ياخاله بيتا..
مو صح فيه فرق بين اسلوب الحزم والقسوه..
وبين نتائج الاسلوبين..!؟

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

اي حبيبتي صح بس من اللي يحدد اذا الاسلوب الفلاني دخل بالقسوة أو لا زال حزم

كل واحد ويختلف عن الثاني على حسب تربيته وبيئته .وأبو خليفة يقدر يحدد اذا هو قاسي وللا حازم لأنه ادرى الناس ببيئتهم وظروفهم . يحتاج فقط أن يخرج من دائرة نفسه عند اتخاذ القرار وفعلا يحط نفسه مكان لجين .

__________________

كـلامك على العين والرآس ياخاله ..

صــح أبوخليفه هو اللي يحدد الأسلوب اللي ينــآسب وضعــه ..
بـس هو طرح موضوعه عشـآن يسمع ويـآخذ من الأرآء اللي يشوفهـآ منـآسبه له ..

لــو كــآن عارف الحـل كان مـآأحتــآج لفتح أي موضوع ..

وأحنــآ بدورنــآ فقط نضـع الحـل وليـــس تحديد المصير كمـآ فهم البعض ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

روح الطير ،،،

ما اعرف ليش لما قريت كلامك اتذكرت لما يقولون ان الاطفال يسون اي شيء للحصول على الاهتمام و علشان يشوفون ردود افعال الكبار،، و إذا عطيناهم وجه يمصخوها.

الله يعينك يا بو خليفه,, انت ما تقدر تتصرف ببروده او لامبالاه لانك ثائر،،، الطريقة الوحيده للحصول على اعصاب جليديه هي الابتعاد عن المؤثرات الخارجيه شهر و اثنين و ثلاثه. طبعا هذه اللي ينفع معاي, انا ما اعرف شو ينفعك معاك.

ملاحظه: انا اتفق مع كذى عضو في المنتدى بدون ذكر اسماء

موب شرط الطلاق حتى لو نفذت كل الحلول او على كلامك الاسلحه.

الزبده، انا اشوف ان العاطفه تغلب على حكم بو خليفه حاليا، لا زم يقلل حبه للجين شوي، لانه كل مره هي تسوي شيء ما يعجبه يثور و ينفجر.. ويرجعون من الاول يعني نفس الحلقه المفرغه... لازم يقلل من حبه شوي علشان يقدر يسيطر على انفعالاته. صح ولا انا غلطانه .

واعتذر لو كثرت الكلام

الشكر للجميع من غير استثناء...

اقتباس:

المسألة ، عناد + دلال مفرط + جهل + بعد عن الله + استعلاء و غرور و غير

صدقتي أختي الكريمه هذه صفات بلجين وبعضها توني مكتشفه ,, بس الاخيره للامانه مب وايد

المهم أني اليوم يلستها وقلت لها هذه ورقه مافيها شيء مكتوب ( ترى ما ورانا شغله غير نكتب ونرمي ))
قلت لها اكتبي شو تبين مني ,, وشو المطلوب مني كزوج ,, وليش تزوجتي ,, وليش رفضتي مبدأ طلاق مع أنه أبوج عرضه عليج وقال بيوقف وياج ,, على شو ناويه ,, شو براسج ... اكتبي ولكن والله كل كلمه تنكتب تراج محاسبه عليها وبكبرها وبعلقها بالحجره ,,,

وانا بعد بكتب >>

وخليتها بروحها وقلت لها خذي راحتج ساعه ساعتين مب مشكله المهم أعررف شو يدور بالج ...

نزلت وسرت المكتب ويلست أكتب بأمانه بصراحه تعبت وانا اكتب بنفس الكلام فختصرت الموضوع
وقلت لها أنا وياج بكل شيء بعاملج باحسان واحترام وحب وبصبر عليج ولكن بشرط وهذا الشيء اللي مب متنازل عنه وهو حقي شرعي ,, أنا ما عندي مشكله اذا طلبتني مده معينه تحتاجينهها عشان تنسين وتعطيني حقي ولكن لازم تحددين المده لي وما تزيد عن شهرين ,, وخلال هذه شهرين نرقد على سرير واحد ومب مشكله عندي كل واحد بصوب ...

