مع احترامي لزوجه ابنك بس اذا هاذا زعلها ومقاطعتها لرحم فيه ناقصه عقل وسخيفه التفكير بمعنى الكلمه ..
الموضوع ابدا مايستاهل .. اختلاف الراي لا يفسد للود قضيه !!
الله يخلف علي بنات هالزمن .. بالفعل وصل فيهم الاستخفاف بالبيت والأسره لهذه الدرجه .. باين انها كانت تنتظر زله وتحسب لها ان في احد يدخل في قرارات زوجها ورايه .. من كثر ماهي شايفه الحب والدلال من ابنك ماتوقعت انه راح يرفض موضوع الوظيفه وادخلتها من باب تدخلك في شؤون بيتها ..
الله يهديها ويبرد خاطرك بشوفتها في بيتك وبين احفادك وابنأك ان شاءالله

مكلومه ما شاء الله عليك 💜💜

اخي صاحب الموضوع عندي فضول اجلس مع زوجتك و اعرف مدي تفكيرها

لأَنِّي احس تفكيرها اصغر من عمرها او يمكن لانها ما كملت تعليمها و اللحين جالسه تكمل لان احد قال لها

مكلومة أنتِ أم عظيمة ومهما يحدث كفتك الراجحة وقدرك فوقها .
لم تجعلي ولدك في موقف محرج وصعب بتخييرك بينه وبينها, بنصيحتك له كان تنازل من جهتك
عظيمة والله ..
الآن استوعبت تماما لماذا الجنة تحت أقدام الأمهات

مساء الخير على الجميع ،،،

وجمعه مباركه ي رب ،،،

اليوم جلست مع أمي وأبوي وفتح موضوعي مع زوجتي .. أشار علي بأن نطبق شرع الله في إصلاح مثل هالمشاكل بين الزوجين ...

الا وهو .. احضار حكم من اَهلها وحكم من اهلي ( الوالد ) مع وجودي ووجودها اثناء النقاش .. لكي نقرب وجهات النظر ونشوف مواقع الخلل ..

أخبرت والدي بآنني تناقشت معاها عالموضوع وحاولت ولكن النتائج كانت غير مرضيه ..

الأن لا اعلم .. هل اقدم على هاذي الخطوه ام استمر على توجيه اخواننا الرسمي والبليغ .. الى حين ان تبادر هي وتعيد فتح الموضوع حينها أبدا بشرح نقاطي ...

الله يهديها ويرشدها الى سوى السبيل

ااقتراحهما جمييل وانا اشوفه هو الصح ..
اما التطنيش طال وهي مازالت ميبسه راسها ..
حكم من اهلك وحكم من اهلها علشان اصلا لو بتذكر شروطها بيطيح وجهها
اجل اهلك مايدخلون بيتك بالله هذي شروط

يبدو لي ان حكم من اهلها وحكم من اهلك ماينفع ابد
والسبب... حسب مافهمت من كلامك ان ماعندهم في العائلة احد حكيم

اعتقد والله اعلم الحل ان ماترد على اتصالاتها والرسائل لاترد الا قليل... وسافر في العيد
واذا رجعت يفرجها الله

خطة اخوك وبشت وسيارة ووو... ماتصلح ابد...

نقطة اخيرة... هي اخطأت بلاشك لكن هي حامل والحامل تمر بتغيرات نفسية كبيرة
من رايي ان تراعي نفسيتها ولا تشد معها ولا تتخذ اي قرار مصيري

اخت مبتعثه وريماس ..

من ناحيه لايوجد حكيم من اَهلها .. اشوف عمانها أفضل الأشخاص بعائلاتهم لو طلبت تدخلهم في المشكله ...

للأسف خالها زاد الطين بله .. مستضيفها في بيته وعاجبها الوضع لانه إنسان ماينصح يطبطب عليها .. ومستخدم طريقه فرض الشخصية علي .. قمه الجهل لدرجه حتى بناته مايخذون شوره كثير .. وزوجتي ماخذتها حميه وأنها خالها وحسبت ابوها .. مطبق شخصيه الحنون العطوف .. والله حتى نصحه يدل كميه جهل عجيب في فكره .. اذكر في مشكله سابقه تدخل هو .. ومن ضمن النصائح اللي كان يقدمها لي (( يقولي لو انت سهران مع بنت ماتصرف عليها ماتدلعها وكذا .. الأنثى زي كذا لازم تدلعها وتاخذ وتعطي معاها)) انا هنا شعر راسي وقف وغسلت يدي وقلت ي رب سترك .. وأخرجني من هالموقف !!

