انتي تشعرين انك هنتي عليه وخانك.. ولكن في الحقيقة الانسان في حالات الاقدام على المخالفة لديه في داخله شعور حي يوقظه ولا يمكن ان يقارن فيك من ناحية الانوثة والطهر مع وحدة ثانية ابداً.. انتي خاصة له وتلك مشاع له ولغيره.. انتي الاصل وتلك النزوة.. فلا تجعلي لمجرد نزوة ان تحطم حياتك انها نزوة تتلاشى مع الوقت.. ادري انك مطعونه ولكن مكانتك لم تتغير للاسوء في داخله بل زادت لانك ماتخليتي عنه رغم خطأه.. وهذي والله تجعله في احقر حالاته النفسية امامك.. ووده لو تنفجرين وتسوين فيه اي شي عشان يتأكد ان نفستي عن احتقانك .. الذي يزيده صمتك الم لانه يعلم ان الصمت هو تعبير عن الاحتقان وان الجرح لازال يأن من وطئة الالم.. بالذات لو كان صمتك مع نظرات الاسيه وتلمع من عيونك دمعها المحبوس >> وهذا يجننه ويخليه يدور حول نفسه ويعاقبها ذاتياً ويحس بان الغلط راكبه من راسه لساسه...

انا من رأيي انتصارك لكرامتك حصل باعتذاره وندامته فاقبلي العذر واجعليه يمر بحالة تدريب نوعاً ما رسمية هو الان يتدرب وفي مرحلة التقبل .. وجالس يعيد حساباته.. وانتي حياتك لاتوقف سوي بربوزل بحث الدكتوراه وابحثي وعيشي نافذة المستقبل واتركيه يتربى صححح واستعملي بذكائك الانثوي سياسة الشد والجذب لا تخلينه يمسك لك طرف سالفة هذا النوع من الرجال يسنعه هذا الاسلوب بالذات اذا كان بموقف ضعف مثل موقفه.. وتريه من النوع اللي يتسنع فاحمدي الله انه ليس من النوع النمرود والا كان تلاقين قلبه فندق تسكنه مليون ساقطة



وفقك الله *

__________________
ان انت اكرمت الكريم ملكته.. وان انت اكرمت اللئيم تمردَ!!

مشكور أخوي

هو يقول ، وقفاتي كلها ما تتحسب و تعاقبيني على أسبوعين فقط ؟؟؟

.
.

ايوة أعاقبه عليها ، لإنها ( كانت العمود الوحيد ) ..
اللي شايلة كل شي ..

و طاااااااااااااااااااااااح خلاص العمود هذا .. و ما عاد يرجع ..

لا حول ولا قوة الا بالله

شفيك روح ؟؟؟

وينك ؟؟؟

أصلا مو قادرة أشوفك من كثر الشياطين اللي قاعدة ترقص حواليكي

ما راح أناقشك لأنه النقاش معك وانتِ بهالحالة أمر ويئوس منه .. عطلتي المنطق عندك

روح حبيبتي .. غمضي عيونك الحين وقولي لا اله الا الله بصوت منخفض بس تسمعي نفسك وببطء شديد وردديها الى ان ترتاح نفسك شوي وبعدها كملي قراءة ردي




روحي ربي يسعدك ويهدي بالك واقرئي سورة البقرة وصلي كم ركعة واذا ما لك صلاة ومعذورة توضي

واقعدي على فرشة الصلاة واذكري الله واستغفري وصلي على النبي وامدحي برب الكون وبعدها ابكي لربك واطلب منه الطريق الصح
قولي " ربي أتني من لدنك رحمة وهيء لي من أمري رشدا "" ربي أعوذ بك من وسوسة الشياطين ,, وحطي راسك على المخدة وظلي استغفري الى أن تنامي

__________________

بيتا حبيبتي ..

أنا معاك يا قلبي ،، بس هل راح يتغير شي من الماضي ؟
هل بيتصلح شي من الماضي ؟؟؟

أنا لازم أقبل بالواقع ( رضيت أم أبيت ) هذه هي الحقيقة ..

.
.

عشان كذا ، أنا مقررة ما عاد أفكر فيه أبدا ..
و لا راح أقدم له أي شي بعد اليوم ..

و بالتدريج أقفل قلبي ..

