الله يعطيك العافية خالة بيتا
قررتي تعطي نفسك فرصة علي اي اساس
اذا قرر يبدأ التقسيم شو بتسوين ?
نقطة العودة للعمل مهمة و بتساعدك كثير
فاذا قدرتي تتجاوزي مسألة تقسيم الوقت و لو بعضه و ليس كله و لو لفترة يمكن تعتادي و يخف ضغط هذه النقطة عليك و تعشيها واقع ممكن نقول انك حطيتي رجلك علي الطريق الصحيح

__________________

أعتذر منكم .. انشغلت مع عيالي.

المشكلة قبل الحالية والتي كنت قد وضعتها في الكوفي:

اقتباس:

المشاركة الأصلية كتبت بواسطة مهره يوم الجمعة الماضي صار لي موقف جنوني مع زوجي. البداية كانت موضوع بسيط المفترض إنه بينه وبين أحد أصدقاءه .. حسب كلامه المعلَن .. صديقه راجع من العمرة وعامل غدا ويوزع على أصدقاءه .. وزوجي واحد منهم .. وأنا بالي راح لشي ثاني .. وتصرفت على هذا الأساس. بديت كلامي بسؤال: هذا الصديق معاك في الدوام؟ هو فهم مغزى سؤالي .. وعاتبني: أم سلطان .. مب جذي عاد! كان واضح لي إنه ناوي يكبّر رد فعله عشان يسكّتني .. وهذا اللي صار فعلاً. المهم كان يكلمني ببرود .. فانفعلت جداً وضربته ضربة على صدره. <------- لا حد يقول لي غلطانة يا مهرة .. وكيف تسوين جذي؟!! .. عارفة إنه تصرف غلط .. وما في مجال أجادل في هالنقطة مع أي حد. بعدني عنه .. ما أقدر أقول بقوة لأنه ما دفعني دفع قوي ولا عورني أساساً .. لكني تصورت إنه سوّا جذي من باب زعله لأني مديت يدي. اعتذرت مباشرةً على الحركة اللي سويتها .. لكنه استمر في تكبير رد فعله على كلامي الأساسي اللي كنت أقوله. في النهاية قال: مب عاجبج خذي أغراضج وروحي بيت أهلج. قلت له: شي طيب .. لو إنك قايل جذي من البداية كان وفرّت عليّ وعليك. وقمت من مكاني وطلّعت عباتي وبديت ألبسها .. وبس أسمعه يقول: هاا أنزّل لج شنطتج؟! ما رديت عليه .. وسحبت شنطة يدي ومفتاح سيارتي وسرت صوب باب الغرفة .. باطلع. لما شافني جذي لان صوته وناداني .. بس ما رديت عليه وفتحت باب الغرفة وطلعت .. وتميت واقفة برا. <-------- اللي وقّفني إن عيالي كانوا في غرفهم .. ولو طلعت راح يحسون ويطلعون يشوفون شو صاير. طلع وراي ورجعّني داخل الغرفة .. وانقلب رد فعله تماماً. تكلمنا وقلت له كثير من اللي في خاطري .. ثلاث سنوات مروا ولازلت مب قادرة أتخطّى اللي صار .. سويت كل شي أقدر عليه وخطر على بالي عشان نفسي قبل ما يكون عشانك .. لدرجة إني رحت لطبيب نفسي. انصدم تماماً من سالفة الطبيب .. ومن لخبطته استنكر: كيف تروحين من وراي؟ قلت له: احلف بس!!! .. المفروض أستأذن مثلاً؟!!!!! قلت له ما أتحمل أي تصرف يحصل جدامي .. ولا أتحمل الموبايل اللي تكون ماسكه وإنت يالس جنبي تكتب وترسل .. على بالك ما أعرف وإلا ما أفهم؟!!! قال لي: شو قاصرج؟ قلت له: ما في شي قاصرني .. وعمري ما نكرت أفضالك ولا أنسى أي شي حلو وزين تسويه معاي .. لكن مب قليلة تكون يالس معاي وبالك برا .. مب قليلة أتم بروحي بالأيام والليالي ولما ترجع بدل ما تعوضني غيابك تروح توزع وقتك برا .. مب قليلة توعد عيالك بطلعة أو فسحة وتلغيها فجأة عشان عندك موال ثاني (صارت أكثر من مرة) .... في يوم من الأيام استنكرت عليّ كلامي هذا وقلت لي: يعني تبيني لاصق فيكم أربع وعشرين ساعة؟ .. هيه المفروض تتم لاصق فينا أربع وعشرين ساعة مقابل غيابك الطويل اللي صارلنا عايشينه 11 سنة .. وكل دقيقة زايدة أو إضافية عندك أنا وعيالي أولى فيها من أي حد. كلام كثير قلته .. وكالعادة سمعني أكثر مما رد عليّ أو كلمني .. وفي آخر الكلام قال إنه يحبني! .. قلت له: لو كنت تحبني ما كنت عرّضتني لكل هذا ولا كنت سويت اللي سويته ..... وطبعاً ما علّق أبداً على هالجملة. انتهى اليوم ونمنا .. ووعّاني الفجر للصلاة .. وعقبها طلبني للفراش .. ووقتها عرفت إن صدره يعوّره من ضربتي!! الصبح طلب مني أعمل له مشروب ساخن للحلق لأنه كان تعبان شوي اليومين اللي طافوا وارتاح على هالمشروب .. وهو بالعادة ما يطلب مني شي إذا كان زعلان أو عامل نفسه زعلان. طلع الضحى يعزي في ناس من الجيران .. ورجع على طول .. مع إني توقعته يطلع عقب العزا. ولما مسك الموبايل تعمّد يتكلم في قروب العايلة ويعلق معاي على الكلام اللي يقولونه خواته وإخوانه عشان ما أحس إنه يتكلم مع حد.<-------- أنا معاهم في قروب العايلة .. مع إنه كان يتكلم معاها فعلاً في نفس الوقت. وخلال هالكم يوم كلهم كان يلطّف الجو كثير معاي .. ويداعبني ويمازحني. طبعاً رجعت اعتذرت منه ثاني يوم على الضربة وإني ما تخيلت إنها بتعوره جذي .. مسح على راسي وقال لي: ما صار شي .. لا تشيلين هم. طبعاً كان نفسي أحط هالموقف في موضوع منفردة .. بس لقيت إني كتبت كثير وما يصلح أحطه هناك.

