وانا جدا كنت احبه ولازلت وهو كذلك كان يحبني ليه رفض يتفاهم معايا
وانا كنت أحاول اعرف اذا في شي مضايقه او مزعله مني لكن هو دايما كان يثني علي
كنت أتمنى انه يعطيني فرصه واذا في شي مزعله يقولي ويتفاهم معايا ونحل الموضوع حتى رسايلي ما يرد عليها
ولا هو أصلا خلاص صار مايبغاني كل اهلي يقولو لو فعلا حبك كان جا يتفاهم او يتكلم معانا مو يسوي كذا على طول وبهذه الطريقه
انا جدا نفسيتي متعبة من اللي صار كيف اقدر انساه؟؟

لو فعلا كان يحبني كان اعطاني فرصه صح؟؟
او حاول يتفاهم؟؟ ، مافي إنسان كامل وكل واحد اكيد عنده أغلاط وكل واحد يعذر الثاني ويتجاوز عن أخطائه لكن هو ما عمره قالي انو في شي مضايقه ليييه اذا فعلا هو مضايق من شي يقول وانا أغيره مع انه اغلب الكلام اللي طلعه عني كذب حتى مو صادق فيه

__________________

يسلم راسك على هالرد .

الله يرحم امهات اول يااما يشوفون من الزوج وتصبر تصبر لو تطلع روحها بس علشان عيالها مايتشتتون ، ولو تطلقت تعيش لعيالها لو هم عشره بس لانها تدري لو تركتهم ضاعو ا .


اختي عزيزتي كيف تركتي قطعه من قلبك بهالعمر وخليتيه لابوه ؟؟
لو ابوه يحيه مثل ماقلتي بيصير مثل كلام اخونا مثل العسل على قلبه ، الأب اللي يحب عياله يهمه سعادتهم يعني لو هو متأكد انك حنونه على ولدك ماراح يحرم ولدك من حنانك بالذات وهو بهالعمر الصغير ،
على فكره شكلك اثبتي ان مايهمك ظناااااك ، اصلح الله قلبك !

تذكري أن الأمومه غريييزه ( مش اهل اقنعوني اترك قطعه من قلبي!! )

كلمه اخيره ... لاتنزلي نفسك ل زوجك
استخيري تكلمينه او لا ، واستخيري بالرجعه
ماتدرين لعل الله يحدث بعد دلك امرا

مشكورين على ردودكم الموضوع انتهى وانا حاولت كثير اني اتفاهم معاه ومستعده اسوي اللي يبغاه واتنازلت مع اتهاماته ليا بسبب كلام اهله حسبي الله وعشان اولادي ما ابغاهم يتشتتو بس هو حتى عشان الأولاد ماهمه ولا حتى حاول يتفاهم خلاص ما اقدر اعمل اكثر من كذا اذا هو ما يبغا
وولدي الحمدلله يجيني كل أسبوع واشوفه وولدي اللي ولدت ما جا ولا سأل عنه حتى انا ابغا الأولاد عنده عشان يتحمل المسؤوليه ويشوفو ابوهم ويعرفوا مو يتركهم عندي ولا يفكر فيهم

وهو لما طلق ليه ما فكر في أولاده ما خاف عليهم طلق بكل لا مبالاه لأسباب تافهه وتحريض وتخطيط من امه وامه تقول الرجال ما يمسكه طفل واحد ولا سأل عنهم اَي قلب هذا
انا تركت ولدي عنده ليتحمل مسؤوليته وعشان يعرف الأب مو بس كلمه تنقال انا تحملت الحياه معاه وكنت مستعده أتحمل اكثر ولا يعيشوا اولادي بعيد ان امهم وأبوهم لكن هو اختار يسمع كلام اهله وما سعى للصلح ابدا وانا حاولت كثيييير ايش كان بيدي اعمل اكثر؟؟
الرجل لما يطلق يروح يعيش حياته ويتزوج ويترك الأطفال للام تربي وتتعب ومستشفيات هذا كله انا حعمله لوحدي من غير اب ليا يساعدني او اخ او حتى زوج
وهو يقدر يسوي كل هذا بكل سهوله ومع ذلك غلط اذا تحمل مسؤوليتهم والمفروض انا اتحملها لوحدي؟!!!
امه كانت السبب في طلاقنا مو المفروض هيا اللي تساعده في تربيتهم مو هيا تقول عادي والولد مايربط الرجال وخربت بيتي
انا ابغا اولادي عندي بس خايفه أتحمل مسؤوليتهم لوحدي وأبوهم يتركهم ولا يسأل عنهم انا بين قرارين كل واحد اصعب عليا من الثاني لا تحسبو اني تركت ولدي عند ابوه وانا مبسوطه الا قلبي يتقطع عليه بس حاولت اضغط وأتحمل وما ادري يمكن اذا صارت ظروفي احسن أجيبه يعيش عندي بس وقتها ابوه ماراح يسأل عنه ولا يشوفه

