ما شاء الله انت رجل بمليون رجل ، تبارك الله
وهبك الله رجاحة عقل و قوة صبر
اسأل الله ان يجعلك من أهل الجنة من غير عقاب ولا حساب
لا أخفيك تمنيت لو زوجي يملك ولو ربع تفكيرك الله يهديه
زوجتك اعترفت لك لانها عارفة و متاكدة انك رح تنقذها و تساعدها للخروج من مستنقع الرذيلة
الله يقويك اخي الكريم

تسلمين اختي
وزوجك فيه الخير ان شاءالله
ويمكن يكون انا مااجي ربعه
فـ انا فيني من العيوب ماالله فيه عليم اسأل الله المغفره والرحمه

ولاتنسوني من دعائكم تكفون

الله يسلمكم ويطول باعماركم ويبارك فيكم

اخواني واخواتي اللي قالي ان الدكتوره بحداد هي الممرضه واصلا قبل تدخل على الدكتوره يعني مو زوجتي اللي قالت

اما عن كلام الدكتوره فعلا انا مااقتنعت وقلت لازم اللي ينفي صحة التحليل يكون تحليل مثله
مو معقول اصدق كلام واكذب تحليل دم
لكن يااخوان قراءة نتجية التحليل يكون من المختص يعني انا انسان عادي مااقدر اميز الارقام واذا وصل الرقم كم يكون بزتف وكم نقتف لانه تحليل الهربس بالذات ارقام وهو اربع مو واحد مو مثل باقي الفايروسات اللي هو تحليل واحد وتطلع النتيجه اما ايجابي او سلبي
ومع هذا انا مااقتنعت بكلام الدكتوره وراح السبت ان شاءالله اعيد التحليل بكذا مكان
وراح اعرضه لكذا دكتور وان شاءالله يكون خير


اما كلام الاخت سجابه فـ صحيح اختي
الحبوب اللي تطلع بالاطفال هربس
الهربس نوعين فموي وتناسلي
وهو مو خطير حتى انه مو من ضمن التحليل المطلوب قبل الزواج ولكن مشكلته انه ماله علاج يقتل الفايروس
وخطير على الاطفال الصغار او ضعيف المناعه

روح الطير....

انتي كنتي صريحه مع الاطباء بخصوص سبب التحليل

لكن اتوقع زوجة الوحيد ماقالت للدكتوره انها مثلاً مارست الجنس وخايفه يكون انتقل لها عدوى تلاقيها قالت لها ابغى اتأمد من سلامة رحمي من الامراض والدكتوره أخذت المسحه للتأمد انه مافي التهابات او ورم او قرحه ....

لكن الامراض التناسليه الناتجه عن الممارسه ممكن زي ماقلتي تحتاج تحليل للدم فقط ....

اختي المتفائله
انا لما وديتها للمستوصف كنت معها وكنت مفهمها تقول للمرضه حقت المختبر ان زوجي كثير السفر وانا خايفه على نفسي وابي تحليل شامل لجميع الامراض الجنسيه
وفهمتها انها تكلمها وانا راح ابعد شوي عشان تصدق وكأني ماادري
وفعلا لما طلعت النتايج كان كل تحليل مكتبو عليه نوع الفايروس
سوينا التحليل قبل ندخل الدكتوره دخلنا للدكتوره بعد ماطلعت النتايج

سبحان الله انا مااحس انه الوحيد بارد او يتعامل بحسن نيه

تبغونه يسب فيها ويشتم ويظهر عصبيته بالكتابه زي بعض مواضيع الخيانه او الشك الي شفتها...

ايش بيستفيد؟؟

فوق الالم الي عايشه والهم كلامه رزين ومحترم وهذا دليل ع تربيته المتزنه ماشاء الله أسأل الله له التوفيق في حياته ...

يارب يالوحيد تطلعو سليميين ويوفقك ربي في زواجك ويتوب ع زوجتك وتعيش حياتك نور ع نور ....

وتجي تبشرنا بعد سنوات إنها ذكرى إنطوت وتحكينا عن سعادتك بصلاح بيتك وأولادك....

اللهم امين
لاتخافين اختي
الله مايضيع عبد اتكل عليه

الله يرزقك الطمأنينة وراحة البال ويفتح لك أبواب رحمته في هالساعه المباركة
وييسر أمرك ويجعل لك من كل هم فرجاً ومن كل ضيقٍ مخرجاً

اللهم آمين وجميع المسلمين
وصلى اللهم وصل على نبينا محمد وآله وصحبه وسلم اجمعين

ليس مني غير الدعاء لك

أخوي الوحيد..

ياليت أنت تسوي فحص.. الي يهمنا اكثر أمرك انت..

نبغى نتطمن عليك أنت.. وهيء نفسك لكل الاحتمالات..

زوجتك حتى لو سوت فحص وقالوا سليمة ما بنتطمن.. لان النتايج تعارضت وبتحتاج تعيد الفحص مرتين وثلاث ويمكن اكثر في أماكن مختلفة علشان تطمن تماما..

انت سو الفحص ونتيجتك هي الأهم..

وما بيصير الا المكتوب..

وان شا الله بتنفتح لك ابواب ما تتوقعها بعد هذي المصايب والابتلاءات.. والله بيعوضك خير..
...
..
.

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