رجل طيب جدا

و أنا كنت مراعية دايما حدود امكانياته و هذه النتيجة ..

و دحين حدود ( امكانياته ) ما عادت تقنعني و لا ترضيني ..

.
.

أنا ما عمري شفت حالي عليه ، مثل ما اتهمتني ..

بس دحين ، أنا راح أتعامل معاه ( بحدود امكانياتي ) أنا ..

روح ؛؛*لدي عدة نقاط ..

الاولى ؛*ارحمي نفسك ..
لا تسنتزفين ما بقي لك من قوه ..
توقفي ولو لثلاثة ايام عن التفكير و هذه الداومه ..
اشكي بثك وحزنك لله فقط .. و الحي في الدعاء..
اعملي كنترول ومثل دواء هدوء الاعصاب و النسيان لفتره ..
خذي بريك لنفسك .. وحتى من زوجك ،، واخرجي من هذه الدائره لتستعيدي توازنك وقوتك و عقلانيتك .. واكثري من قول ( الحمدلله )*

الثانيه ؛؛*
لا تنبشي وراء زوجك .. ولا هالبنت .. لانه سيسؤك ويحزنك اكثر .. ولا تفكري في فعلهم ولا مجرد تفكير ،، احنا تعبت قلوبنا ونحن نقرأ وشلون انتي فرج الله همك*
*واعلمي ..
انه اذا حل المصاب .. فالجميع سيتبع مصالحه والخير له*
و يتمنى ان يخرج بإقل الخسائر .. مهما تكن من فضائح او مقدار او تغير حال..
واتبعي في قرارك ( راحة نفسك )
و ( مصلحتك )..
واذا كان بقرارة نفسك مسامحة زوجك و اكمال المسيره معه .. وعدم الصبر على الفراق ولعدة اسباب .. فلن يفيد زيادة الكلام او اعادته صدقيني .. فقط سيحزنك و سيدمر نفسيتك ..*
وكأنك تبحثين و تسألين لكي تريحي نفسك .. وتبحثين عن مخرج ، (اخرجك الله مخرج صدق ) و بعدين تفيقي على تعب اكبر واعظم ..

الثالثه ؛؛
كلنا نريد ان نأدب ونغير العالم اجمع و نصلح احوالهم .. *
ولكن .. هل سيتأدبون ؟! هل سيكونون صالحين ؟! هل سيتغيرون للافضل ؟!*
هذا علمه عند الله .. والله هو الهادي لسواء السبيل .. وهو العالم بقلوبهم و جوارحهم فلا تشغلي نفسك بهذا.. وزوجك ليس
مراهق بتربيه وكلمتين يمكن يتعدل سلوكه .. ويرتفع عنده انمبير التقوى والخوف من الله ..
فعلينا ان نؤدي ما علينا وان يكون همنا الاصلاح وامر بالمعروف ونهي عن المنكر ..
وما سواه فرب العالمين يتولاه برحمته .. ولا احد يضمن احد .. وحتى زوجك وان وعد .. لا يضمن نفسه .. !! والله المستعان
فضروري ،، تريحي بالك و ان يكون همك رضا ربك ثم اصلاح الحال ..

واوصيك ..
*لا يهمونك .. لا زوجك ولا هي .. فهم سواء .. عصوا ربهم وهو يتكفل بهم .. انتي مما اصابك منهم لك اجر عظيم وخيرٌ وفضل من ربك .. فهم مذنبون وانتي المأجوره .. فلماذا نتعب حالنا ونكدر انفسنا ونحن في خير عظيم وكبير ..*
فقط بإيمانك بهذا التفكير يجعلك اكثر صموداً وإيماناً و يقيناً
ويجعلك توزني امورك في المستقبل .. على اقل تقدير .. لن نتحمل اخطاء غيرنا في الاخره ..
الا اذا لم نجاهد لإصلاح الحال ..
او امر بمعروف ونهي عن منكر..

وآمني بالله وتوكلي عليه .. فهو القادر على تغيير زوجك و هدايته لسواء السبيل .

رزقك الله راحة البال وعافية الحال*

__________________

أنا فقط أمام الشاشة ..

حأبدأ من بكرة أراسل للدكتوراة بإذن الله ..

لكن محبطة ، و ما أحس إنه لي نفس أسافر معاه أو أكمل حياتي معاه ..

شقردية

إنت مقتنعة بكلامها ، صح ؟؟؟

بس ما تبغي تقولي إيوة ، عشان لا أتأثر ..
بس خلاص ما عاد يهمني ..

.
.

من اليوم ، بيشوف كيف روح الطير ..

ما راح أضحي بعد اليوم ، و لا راح أتحمل أي شي بعد اليوم ..

يخليه يندم ، و يتمنى الإنسانة القديمة اللي تدور عن سعادته و راحته ترجع ..

بس بيشوف ..

أنا لقيت الحل اللي يرضيني ..

.
.

هو صعب ( يطلع ) لمستواي ،،

أنا اللي راح ( أنزل ) لمستواه ..

عشان نكون ( متكافئين ) .. و نقدر نعيش سوى ..

.
.

أنا ما راح أتركه ، بس راح ( أعاقبه بطريقتي ) ..

و أنا ( انتقامي شديد ) للأسف ..

.
.

أعرف كيف أخلي الشخص ( يلف و يدور حوالين نفسه ) ..
بس من أول أعامله بإنسانية ..

و هو يعرف إني أذكى منه بمراحل ..
بس من أول صاينته و صاينة عرضه ..

كلامه و وعوده ،،

ما عادوا يأثروا فيا ، و لا عاد لهم ذرة بقلبي ..

