هلا وغلا اختي العام
يلا عطيني اقتراح لترضيه جامده

البحلة بالنفس

هلا والله نورتي الصفحه

والله كلامك عين الصواب انا نفسي استغربت من الردود لاني كنت اتوقع كلهم بيجون في صفي

بس الظاهر الدعوه من اول رد الباقين يقتنعون فيه وكلهم يردون مثله

المشكله يا اختي بالطريقه الاستفزازيه اللى عطيتيه فيها الفلوس كأنج تصدقين عليه

تخيلي نفسج انتي تشتغلين في مكان واخر الدوام كنتي تعبانه حيل والمدير قالح ماتطلعين الا يوم

تخلصين هذا الشئ ضروري اليوم والموضوع ياخذ 10 دقائق شوكنتي بتسوين اكيد راح تصبرين وتخلصين

هالشغله اللى تاخذ 10 دقائق فقط ......

ونحن مش متحاملين على الحريم بس الزوج دائما يريد يختبر اصاله الزوجه وهنا تبان الاصاله

يعني معقوله 6 ساعات سهرانه مع اهلج على قلبج مثل العسل وربع ساعه او 10دقائق تحضير فطور

خلاص ماقدرتي عليها لاوبعد تقولين خذ عشرين وروح افطر والله هذه مش اصاله ابدا......

الموضوع بالاساس هو أولويه هل زوجك اول اولوياتك ولالا ......وبعدين ترى الرجل مش مجبور انه يسجد

لزوجته الرسول (صلى الله عليه و سلم) قال لو امرت احدا ان يسجد لغير الله لامرت الزوجه ان تسجد لزوجها

يعني حق الزوج على الزوجه اكبر من حقها عليه ........

الحين اللى صار صار الحين حاولي تزيدين معيار الاصاله عندج وريه مواقف تعوضه وتكبرك في عينه

على فكره انتي ماسويتي جريمه انتي من نفسج خله يكون عندج طموح ارضاء الزوج لابعد الحدود

خليه اول اولوياتك بحيث حتى لو كنتي تعبانه او شي تقومين وانتي مستانسه لانك مهم جدا عندج

القصه مش فطور وجوع القصه انه يبي يحس انه اول اولوياتك يبغى يحس انه عنده حرمه اصيله

تراعيه وتهتم فيه هذا كل الموضوع بس والسالفه صغييره بتعدي على خير وبينسى بس لاتعيدين

الاسلوب الاستفزازي هذا وكوني له امة يكن لك عبدا

بقولك ليش زعلان لانه من زمان مازعل علي اشتاق للزعل
يمكن ماتصدقني بس والله اني صادقه زوجي يموووت في الزعل

اذا مر اسبوع من غير زعل يحس انه تفضل علي في هالاسبوع

وانا بصراحه دايما اراضيه هل تعتقد ان مراضاتي له هي سبب زعله الدائم

ضاحي انا صرت له أمه بس هو ماصار لي عبد

هذي مقوله خاطئه او انها ماتناسب الرجال كلهم

العام

ترى زوجي اذا زعل يطول زعله

يعني بصبر لين بعد اسبوع يمكن يلين راسه وبعزمه في مطعم وان شالله يوافق

اسبوع سنه معليه الرجال كلهم كذا ونادرا رجال يجلس يوم زعلان ..



المهم تشجعي وطبقي افكارك واحنا معاك .. ها قدها ولا لا

__________________


اللهم فرج كربتي ويسر امري واكتب لي الخير يارب

المشكله وصارت

الحق مع مين مو مهم
بس حاولي بالمرات الجايه و انت عرفتي طبعه ما تكررين نفس الموقف
يعني من عندك مصلحه يوديكي سوق و لا عند اهلك تعرفي شلون تقنعيه
بس تخلص المصلحه تنسي المعامله الطيبه
ما استغرب اذا منعك من زياره اهلك كم اسبوع

خليكي قد الموقف و اتحملي

انت لو كان زوجك سهران عند امه و اخته و رجع الصبح و تريدين تشوفين مكانتك عنده و رفض يفطر وياك ولا يقعد كم دقيقه
كان سويتي مثله و اكثر
و تبدا الافكار
امه محركته علي
خواته اكيد قايلين له شي عني و افكار الها اول ما الها اخر


حاولي المره الجايه انت من نفسك ترفضين تروحين عند اهلك و قعدي ببيتك حتى لو هو طلع و قوليله انت اهلي و عشيرتي كلها

و حضري له عشا و اتعبي فيه مو جبن وزيتون
يعني المشوي و المحمر و الحلى روحي لقسم التغذيه و الطبخ و اخذي فكره

و سوي شموع و حركات و ان شاء الله تنحل المشكله بس مثل ما قلت لك تجنبي مواضع الشبهات

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

ام أثير الله يطولي عمرك الواحد اذا جاه النوم ينسى نفسه


شكرا على النصايح الثمينه

هذه مقوله مفروض كل زوجه تحطها بأذنها وهذه المقوله من امرأه حكيمه لبنتها ومعروفه وتدرس

بكل المدارس وصية المرأه لبنتها واي زوجه متمرده بتقول انه هذه المقوله خاطئه او ماتناسب الرجال

بالعكس هذه تناسب كل الرجال وانتي تقولين صرت مثل امه الدليل انج طنشتيه لاو وتتمصخرتي عليه

بعد عطيتيه فلوس باستحقار وبطريقه استفزازيه يعني روح شوفلك فطور تقول شحات ولا طالب صدقه منج

هذه الافعال البايخه من الزوجه هي اللى تضع نقاط سوداء بقلب الزوج وتخليه شوي شوي يبتعد

ويفكر بالزواج من ثانيه وبعدين انتو تصيحون وتبكون على حالكم وتتندمون وتأدون دور المظلومات