مارسي حياتج طبيعي ، سوي اللي متعوده تسوينه له
واذا فتح معاج موضوع الراتب قولي له : آنه اعطي والدتي فلوس لعدة اسباب اول شيء : امي اللي ربتني وتعبت علي لحد ما وصلت حق هالوظيفة اغلي عليها 500 ريال! ، لو اعطيها راتبي وعمري ما يكفي ثاني شيء : آنه اربي عيالي قبل لا احملهم ببطني ، كما تدين تدان باجر لي صرت بموقف ضعف وبموضع عازة وحاجة للناس وانت صرت ضعيف وما عندك قدرة نلاقي عيالنا يبرون فينا مثل ما نبر بأهلنا انه اعطي اني وانت بعد ابيك تعطي امك وما تقول لها لا لو عساه احنا نجوع وامهاتنا يشبعون ما ابي باجر زوج بنتك يقول لها لا تعطين ابوج وامج انه احبك لدرجة ان ابر امي عشان لي كبرت عيالك يبرونك ثالث شيء : انت زوجي وحبيبي وتاج راسي وانه اثق بحكمتك وبأخلاقك و اثق انك ما راح توقف بطريجي لأني ابي اعطي امي مبلغ تافه مثل هذا |
احبه ليه انتي متذبذبه وجدا
ليه التذبذب بأنفعالاتك زعلتي يوم شلتي بنفسك الشنطه وماتسحرتي معاه بعدين رحتي دلكتي رجليينه وتقولين عادي متعوده طيب مو انتي تقولين زعلانه تدليكك له معناته راضيه عنه بعدين تسألي تقولي متعوده احط راسي ع صدره احط ولا لا مو انتي دلكتي رجلينه يعني خلاص راضيه عليه وماتبغي تنامي ع صدره عشان لاتنزلي من نفسك وتبغي تحسسيه انك زعلانه تسألينه تبغى تتسبح معناته انك مهتمه فيه بعدين تقولين اكتب تاج راسي ولا لا... بعدين تقولي بسوي له كل شي يحبه !!!!!! احبه اذا حابه تزعلي منو وتعلميه درس ازعلي صح واذا انتي تحبينه ومالك غنى عنه ي بنت الناس استهدي بالله وحركات التغلي اللي تسوينها عشان يجي يراضيك مالها داعي بقسى عليك شوي انضجي عاطفيا اللي تسوينه من تخبط بيخسرك كثير .. ومستكثره ع الوالده ايام العيد ياشيخه اجلسي معها يومين وعيدي معها وانبسطي لاحقه ع زوجك خصوصا الوالده بالعده المفروض تجلسي معها تو الوالد ربي يرحمه ماله كم شهر متوفي بحالتك عندنا وربي ماتروح ولا لأي عيد ولا لأي مناسبه الين تخلص الام عدتها .... ونفس الشي ترجعي لنفس الموضوع اذا سألني بالفلوس شو اقول قلنا لك خلي امورك الماديه بالسر وقلنا لك خوذيه بالكلام ... احبه وربي اني ماابغى لك الا الخير وماودي بيوم تخسرين سواء اهلك او زوجك... |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|