اما عمانها ماعندها الكلام هاذا أبدا .. صحيح بعيدا منهم بسبب أمها المطلقه وصعب تختلط معاهم بحكم انها انسانه متزوجة .. ومشغولة عن بناتها ..

المضحك المبكي .. ان اخواتها متزوجين ولكن عايشين بالرياض واسمع مشاكلهم من زوجتي مدري صحتها .. ولكن أزواجهم ناس جدا ناشفة واحد شمالي شرق والثاني انطوائي جدا والحمدالله ماعمري شفت وحده منها تركت بيتها وجآت لبيت اَهلها .. الله يستر عليهم وعلينا ..

الله يهديها ويصلحها ويرجعها الى عقلها بحق هاذا اليوم الفضيل

من نصائح اخوي الصغير الطريفه .. يقولي خلينا نخطب لك وتزوج وافتح بيتين ونحنا ماراح نقصر معاك وزوجتك الزعلانه خالها لبنتها تربيها بين عيونك .. والله انه بداء يلعب برأسي ولكن مو موقفني الا حملها .. ممكن ان الحمل يكون تقلبات نفسيه توصل لهالدرجة يفقدها صوابها .. بالرغم أني أشك في ذالك

مجرد فرضيه .. لو فعلا تزوجت الثانيه .. ماهي رده الفعل المتوقعه من زوجتي الزعلانه
- الالحاح على الانفصال
- الزعل والنكد والزن وتمثيل شخصيه المغلوب علي امرها
- الطلبات الزياده بحكم أني لابد ان اعدل بينهم

عطوني رده فعل متوقعه من شخصيه زوجتي الزعلانه !!

من البداية ما تدخلت بموضوعك مع إن شخصية زوجتك "سهلة" لأنها نفسية ، فتقدر تشكلها وتخليهاخاتم باصبعك لكن مانيب من الناس اللي يشيشون ويخربون ف سكت
لكن دام الأمر وصل للزواج فاسمعها مني نصيحة
اصلح بيتك وزوجتك مو عشان شي ، بس عشان بنتك
حرام حرام حرااااام تعيش بعيد عن أبوها وأمها
حلك لمشكلتك في شيئين
اثقل+ عصب وقت اللزوم وحجمها في مكانها ( يعني لا تخليها تتمادى في أمور تضايقك ) وقفها من البداية عند حدها وبتتعدل
يعني يوم كانت رايحه للعزا وقالت ما اسلم وما ادري إيش المفروض قلت الله الغني عن عزاك إذا ما رح تحترمين أمي وأهلي ، ماني ناقص ناس يفشلوني ويقطعون وجهي !! ورجعت بها البيت ونزلتها وطلعت وأنت متضايق ومعصب وعطيتها كم كلمة بالعظم
زوجتك تخاف ما تختشيش والشدة والطناش علاجها
ترى أول مرة أنصح بهالشي وما أحبه، بس هذا حلك وهو أرحم مليون مرة من إنك تتزوج عليها

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

بالعكس اختي شوك11 ... ممكن يكون ردّك ينورني على حاجه ماهي باينه لي .. فعلا كلامك سليم زوجتي خوافه جدا وهو بصراحة مايجعلها في كثير من المواقف تهرب من الواقع والمواجهه .. في اغلب خلافتنا بيني وبينها ماتواجه ممكن يرتفع صوتها .. لكن تستخدم رسائل الواتساب في التنفيس عن غضبها .. حتى لو في اقتراح تبي تقدمه .. وكان هالشي مزعجين جدا .. لكن تعودت تآقلمت على اسلوبها .. ونهبتها اكثر من مره .. تكلمي حاوري في نطاق الأدب والاحترام .. قالت مااقدر الا بالرسائل !!! ولكن خُف هالشي نوعا ما ...

من ناحيه فكرتي عن الزواج من الثانيه .. بصراحه انا شاب ثلاثيني مع كثره المشاكل وطول الزعل ينقصني الأهتمام منها الموده والرحمه .. تعبت وانا اكل عند اهلي او بالمطاعم .. ابي ريق حلو معاشره طيبه وبالحسنى .. احترام للزوج وتقدير تعبه والاهم أهله ..

والحمدالله ماابي خراب بيتي عندي اخواتي وأهلي وماارضاها على بنت الناس وبنتي .. لكن مثل ماتفضلتي حاليا انا في مرحلة التجاهل والهدؤ الى بعد الولاده والنفاس ... الله يصبرنا ويهدي هالزوجه ويرشدها الى الطريق الصحيح ..