اقول اقول اقول



لا تجلسون تتهاوشون وكل شوي المهر غالي المهر غالي ونقبل ونرفض




كل مارحت لاي مكان سمعت المهور غاليه والمهور غاليه حتى الهندي الي عندي بالدوام الي ينظف

يقول صديق ليش فلوس حرمه كثير حتى الهنود خذو فكره سيئه


انا اقول وبحكم نظرتي لشباب جيلي
خلو عنكم الفرفره بالشوارع وكل شوي مطلع سياره تقسيط او تأجير عشان يكشخ فيها عند البنات

ولله لو واحد راتبه 3000 كان سنتين بالكثير وهو جامع المهر وتكاليف الزواج ونتو عارفين سبل الرزق عندنا

بس حنا جالسين ونتبطح وكل يوم طلعه وكل اجازه سفريه مع الشباب وكل يوم نعله وشماغ وثياب ويلا راحت الفلوس على خالي بلاش

الي ابي اوصله

ترانا نقدر نتزوج بس كل واحد يشغل مخه وصدقوني راح تتسهل الامور

انا اعرف واحد كان موظف براتب 2750 وجلس يجمع وتوظف بالفتره المسائيه في نادي راياضي بارتب 1800 ويلا احسبو

الي نيته صادقه ولا مافيه شي يرده

انا اسف على مداخلتي الي مالها داعي

بس هذا واقع شباب مجتمعي او الاغلبيه منهم هذا حالهم

وكفى بالله كل شوي غلاء المهور

تراها صارت شماعه ماسخه نعلق كسلنا وهبوط عزيمتنا نعم انا اسف يا شباب اذا كان كلامي قاسي

اخوي احنا ما نتكلم عن الشباب الساقط ..

الظاهر يارادع ان البنات عيونهن زايغه على الشباب الساقط
ينتظرن مع يعقلون او يتقدمون ويقولون حنا نعقله !
اكثر الكلام على الموال هذا
بامكان الشخص ان يتزوج بمئة الف
سلفه يمين ويسار - قرض -
لكن راح يبكي بعدها


العاقل اللي اموره وسط هو من يدفع اقل حتى يرتاح هو وزوجته

واللي يبون الستر من شباب وبنات راح يعرفون كيف

هذا آخر كلامي
واتمنى ان لا اكون جرحت احد

أم

خمسين ألف ؟؟؟؟


هذا تكلفة زواجي المتوقعة كاملة مع المهر والشقة وكل شيء

مهر زوجتي 15 ألف وقالوا كثير، لاهم أقاربنا ولا شيء، مجرد جيران، الله يبارك فيهم

حتى القاضي قال معاك جوهرة، صعب تلاقي زوجة بمهر زي كذا وبدون شروط

طبعا أنا متكلف بكل شيء والعروس عليها نفسها بس، فساتينها وتجهيزاتها الخاصة

بعض الشباب لما شافوا صعوبة الزواج بسبب الغلاء في المهور، قرر انه يمتع نفسه باللي يقدر عليه من سيارات وجوالات وخلافه بما أنها خربانة خربانة، ويمكن بعد تجي له زوجة تطلع عيونه، فخله يرضى بشيء أحسن من لا شيء.

الله يعين ويهدي الشباب وأولياء امور البنات وجميع المسلمين

__________________

يا ليت ما قريت الموضوع

ايش ذنب الشاب اللي معتمد على نفسه يعني ابوه ما بيساعده على الزواج؟

200 الف او 150 الف من فين يجيبها؟؟؟؟

قبل كم شهر واحد زوج بنته بـ15000 ريال

الشباب مساكين و البنات اكثر

الشباب من الناحية المالية و البنات من ناحية الأهل(العادات و التقاليد)

ايجار شقة+مهر قوي+عشاء و هدايا+اثاث+ايجار قاعة+ و و و و الخ=اغلب شبابنا بالخارج

و دمتم بخير

__________________

بعد السلام والتحية على افضل الخلق محمد واله الطيبين الطاهرين,
السلام عليكم ورحمة الله وبركاته,‏

