيقونات جديدة ، و حسيتها معبرة جدا ، فاستخدمها بردودي )

.
.

حتى واحد ضافني بالواتس ، و هددته لو جاني اتصال ..
أبلغ الهيئة عنه ..

.
.

و السواق الي يتعاملوا أهلي معاه ، و محترم و كبير ..
صار يطلب مبالغ ، مبالغ فيها ..

و يستغل حاجتي له ..

.
.

و السواق اللي يوصلني كان للعمل ، لاحظ غياب زوجي ..
و كان يلمح بالكلام ، إنه و الله بعض الرجال ما يعرفوا قيمة اللي عندهم ..
و ليت ألاقي سعودية تقبل تتزوجني .. إلخ

لكن شافني ما أرد على اتصالاته في الويك اند ، و مرة رديت عليه رد ..
خلاه يلزم حدوده ، من يومها احترم حاله ..

.
.

أقدر اتعامل معاهم و الحمد لله عن مية رجال ..
لكن لـ ( متى ؟ )