هو كسر كل شي ..

و بيلقى جزاته ..

روح الله يرضى عليك ..*
اقتنع بمين ؟!! بوحده عاصيه لربها و تبحث عن مصلحتها وغرض دنيئ !
و عدم حياء لا من الله ولا خلقه تحادثك و تكرهك بزوجك .. بدال ما تدفن عمرها بالحيا من فعايلها .. وتصد عنك !!

لا تخلين الشيطان يوسوس لك .. واحمدي الله انه كشف المستور لك
وفضحهم عندك ..*
وتوقفوا عن الخطوات المزلات من الشيطان **
فربك رحيمٌ بعباده .. ارحم بهم من انفسهم ..*

عيشي لنفسك ..*
وزوجك وان زل واخطأ فهو ليس اول واحد ولا اخر واحد ..
نحن علينا انفسنا .. لا يضرنا من ظل اذا اهتدينا
و لن نهدي من احببنا فالله هو الهادي ..

كوني قويه بالله .. يغنيك عن جميع خلقه .. حتى عن زوجك ..*

واكيد لو قررتي الرجوع ..
اؤكد لك انك لن ترجعي بقلب روح الغض النقي ..
سترجعين بقلب اقوى بالله و بحكمه ..

__________________

ايوة نسيت أقول

هو كان يعيش مراهقته معاي برة ، توي و أنا بأتفرج عالصور ..
القطار و كل شي برة ..

نخرج و نروح و نجي ..

هنا رجعنا ، مثل ما قلت ..
أول سنة رجعنا فيه ،، مرض أمي و حملي و هو مشاكل أهله و المسئوليات و العمل و كل شي
تاني سنة ، موت أمي و ولادتي و شغلي و أهلي و أهله هو كمان و تعطله عن العمل و تكاليف مادية ..

طيب كم مرة كنت أقول له ، فترة و تعدي ..
تجينا شغالة كويسة و نتفضى لبعض ..

يعني بس عشان شهرين ، ما قدر يصبر ؟؟؟؟؟
و حتى خلال الشهرين هذولا ، كنت أبسطه و أريحه ..
كنت بس أكلمه عن السهر بين فترات جدا متباعدة ..

أجل بكرة لو طاحت سنوني ، إيش بيعمل ؟؟؟؟؟؟

دق قبل شوي ، و قال <---- ( أول مرة طبعا يعملها من يوم تغير علي ) ..
قال كيفك حبيبي ؟ معليه سامحيني تأخرت شوي بالشغل عشان كانت فيه شغلات و خلصتها دحين ..

قلت له ، إيوة طولتوا كثير ..

قال لي ، معليه ما كان بالقصد ،، بس بكرة إن شاء الله أوعدك أوديك ( اكسترا ) ..

قلت له ، إن شاء الله
إيش اعمل بكرة عالغداء ؟

قال لي
من دحين تفكري ؟

قلت له ، أفضل عشان ارجع من الشغل و كل شي جاهز و اكمله ..
( أكلمه و أنا جدا هادية لأبعد حد ) ..

قال لي
( لا تطبخي ، بكرة بأعزمك برة نتغدى سوا )

قلت له
( بس ما يمديك عندك شغل تخلص بعد المغرب .. و خلاص ما يحتاج )

قال ( استأذن لو ساعة و أجي أخرجك ،، و انت ياما وقفتي معايا و صبرتي عليا و صنعتي مني شخص أقدر اعتمد
فيه على نفسي ، مو مثل قبل شخص ضايع ،، و تحملتيني كثير ،، هذا أقل شي أقدمه لك ،،

و بتشوفي كيف إن ما رجعت لك فلان القديم )

قلت له
( بس تعرف إنه الموضوع صعب علي ، و مو بالسهولة أقدر ارجع مثل قبل ،، يمكن يطول الموضوع و ما تصبر )

قال لي
( عادي ، و أدري إنها القشة اللي قصمت ظهر البعير ..
مو صبرتي علي كثير ؟ جا الوقت اللي أعوضك ) ..

.
.

دحين بيوصل بعد نص ساعة ..

إيش اعمل ؟؟؟

مشكور أخوي

هو يقول ، وقفاتي كلها ما تتحسب و تعاقبيني على أسبوعين فقط ؟؟؟

.
.

ايوة أعاقبه عليها ، لإنها ( كانت العمود الوحيد ) ..
اللي شايلة كل شي ..

و طاااااااااااااااااااااااح خلاص العمود هذا .. و ما عاد يرجع ..

لا حول ولا قوة الا بالله

شفيك روح ؟؟؟

وينك ؟؟؟

أصلا مو قادرة أشوفك من كثر الشياطين اللي قاعدة ترقص حواليكي

ما راح أناقشك لأنه النقاش معك وانتِ بهالحالة أمر ويئوس منه .. عطلتي المنطق عندك

روح حبيبتي .. غمضي عيونك الحين وقولي لا اله الا الله بصوت منخفض بس تسمعي نفسك وببطء شديد وردديها الى ان ترتاح نفسك شوي وبعدها كملي قراءة ردي




روحي ربي يسعدك ويهدي بالك واقرئي سورة البقرة وصلي كم ركعة واذا ما لك صلاة ومعذورة توضي

واقعدي على فرشة الصلاة واذكري الله واستغفري وصلي على النبي وامدحي برب الكون وبعدها ابكي لربك واطلب منه الطريق الصح
قولي " ربي أتني من لدنك رحمة وهيء لي من أمري رشدا "" ربي أعوذ بك من وسوسة الشياطين ,, وحطي راسك على المخدة وظلي استغفري الى أن تنامي

__________________