رادع
والله هذا اللي كنت افكر فيه ..بس اقاربي قالوا لي حربنا مثلك وفشلنا !!!!

carduni
ماقصرت يالحبيب

الأخت دمعات الروح
كلامك والله جميل ..وبالفعل نظرة واقعية وابطبق اللي اقولك واعلمك بعد فترة اقولك وش صار علي ان شاء الله علي


الحمدلله ان الامور بدأت تتحسن ولك منا الدعاء في كل اوقات الاستجابة ان شاء الله انا وكل اخواني واخواتي ماننساك انت وزوجتك

ويلا همتك وعلمنا باخر الاخبار ونبيها اخبار زينة
وماعليه حاول تعوضها وجاي العيد فرصة تصفية النفوس وزيادة الروابط بينكم

متابعين وننتظر الاخبار الحلوة وانت قدها وقدود وتستاهل ام العيال ^_^

__________________

الاحت دمعات الروح

انا والله كلما تذكرت كلام زوجتي ..تعكر مزاجي ..وحزنت ..تصوري كنت ابسوي حاجات كثيرة ولكن !
قالوا لي :لا تكلف نفسك باهدائها ..حنا انفقنا الاف الريالات وماحصلنا شئ ..ويوم وريناهم العين الحمراء مشو عدل !!!!!
وش رايك اهديها في العيد ...بس ماادري البنات وش يحبون ؟؟

خياركم خياركم لاهله


بالكلمة الحلوة والابتسامة والتعامل الحسن تصيرخاتم في اصبعك ولو تضرب الى بكرة ما راح تصير كذا

اذا تغيرت البنت عليك

وريها العين الحمره ولكن ماينفع توريها العين الحمره

من غير سبب

عيش حياتك من غير نكد

تحياتى لك

الله يسلمك يا متالم ويبعد عن الألم ويسعد ايامك كذا الرجال

No1
مشكور

همسه الولاء
بارك الله فيكم

متالم
صدقت اخي الكريم ...وليتني سمعت مثل هالنصيحة من قبل !!

مبروك اخوي وعقبالي يارب

اخوي شوف خل عنك كلام الناس

ترى القصد من هذا هو ان الكلمه تكون كلمتك او كلمتها في البيت

خلك طبيعي وعاملها بالحسنى وإذا شفت عليها شي غلط او عارضتك في رأي وانت ماودك قول لها يالغاليه انا ماني من النوع الي حرمته تمشيه على كيفها وهي على طول راح تفهمها

اما إلي يقلون عين حمره ورفع صوت و الخرابيط هذي هذي خلها عنك وعيش حياتك بسعاده وهنا

ودعواتك اخوي ان الله يفرجها علي ويرزقني بالزوجه الصالحه عاجلاً

__________________
دعواتكم لي بالتوفيق

ماعليك منهم هم عاشوا الفترة ذي واستانسوا

وليش ان زوجاتهم لعبوا فيهم مو شرط زوجتك تكون مثل نفسيتهم وتتصرف بمثل تصرفهم

المعاملة الطيبة حتى للمتمرد تخليه لين

مابلك بمخلوق رقيق ولين

اي احس الصلحة في هدية العيد وكرت حلو

اما للهدية نفسها اممممم

ممكن تهديها زجاجة عطر من العطور العربية
او خاتم نااااااعم وخفيف جدا ذهب تتباهى فيه يوم العيد انه من زوجها

او ممكن تهديها حقيبه او نعال كشخة

ممكن تهديها صباح العيد باقة ورد مع كرت معايدة

او تروح لمحلات ذي بدي شوب وتشتري لها مجموعة من لوشن كريم تعطير الجسم وعطر ومجموعة كريمات
انت سألهم بس هم يعطونك وغلفها بطريقة حلوة مع الكرت

هدايا كثيرة تحبها البنات وماتتعطل اي شي تقدر تهديه لها بس من قلبك طالع

ورسالة حلوة في شوق وتأسف على الايام الي مضت بدون اللهفة والحب بينكم
وممكن تجلس معاها وتفتح قلبك لها وتقول لها نفتح صفحة وردية جديدة كلها آمال وحب وتجعلون حياتكم مسرات وافراح ومعاونة ومشاركة

او مجوعة مكياج داخل شنطة او سلة وتكون ماركات زينة واخذ احد خواتك للمساعدة ادا كانت تفهم للمكياج
والبنات فيهم الخير والبركة

ولا تنسى قبل العيد مساجت الشوق والعيد
ويوم العيد بعد مسج للعيد

وتروح تعيد عليها

الحين اهم شي بعد الي صار تفتح قلبك لها وتكلمها كثر ماتقدر بالتلفون تفتح مواضيع بينك وبينها علشان يطيح الحطب بينكم وتتعرفون على بعض عن قرب

واذا على المسجات انت بس آمر ولايهمك اجيب لكم مسجات تعجبك ومن الي تعجبها
وتراني مجربتهم على زوجي وبكل مسج الاقي اتصال

موفق ياااارب والله يحنن قلوبكم على بعض

ولا تلومها ترى انت يوم كلمتها بهالشي انفجرت فيك ماعليه الحين انت احتويها

والله يوفقكم يارب

__________________

مبتسمة وكلي جروح
لا والله مانيب قاسي ..والله اني احزن كلما تذكرت مكالمتها ..الله يسامحك ويعوض اللي فات