يعطيكم العافيه على هالموضوع

ذكرتوني في ما مضى

هالشي له مقياس يختلف من مجتمع لاخر لان كل واحد من عندنا له عادات وتقاليد

بالنسبة لنا (أنا من الكويت) اذا ملجنا عادي البنت تطلع مع زوجها لان مافيه شي يمنع زوجته على سنة الله ورسوله

يكلمها بالتلفون في جميع امور حياتهم لان ماكو فيه يمنع يطلع معاها يختارون بيت الزوجيه يختارون الأثاث يجهزون لامور زواجهم

حتى ان الولد يختلي بالبنت عادي مافيها اي شي ( ويقجر حتى ان ينام في بيت البنت او العكس)

الموضوع مايقتصر على حفلة جدام الناس على شان اخذ زوجتي او اطلع معاها او المسها

انا بالنسبة لي بعد عقد القران كل شي حلال بين الزوجين

اناعن نفسي كنت صح خايفه بس لما طمني وارتحت له كنا حتى الخروج نخرج مع بعض وشفت بيتي
قبل الزواج وعادي هذي احلى لحظات الحياه

يابخته ياكوب كابوتشينو

يابخته ياكوب كابوتشينو

عادي وسعوا صدوركم وأحلى الأيام أيام الملكه

انا عني بعد ملكتي قعدت ثلاث شهور مستحيه حتى مااقدر اطالع بعيونه ولا اجلس جنبه

وشوي شوي فهمني وحسسني بعطفه وحنانه وفهمت اللي يبيه

وشوي شوي صرت العب انا وياه واتعلق فيه وش رايكم

وبوسات واحضان كلها حنانه حتى وربي قبل كنت شايله هم ليله الدخله الحين والله لاشايله هم ولاشي احس مرتاااااااااااااااااااحه نفسيا وفرحانه في حبيبي واشتاقله كثير مثل مايشتاق لي


وطبعا كل رجل غير الاخر وكل انثى غير الاخرى ... انا عني مدام حركاتنا في حدود مايمنع اننا نستمتع وعلى قولت أمي يابنيتي كلش الا من السره الى الركبه

ياحليلها امي فاهمه الوضع

وسلامتكم

هههههههههه الله يخلي لك امك وتفرحيها يارب ومبروك ياعسل والله عجبني ردك والله يوفقك


اختك حبي نادر

__________________

حبــــ نادر ـــــي

اوضح يابريد المحبه 00مافهمت من الي يابخته!!!! انا او هي!!!

تصدقوا جلست اقرا الردود كلمة كلمه

اتأكدت الان انه هذا الشي يختلف اولا: حسب المجتمع

ثانيا: حسب التقاليد

ثالثا: حسب الشخصين نفسهم وعاداتهم



بصراحه انا اقولكم ...انا كنت استحي في البداية لكن هو اللي اقترب مني

من شدة خوفي كنت ما اجلس في الغرفة معاه كثير حتى جاتني الوالده يوم

وقالت:

يا بنتي هذا زوجك..وله حق انه يجلس معاك ويفهمك

لا تآخذوني اهلي ناس متعلمين ومثقفين لكن لايغيب عنهم الحلال والحرام

وكل شي له حدود


بعد كذا صرت اجلس معاه ونتلهف انه نشوف بعض

وارتحت كثير له لانه لو مو ايام الملكة وجلوسي معاه

كان الان تشوفوني ميته خوف لانه ماباقيلي غير 20 يوم على زواجي


كان بيننا القبل والاحضان ويلمسني ساعات ابعد عنه وساعات اقرب منه

ساعات حتى انا اقترب منه قبل

وانصدمت لما شفت انه بعض الرجال لما يشوفوا المبادرة من الخطيبه يشكو انها

تعرف احد من قبل!!!!!!!!!! ياسبحان الله

هذا طعن وقذف في البنت بمجرد اظهارها لعواطفها واحاسيسها .......ولمن؟؟

( لـــــــــــــــــــــــزوجها) !!



في الاخر لكا واحد منا رأي ووجهة نظر وطبعا جميعها تعتمد على مسببات خلت كل واحد يتصرف بتصرف معين

فكل سبب وله مسبب



وشكرا لكل من دخل وابدى رأيه .......


اختكم : حبي نادر

__________________

حبــــ نادر ـــــي

صحيح كلامك أخت حبي نارد كل شخص يختلف عن الثاني ..

ونا أختلف كثير عنكم , أنا فترة خطوبتي سنة وفترة ملكتي أسبوع بس !!!

بفترة الملكة أشوفه كل يوم ..

وزوجي جرئ جداااااااا ونا مقدر أقول لك الا أني أحبه وبصراحة كلامي معه كله

عبارة عن : ابتعد شوية , شيل يدك , لا مو دحين لبعد الزواج و و ..............

بس بلا فايدة لني بصراحة أدوخ واستجيب معه ...

ودحين متزوجين وزوجي يحبني , ولاعمري ندمت بالعكس أحلا ذكريات مع زوجي ..

أحسنتي يا حبي نادر

كوب كابوتشينو:
أنت يامال الغنيمه
ايش يعني لك حياها هذا؟ لاتكن سطحيا بل انظر للخلفيات
فهدا الحياء غير مصطنع مما يعني وبالتأكيد أنها (كنز)
لا أقول أن علينا أن نسئ الظن بالبنت الجريئه ولكن الغالب أن تكون الحييه شريفه وسليمه من العلاقات السابقه
إن لم تكن تتصنع هدا الحياء أو تبالغ به_وانت بشطارتك تفرق بين الطبيعي والمصطنع

وإدا كان عالوناسه والفله والذي منه , فلاحقييييييييين عليها
المهم ان اللي عندك كنز