وشروط ثانيه ما عندي شيء أضيفه على أبوج ...

يلست وتريتها حدود ساعة ونص ...

وسرت لها قلت لها ها شو كتبتي ,, ساكته وماسكه القلم ,, قلت لها أوكيه هاتي بشوف

تخيلوا............

ولا حرف كتبته ولا كلمه ,,,

مسكت اعصابي وتعوذت من ابليس ,, وسالتها ليش مب كاتبه ,, ما ردت ,, ساااااااااااااااااكته

قلت لها جي عيل ...

وأمسك ورقتها واقطعها ,,,

واخذت ورقتي وعلقتها على باب الحجره وقلت شفتي أقرأي ,,

ولكن يا لجين اذا ما وافقتي ,, من لحين أقولج وعشان من نحرق بعض ,, بتصل على أهلج وأهلي وبطلب منهم يون وبقول لهم ..

أنا ما انفع لجين ,, لجين بنت طيبه ومحترمه وتعرف حقوقها ,,, ولكني أنا لا ما أناسبها ,,

عشان ماحد يتكلم عنج ...

حزتها ردت ,,, وقالت يعني بتيعيني ,, بتتنازل عني بسهوله ,, مب تحبني أنت ,, ليش لحين تغيرت ..

قلت هيه بتنازل عنج مب مشكله ...

قالت ,,, ما راح تحصل مثلي ( واثقه من نفسها )
قلت لها عيل جي سالفه ..
قومي خذي ملابسج وسيري بيت أبوج ويا درويل بعد ,,, ونزلت من عندها ,, ورحت تيددت وصليت أول مره احس بشعور بندم ,, بس مب قادر اكرهها وهذا اللي مجنني قلبي مب قادر يشيل عليها بشيء ,,

ويلست بالحديقه أقرا كتاب

حصلتها وراي واقفه وتقول أنا اسفه ما قصدت ,, قلت لها كلامي ,, مب مثنيه ,, خذي ملابسج اذا مب عجبتج شروطي ودرويل يترايج ,, غير جي ما عندي أقدمه لج ,,,
طلعت حجرتها ولعاد نزلت منها ...
وأنا بعد رحت عند الوالده ,, لاني حسيت لو تميت بالبيت ,, بدور على مشكله ثانيه وياها ...

لحين للامانه مرتاح ,,

قلت اذا غيرت رايها وافقت ,, على طول باخذها وبنسير عمره ,,, واذا أصرت

بيت أبوها جدامها الله يفتح عليها ..

__________________

الحمد لله على كل حال

raw3ah4u
مافهمت كلامك ^

مين الاطفال و مين الكبار ؟

عندي تعقيب،

هي فكرتك حلوه بس ساعتين مو كفايه بالنسبه للجين. ليش ما خليتها هي تحدد الفتره او تسالها كم يبالج عسب تكتبين؟؟

انا تقديري اسبوع كفايه خاصه انها بحيره وما تعرف شو تبي، اما انت فتعرف بالحرف شو تبي 10 دقايق وايد عليك.

ويوم شفت الورقه فاضيه، كان بأمكانك تقول " يعني اكتب على كيفي" و تجيب القلم وتكتب اشياء تستفزها و تخليها تتكلم، بحيث تعرف هي شو تبا. موب انك تقص الورقه و تفرها.

كانت فرصه و ضيعتها.

عين العقل ياأبو خلييفه..
أنا متأكدة أنها إلحيين تراجع في نفسها لأنها حست إنك ممكن تتنازل عنها وبدأ يتزعزع الامان من ناحيتك
خطوووة حلوة أتمنى منك تتم ع موقفك
الله يجمع فيما بينكم بالخير,,

__________________
عندما يوزع<<الله>> الأقدار,,ولا يمنحني شيئاً أريدهـ...أدرك تماماً أن<<الله>>سيمنحني شيئاً أجمل
شيئاً (يعجز) الجميع عن منحي إياهـ,,ويتعالى<<الله>> بقدرته...

كنت اقصد يمكن او احتمال لجين تعصب و تصارخ لجذب الانتباه او التعاطف

فقط لا غير