المشكلة الحالية ربما لم أكتبها باستفاضة كوني لم أكن أعتقد أنها سبب مباشر .. ولكنها حلقة في سلسلة لن تنتهي.

المهم ..

اقتباس:

المشاركة الأصلية كتبت بواسطة مهره حتى السفرة ـ التي كانت من المفترض أنها احتفال بعيد زواجنا العاشر ـ لم يكن معي .. بل كان منشغلاً بالمسجات! نكون جالسين في المطعم أو في الباص مثلاً .. يمسك الموبايل ويكتب ثم يضعه من يده .. وأخطف نظرة على الشاشة قبل أن تنطفئ لأجدها على رأس قائمة المتصلين! . . . اشترينا هدايا لأمي وأخواته وإخوانه ... كلها عطور أخذناها من المطار. فجأة اقترح أن يشتري علبة شوكولاتة لإحدى أخواته .. وطلب مني أن أختار! اخترت واشتريناها. بعد أن عدنا أخذ عطور إخوته الرجال وسلمها لأمي حتى توزعها .. وقال لها: أنا يبت هدايا الشباب وأم سلطان بتييب هدايا البنات. حدث هذا صباحاً .. وبعدها مباشرة خرج وبقي في الخارج طوال اليوم. خلال هذا الوقت أعطيت أمي العطور وعلبة الشوكولاتة. عاد مساءً .. وبدون حتى ما يسلم .. هاوشني: من قال لج تودين لهم علبة الكاكاو؟!!!!!!! . . . الثلاثة أيام التالية كان يخرج صباحاً ويعود عصراً .. الساعة الخامسة تحديداً. سألته: مب بالعادة هالتأخير. هاوش: يعني إنتي تبيني لاصق فيكم 24 ساعة! سألت مرة ثانية: شو اللي قاعد يصير؟ ما رد وتركني وطلع. بيته اللي يبنيه قرب يخلص يا مسز .. واللي خطر على بالي إنه يمهد بتطويل فترات بقاءه خارج البيت.