موافقتك يا أمي .. قفلي قلبك ولا عاد تذكري الموضوع ولا تحاولي تحليه

اعطي نفسك فرصة تهدى ... احسك بركان ثاير وكل ما تفكري يثور اكثر .. انتِ محتاجة نوم حتى تقدري تفكري صح .. نامي أسبوع وارجعي

حاولي تنامي حبيبتي .. اعملي اللي قلت لك عليه ونامي ربي يهدي بالك ويصلح حالك

تصبحي على خير

__________________

طيب خلال الأسبوع هذا ، كيف بيكون تعاملي معاه ؟

روح انا مثل الغاليه بيتـــا ... كأني ما اعرفج .. قلت لج قبل اقطعي عن النت لو يومين او ثلاث
وخلالها بس خليج مع رب العالمين .. ادعي له يفرج همج وبنور دربج لين تهدين شوي وتعرفين تركزين

حبيبتي لو انتي في مكاننا الحين ووتشوفين كلامج واااااااضح انج مشوشه .. قلت لج ما تقدرين تركزين على
شيئين او اكثر في نفس الوقت ... سامحي او عاقبي .. بعدها بترتاحين

وبعدين يوم زوجك بيقترح يسوي لك شي مثل دعوة لعشاء او غداء لا ترفضين .. عطيه فرصته خليه يعتذر لج بطريقته
ويثبت لج انه تغير بطريقته ..

حاليا خليج قريبه من الله الفرج بإيده وحده .. وهو قادر على كل شي ..

ربي يشرح لج صدرج ويفرج همج حبيبتي .. وما انساك في صلاتي ودعواتي يالغاليه

__________________

لمني ..

الفرج في إيش ؟

لو تركته ( أنا الخسرانة )
لو كملت ( أنا الخسرانة )

مافي شي راح يغير الماضي ..

أقصد ( خسرانة ) = يعني بأتألم بكل الأحوال ،،

روح ليش ما تقدرين تغيرين رقمك؟؟ جيبي رقم جديد وأرسليه لكل اللي في الفون بوك ... وانسخي الأرقام من الشريحة القديمة .. وين المشكله؟ ترى هذه ما بتخليك في حالك يا روح .. هدفها تخرب بيتك .. وإذا كانت هذه أول مرة تكلم واحد مثل ما تقول فما بتكون عندها الجرأة أنها تكلمك وتألف كل هالقصص .. ... .. .. اللي أعرفه اللي يغلط هالاغلاط يحاول يستر على نفسه مو مثل هذه جالسه تقولك سويت وسويت وسويت وطلعت معاه وأرسلت صوري وعضني وطلبني ما أدري ايش .. لا حول ولا قوة إلا بالله .. وين الحياء .... لكن تدرين يا روح ؟ أحس هالبنت هدفها تخرب حياتكم وفي نفس الوقت هي خائفه تشتكون عليها.. فجالسه تهدد بطريقه غير مباشرة .. أول مرة قالت لك قولي لزوجك ما يهددني لأني أنا اللي بفضحه وبطلب الهيئة .. وهالمرة تقول لك كلمتهم و ينتظرون اشارة مني + تليفوني مراقب + أنا ساكنه برع + بروح أسكن في دبي الخ الخ .. ... ... .... ... يعنى ترى ما تقدرون تضروني... + كلامها يخليج تظنين أكيد الموضوع أكبر من مجرد مكالمه ...... ....... ........ ....... مع أنها انسانه كذابه .. وكل مرة تفضح نفسها بنفسها .... ... .... ..... .... ...... .... .... .... انتي إذا تحسين انه زوجك مسوي إشياء ثانية دوري أدله غير كلام البنت ... يختي كلامها واضح انه كذب وغلط انك تعطيها أخبارك .. انتي يوم تقوليلها ما في شيء جديد هي تنقهر وتفكر في طرق ثانيه تخرب عليك.. غيري رقمك يا روح ترى مو بعيد بكرة تخلي وحده غيرها تكلمك وتقول لك انها كمان مصاحبه زوجك ... أحس إزعاجها ما بينتهي .. وإلا في وحده تسوي علاقه مع واحد وتكلم زوجته تحذرها منه وكأنها تقولك أنا أعرف شخصيته وصفاته أكثر منك ؟ وتكلمك عشان تطمن أنك تطلقتي منه؟؟؟؟ لا و تعطيك خطه كامله كيف تروحين تخلعينه إذا ما رضى يطلقك و الكلام اللي تقولينه للقاضي وحضانة الأولاد و.. و.. و.. ؟؟ ....... والله على كثر ما الموضوع مؤلم لكن في أجزاء من كلامها تضحك .... ارحمي نفسك وغيري الرقم لأنك ما حتقدري تنسي الموضوع طالما هالبنت ممكن تكلمك في أي لحظة ..

إذاً ابحثي عن أقل الخسائر

وأقل قدراً من الألم