في البداية اعتقد ان غلا المهور من جهة البنت هو نتيجة سبب ما وهو قصدها تامين على حياتها من شباب اليوم الغير مبالي للحياة ولنفسه ورائي ان مثل مايوجد شباب غير مبالين هناك شباب محافظين على تعاليم الدين الاسلامي وعلى اهل البنت نصح ابنتهم بما يناسبها وتطبيق حديث من اتاكم ترضون دينه واسلامه فزوجوه وقصدي ان اباء عند تقدم احد الشباب لبناتهم يرفضونه بقولهم انه لايناسب ابنتهم او انه اكبر منها

اذا ما ضاعك الزمان طيعه

انا واحد من الشباب الي باتزوج قريب

والله والله يا اخواني انى ما املك غير 5000 ريال فقط

وطالبين مهر 40000الف ريال هذا طبعآ غير الذهب وخلافه

وباقي امامي الكثير اجار شقة واثاثها وابدل سيارتي الخربانه بسيارة تمشي الحال

وحفل الزواج وسفريه الي مكه وغيرها كثير

المهم حسبتها وطلعت التكلفه كلها من اولها الي اخرها 110000 ريال

من وين اجيبها وانا ما معي الان الا 5000 ريال فقط

بس توكلت علي الله تعالي لاني ابي الحلال

معلومة بسيطة اذا اخذيت قرض من البنك او سيارة بالتقسيط

تصبح التكلفة كاملة 140000 ريال

__________________

*

كلمة ان شاء الله يكتبها بعضنا " انشاء الله " اخواني و اخواتي في اللغة العربية كلمة " انشاء " تعني
بناء و حاش لله ان يوصف بهكذا وصف ولكن ان اردت ان تكتبها فاكتبها " ان شاء الله " بمعني ان اراد
الله و هذا هو ما نرجوه ان يريد الله بنا كل الخير ان شاء الله
----
و كلمة لفظ الجلالة " الله " يكتبها البعض " اللة " بكتابة حرف التاء المربوطة بدلا من
الهاء فهكذا تكون خاطئة تماما فهي اسم صنم كان يعبده الكفار في الجاهلية
ولن يكتبها سوى جاهل بها ، فلا تلقي به إلى النار إن شاء الله.

المشكله ان البعض يعتقد ان 40 او 50 الف قليله ويرى ان كثرة المهر دليل على حفظ بنته او انه يريد الاستفاده من مهر البنت او دليل على قيمتها

وفي المقابل يراها اكثر الشباب كثيره عليهم

تكاليف الافراح كثيره ومرتفعه للي يبي يكثرها من الطرفين -- وهنا مربط الفرس

كل وحده تقول مافيه غلاء مهور انتم نصابين يالشباب !
انتم اهل سفريات وطلعات وسيارات
حتى الجوالات حشرتم نفسكم فيها

واذا جاكم الخلوق اللي مايعرف السفريات والطلعات والسياره اللي على قد حاله وجواله ابو بصمه
قلتم هذا بخيل او على قد حاله مانبيه




راعي السفريات والخنبقه مبتلين فيه
وراعي على قد حاله مبتلين فيه



الاستنتاج :

اكثر البنات يؤيدون غلاء المهور من اعمارهم حتى ماينقال عنها ان مهرها قليل حتى لو قالت عكس ذلك



البعض منهن يعيشن في بيئه مترفه ومهرها 50 وفوق وهذا شيئ عادي عندهم
لان اكثر اصحاب الاموال وهم صغار لازم يكونون اهل سفريات وسيارات
وينتظرونه عادي

لان فيه مثل مشهور -- لاتزوج الولد عقل --
ومايعرف صدق المثل هذا الا اللي جربت هل هو صحيح ام لا
واتمنى ان اجد من جربت ان تؤيد هذا المثل المشهور ؟




وعلى طاري القصايد

ماسمعتم راعي القصيده وش يقول : وحال اكثر الشباب بعد


عزالله اني يأريش العين ابيك #### بس الدراهم سلط الله عليها

ههههههههههه من جد اعجبني ردك ياشوبارد
المفروض يشوف نفسه الرجال وبعدين يتكلم

انا من رايي التوسط في الامور شي حلو يعني مايكون المهر مره عالي ولا يكون شوي التوسط دايما حلووووو


ومشكوره اختي على الموضوع ويعطيك العافيه ...