بعد ما تركني وطلع بعثت له مسج وقلت له إني عارفة إن هالموضوع ما راح يخلص .. وإني تعبت منه ومن نفسي .. وطلبت إن احنا نفترق أحسن له وأريح لي .. وما رد عليّ.

تمينا بعدها يومين ما نتكلم .. وعقبها رجع الدوام .. وليلة رجوعه نام في غرفة سلطان.

__________________


اللهم طِيبَ الأثر .. وحُسْنَ الرحيل.

بصراحة لا .. أحتاج أن أفكر قليلاً.

ولكن رغم عدم منطقية الوضع الحالي .. إلا أنني لست منزعجة منه.

__________________


اللهم طِيبَ الأثر .. وحُسْنَ الرحيل.

بالضبط

اتفق معك ...
فلا أرى لغناءه او تصفيره رابطا بالانفجار ...!!..
و السياقُ أهمُّ وسيلةٍ لفهمِ المراد ...
فقد أَلَفَتْهُ على نفس المنوالِ طيلةَ فترةِ زواجهما !!!
فهل أغنياتِهِ السابقةِ إيحاءاتٌ - لها - بالانفجار ، و هل تصفيراته الماضِيةِ كَمثيلِ طنجرةِ الضغط أيضا !!!!!!!!!؟؟؟؟؟؟
إنما هي واحدة من الإثنين او كلاهما :
** محاولةُ لفتِ الانتباه...
** تمثيل مزيف بالسعادة ، لتغطية غُصةٍ تكادُ تنكشف ان أطلق التفكيرُ عَنَانَهُ ....

فتح الله على الجميع

بردي قلبك
عقب عيشي حياتك طبيعي
ترى بالموقف مو قصدي طلاق ابد
ليت اشراقه تستفيض بهالمساله احسها احسن مني

السلام عليكم ..
اختي لقد استخرت أكثر من مرة .. و لم توفقي ولا في مره .. الآن معك سنة كاملة تحسني نفسيتك و تبدأي في بناء ذاتك و الانشغال بها .. العمل سيحسن الوضع اكثر .. و يقلل من وقت الفراغ و بالتالي التفكير .. و سيكون همك الآن ما هو الا جزء يسير من تفكيرك غدا و لن يسبب هما ان شاء الله .. و هو و الله اعلم افضل بكثيــر من الوحده و الطلاق و المسؤولية الكاملة على عاتقك ..

الآن لا تعودي للتفكير في الطلاق مجددا .. فكري في أسلوب حياة افضل من سابقه بكثير يناسب وضعك و الله سيوفقك ما دمتي معه في كل خطوة ..

الله ييسر كل امورك للخير ..

بالنسبة للتصفير وهو داخل البيت ربما ينبهك لوصوله عشان تتجنبينه وماتحدث مواجهه بينكم
يعني وهو جاي للبيت يكون شايل هم دخوله عليكم وشايل هم المواجهه اللي ممكن تحصل فينبهك بالصوت تنفيس عن همه واظهار اللامبالاه وتنبيه لك

الله يصلح مابينكم هالوضع قد يبدو مؤقت لكليكما لكن له تبعات على حياتكم الله يكفيكم شرها

انا كنت فاهم انك طلبتي الطلاق من امه

والان تقولين انك طلبتي الفراق منه من اسبوعين!

كذا اختلف عندي الفهم

ممكن ام سلطان تواضعا منك ورحمة لنا تحكي الموقف اللي قدل اسبوعين دام ان الطلاق لم يقع حتى الان

ممكن يكون موقفك سليم

__________________

أميل لرأي الحنونة أنليمتد في ان تحاول مهره ماادقق
من جهة ثانية مالوم مهوره لسببين
_ ربة البيت عالمها كله زوجها وعيالها وتنتبه لأغلب الأشياء في البيت
_ أن مهره تحبه فعلا وهو يحبها


الصفير لا أرى أن أفسره على أنه صمام أمان سينفجر
اللي أشوفه ان مهره غالية جدا على زوجها ويحبها
ويحاول لفت انتباهها له من جهة
ويتلاعب بأعصابها من جهة أخرى


حبيبة قلبي مهره
قلبي معك وستنجحين باذن الله
حاسة بكل ما تقولينه
وأشفق عليك من ضميرك لان كل كلمة لوم تعذبك أدري

__________________
الحمدلله الذي بنعمته تتم الصالحات