يا ناس انا قلتله موافقه اعتذر لأمك اذا غلطت بحقها لما نرجع لبعض اذا يبغا يرجعني
بس هو ما جا ما قال ابغا أرجعك
يوم ما ولدت أرسل انو ابغاكي تفهمي من نفسك وتعتذريلها كيف بفهم من نفسي !!!وبعدين يقول قراره وامه مو راضيه عليه اذا رجعني يعني حتى لو اعتذرت كان يمكن يقول خلاص ما ابغاك
ايش تبغوني اعمل اروح اترجا امه رجعووني
لو هو يبغاني او عشان أولاده كان حاول مع امه صح كان حاول يقنعها عالأقل هو حتى مكالمه مو راضي يكلمني يقول اخاف تقدر تقنعني بكلامها!!!!خايف يكلمني واكيد امه مانعته يكلمني
ومع ذلك قلتله طيب خلاص بكلمها من نفسي
ومع ذلك هو اللي قال خلااااااص انتهى

وامه انا ما غلطت عليها بشي هيا غيرانه مني لأنو ولدها طيب معايا ويسمع كلامي ومحنا على كيفهم فصاروا دايما يقولولو هيا تمشيك على كيفها انت مو رجال وهو صدق كلامهم واستغلت مره كنّا زعلانين من بعض وكبروا المشكله وطلعني من البيت وطلقني وطلع صك الطلاق على طول وسوا أشياء مو قليله ومع ذلك مو شايف نفسه غلط ابدا وانا اللي غلطانه بس عشان امي رسلت لامه حسبي الله ونعم الوكيل مقهوره من اللي سواه فيا ومن حقها تزعل على بنتها
وصار يتكلم عن أشياء قديمه ومواقف عاديه ويفتري عليا ويكبرها واهله يتكلموا تخيلو ومع ذلك قلتله بعتذر لأمك بس عشان الرساله وهو مو شايف انه غلط ابدا

ايش رأيكم صح الموضوع انتهي وولدت وخلصت عدتي وبحاول انسى اللي صار
هل انا قصرت؟؟ انا حاولت قد ما اقدر اتفاهم معاه يعطيني فرصه نتكلم يسمعني نحل المشكله وحتى لو كانت عندنا مشاكل في حياتنا بس عاديه في ناس اكثر مننا وبيتحملو عشان بيتهم ماراحوا سووا زيو ومع تدخل اهله وكبروها في راْسه وهو ابدا ما سعى للصلح😔
مابقي غير اروح لأمه اترجاها
هل كان المفروض اروح من نفسي واعتذر لامه وهو اصلا ما رجعني
ولا قال حتى ايوا ابغا أرجعك يعني اذا واحد انا واولاده ما هميناه هل
كان المفروض أهين نفسي زياده عشان ارجع وكان يمكن يطنشني ومايرجعني؟؟
دعيييت كثييير اني ارجع وربي يسهلها طول فترة حملي بس ربي ماراد

يعني اذا هو خلاص ماعاد يبغاني ولا هميته كيف كنت برجعله واذا امه حاطتني براسها ما كانت حتسيبنا فحالنا
تعبت من كثر التفكير في الموضووووووع😩
ابغا انسااااه
جاوبوني يا اخوان هل من الرجوله الواحد يطلق ام أولاده بهادي الطريقه اللي بينهم عشره حتى لو كانوا متزاعلين ويطلعها وهيا حامل وولده الصغير من البيت ويقفل جواله ولا يرد على اَهلها ويعمل لها بلوك بس عشان ما يبغا احد يكلمه او يتفاهم معاه المفروض يجي يقول انا ما ابغاها مثلا خلاص مانقدر نكمل مع بعض مو بهادي الطريقه ويمنعها تآخذ أغراضها بنفسها من البيت واهله يدخلو البيت ويشيلو كل أغراضها ويآخذوا الأشياء اللي تعجبهم على كيفهم وحتى صووووري يقطعها ويمسحها ايش الوحشية هادي هدولا بشر حتى لو كان زعلان حتى او يكرهني بأي حق يتصرف كذا بالله يا اخواااان جاوبوني اللي طلق زوجته هل سووا فيها كذا؟؟؟ هل هذا شي عادي عندكم المرأه مالها كرامه مالها حقوق وفوق هذا يقول انت تعتذري لأهلي وانا وافقت بس عشان ارجعله ومع ذلك هو ما جا يرجعني يبغاني اعتذر اول
فيييين الحب والعشره والكلام اللي كان يقوله ليا كله كذب وكلام في الهوا قد كدا اعطاني صدمه في الرجاااال معقوله الانسان اللي عشت معاه يطلع منه كل هادي التصرفات اللئيمة 😫