الله يجزاك كل خير وأشكر لك تفاعلك معي أخوي ،،
الله يجعله ف موازين حسناتك ،،

بالنسبه للتفاصيل :
عمري 28 س و زوجي 35 س

مدى تدينه :
الحمدلله يصلي بس مقصر من ناحية ادائها في وقتها
خصوصا الفجر والعشاء وكل صلواته تكون ف المنزل عدا صلاة الجمعه
الوحيده اللي يصليها ف المسجد ،،
بس فيه شغلات كنت الاحظها عليه ف بعض الأمور
مثلا مايهتم يستمع لأشياء دينيه ف الجوال او في السياره
واذا ارسلت له ع الواتس يكون قصدي توصله معلومه للأسف
ما يهتم ويطنش ،،
خجول من العنصر النسائي وبنفس الوقت عينه طويله
يعني يحاول ف مجال عمله يلفت انتباه العميلات له
إذا وحده اعطته مجال على طول ما يصدق خبر ،، بس
إذا شاف وحده قويه وصارمه وماتعطيه وجه يخاف ،،
واستغرب فيه هالنقطه مقارنة ب معاملته المتسلطنه معاي ،،

هذا غير الخيانات اللي اكتشفتها ف جواله
اخرتها قبل سنه كان متواصل مع وحده وترسل له هدايا وعطورات
بس من اللي عرفته ماكان فيه مقابلات مجرد تواصل ف الواتس اب
ومكالمات ولما واجهته خاف وارتعب وقال اصلا أنا خاطبها
طبعا قال لي كذا لأنه خاف يوصل الموضوع لأهلي وينحط بموقف محرج
وهو. انسان ما يحب احد ياخذ عنه فكره ان راعي حركات ومغازلات
.. وانا وقت ماشفت المحادثه ماقدرت اتحمل وكلمتها وعاتبتها
وللأسف قال لي بكل وقاحه { خليه يبعد أول وبعدين أنا ببعد }
وراحت اتصلت على زوجي وجلس تشتكي أني سبيتها وشتمتها
وانصــــــــــــدمت من ردة فعل زوجي ،،
جاء لعندي ورفع صوته وكان مصمم يعرف ايش قلت لها ب الضبط
وكان يدافع عنها ويقول لا تغلطي عليها هذي بنت ناس
ولما شافني كنت ابكي من القهر قال لي بنبره هادئه { خلاص لا تبكي
والله العظيم اتهاوشت معاها علشانك } تخيلوا يقول لي كذا !!!
يعني حسسني انها هي زوجته وانا عشيقته ،،
قلت له انت ما تستحي تقول لي هالكلام ،، كيف يعني اتهاوشت
معاها علشانك ! ليش مين زوجتك أنا ولا هي !
وثاني يوم انهارت اعصابي وارسلت لزوجي كلام زي السم وهو كان ف الدوام
لدرجة انه استأذن من الدوام ورجع البيت جلس يهددني وحاول يطردني
وحلف يمين طلاق لو اكلمها راح يطلقني ،،
ورحت غرفتي جمعت العطورات والساعه اللي جابتها لزوجي هديه
ورميتها ف وجهه وقلت له اصلا انت مو رجال والشنب هذا خسارة
يكون ف وجهك انت مفروض يكون ف وجهي لأني أرجل منك ،
بعدها جلسنا شهر كان يحاول يفتعل أي مشكله عشان اطلع من البيت
وفعلا حصل على مرداه وطردني وجلست 3 شهور عند اهلي وكنت حامل
وتعبانه ونفسيتي سيئه جدا ،،

وسؤالك كيف يجلس هالفتررات بدون زوجه !
هو يفرغ شهواته اخر الليل ف الواتس اب
يجلس عليه ب الساعات لحد مايطيح اللي براسه
لأني سبق وشفت له محادثات قبل كذا كلها كانت
عن جنس وكلام فاضي استحي اقوله ،،

وبالنسبه لسؤاله عن البنات والنفقه :
بنتي الكبيره عمرها 3 سنوات
والثانيه عمرها 9 شهور
قبل 5 اشهر شافهم مرتين بس وبعدها ماصار
يسأل ولا يهتم ولا يدري عنهم ،،
والنفقه أول شهرين من بداية مكوثي عن اهلي ماجاب ولا ريال
وبعد شهرين اتقابل مع زوج أختي وصار ان زوج اختي
عاتب زوجي وقال له ليه ماتصرف ع بناتك هالشي ماله دخل
بالخلافات اللي بينكم ،، ف حس بشوية احراج وطلع مصروف
واعطاه ع اساس يعطيني بس زوج اختي رفض ياخذ منه وقال
روح انت بنفسك لأهل زوجتك واتفاهموا ع المصروف أنا طلعني
من الموضوع ،، بعدها زوجي طنش ومعاد اهتم كل هذا عشان
ما يتنازل يجي للبيت ويشوف أهلي ويشوف بناته لحد هاللحظه ،،

ولما سألتني أخوي ايش اللي خلاني اسكت
على هالاهانات والذل ،،كنت متأمله انه ممكن يجي
يوم ويتغير للأفضل ولأني كنت متمسكه فيه وشاريته
بس للأسف خاب ظني ،،

سبحان الله على قدر دين الرجل تكون حياته الزوجية
إن زاد دينه كسبت زوجته بأمر الله
وإن نقص أول المتضررين هي وأطفالها
فالذنوب مهلكة والعياذ بالله

استعيني بالله وأكثري من الاستغفار
واجعلي لسانك رطباً بذكر الله
وحاولي أن تفرجي عن مسلم أو مسلمة هماً
أو تنفسي كرباً لعل الله يعينك وينفس عنك
كرب الدنيا والآخرة..
ولا أرى لك إلا هذا الحل.. لعل الله يحدث بعد
ذلك أمراً..

السلام عليكم ورحمة الله
اخوي الفاضل ابو مريم
في مثل مصري بيقول ايه اللي جبرك علي المر الا الامر منه

نحن النساء عندنا قدرة هائلة علي التحمل
في البداية نتحمل عشان مقدار حبنا لازواجنا ولكن في لحظة ما نصل لنقطة اللا تحمل ونشعر بالانفجار
ولكن نصر علي التحمل ليه
عشان مجتمعنا ما يقبل المرأة المطلقة واختي البريئة حدث وان تطلقت في السابق واذا تطلقت الان فالمجتمع سيضع كل اللوم عليها
أليس هذا صحيح ؟؟؟ مهما تطورنا وتقدم بنا الزمن نبقي مجتمع يفرض الطلاق ويعتبره مصيبة
اختي البريئة تألمت واتألم معك لان قصتك فيها تشابه مع قصتي في بعض الجوانب
لك الله والحمدلله الذي سخر لنا هذا المنتدي لكي نفضفض ونطرح مشاكلنا كي نجد الحلول من اباء واخوان واخوات
الله يسعدك ويريح بالك ويبعد عنك الحزن

الخيره فيما اختااره الله
انسااان مثل هذا مايستاهل وحده مثلك واذا تم الطلاق خليك واثقه بربي انه بيعوضك على صبرك وبتدور الدنيا به وينظلم ويعرف قدررك
وادعي دايمممما ان ربي يصرفه عن بنااتك صدقيني ماراح يقدر ياخذهم لو طلق أكيد متعلقين فيك وصعب ياخذ بناااات
ودام أهلك واقفين معكك الله يخليهم لك فهذا بيهون عليك شي كثير
ثقي بربي انه مااايكتب لك الا كل خير مهما كنتي متضايقه منه
وان كان فيه خير وبيتغير الله يرده لك ولبناتك عاجلاً غير آجل ويهديه ويسخرره لك ياارب

الله يصلح احوالنا وأحوال المسلمين

سبحان الله شكه فيييك هذا معناااه انه هو الخاااين وهذا انتي اكتشفتيه بنفسك
حسبنا الله ونعم الوكيل على خرابات البيوت وعلى الرجال اللي مايخافون الله ولا يتذكرون أن كما تُدين تُداان

الله يكتب اللي فيه الخير يارب
صبري كله عشان بناتي ،،
وزوجي للأسف يبغاني أسعى ف الطلاق
عشان بعدين ما يحس ف الذنب وتأنيب الضمير
ويقنع نفسه انها جت مني بالأخير ،،

الله يعينك الظاهر يوم شافك متعلقه فيه صار يعاند اكثر ويكابر

الافضل تسحبي عليه وترسليله رساله انك عايشه بخير انتي وبناتك من غيره وانك مبسوطه ومو اقصك شي

وطنشيه لو اتصل او حاول يتقرب لين يتادب وترجعين بشروط بنات الناس مو لعبه عنده

لاتنسي الدعاء والصلاه دايما ربي يفرج عنك

وفاء غانم ،،
صحيح كلامك أنا أفرطت ب اظهار محبتي وتعلقي فيه أكثر من اللازم
وهالشي خلاه يشوف نفسه كثير وخلاه يحس أني بأي لحظه راح
اسامحه بسهوله مثل كل مره ،، عشان كذا مطول باله ومريح راسه ،،

__________________

__________________