يالله يالله كتبت كلام كثير وراح حسبي الله ونعم الوكيل على هذا الكمبيوتر


بحاول اعيده بختصار

ارسلي يا اختي لزوجك رساله ليس فيها امتهان لنفسك وتحتمل العتب والعودة في نفس الوقت

قولي له فيها وبعدين هل تتوقع اننا سنستمر على هذا الحال الى متى
قولي له بغض النظر عن من اخطى على من بغض النظر عن من المفترض يعتذر من من

يجب ان لا نعطي الشيطان لعنه الله المجال لكي يفرح في فراقنا وتمسك كل واحد منا بكبريأه وعدم استطاعته ان يستعيذ من الشيطان ويبادر في ارجاع المياه الى مجاريه بغض النظر عن اسباب الخلاف

لقد عشنا حياة طيبة بحلوها وبمرها التي اجمل ما فيها انها اثمرت هذه البنت الحلوه الاموره التي لا اضنك ترضى انها تعيش ليوم واحد بعيده عن امها او ابوها وانا لا ارضى ابدا
اضافة الى ان السبب لا يستاهل ابدا وانما عضمه ابليس لعنه الله

لا تتوقع ان رسالتي هذه خضوع او انكسار وانما انا وقفت مع نفسي وتعوذت من ابليس وكسرت حاجز العناد واريدك ان تبادلني هذا الشعور وتستعيذ من ابليس وتكسر حاجز العناد ونرجع لبعضنا فكم مر علينا مواقف اكبر من تلك بكثير وذهبت كأن لم تكن

انا اعتذر منك عن كل ما بدر مني بقصد او بغير قصد وايضا انا اعتذر عنك عما بدر منك بقصدك او بدون قصدك كل ذلك لكي اقطع على الشيطان الرجيم كل الطرق التي يريدها لكي يفرق بيننا
وان شاء الله لا يفرح في ذلك

وستكون تلك الحادثه ان شاء الله ذكريات من الماضي التي لانريد تذكرها

وان بنتضار تفكيرك في الموضوع الذي اثق ان نتيجته العاجله هي ارسال رساله لي تخبرني بموعد وصولك لي لكي اجهز اغراضي

محبوبتك ....... التي هي متأكدها انها محبوبتك مثل ما انت محبوبها

انا واثقة في مشاعري ومشاعرك صح والا لا

اضحك من كل قلبك وارسل رسالة رد في اقرب فرصه لا بل رد فورا جوالي بيدي ينتضر رسالتك

قابلني بحبل ود مثل ما مديت لك هذا الحبل الغليض من الود


**************************

وانا اسأل الله لكم التوفيق

ابوي يقول المفروض هو يدق علي ويفاتحني بالموضوع

طيب مافي وسيط بينكم انتم الاثنين ؟؟

انسان ممكن تثقين فيه وتوسطينه لحل الاشكال ؟؟

هل زوجك قريبك ؟؟

هذه حياتك انت

كما قلت لك لا تتركين للشيطان مجال يكبر مسألت العناد ومن المفترض يعتذر من من

اول شيئ رجعي المياه لمجاريها قبل ان تنقطع السبل وبعدها لا يمكن الرجوع لا قدر الله


واذا رجعت المياه لمجاريها ان شاء الله ذيك الساعة ممكن تناقشيه بهدوء لعدم تكرار ذلك

الواحد ممكن يزعل لاكن مو مممكن كل واحد يعاند ولا يبادر

فمدام هو ما بدر فانتي بادر حفظك الله لمصلحتك ومصلحت بنتك وسعادتك وكم فيه مشاكل اكبر من كذاا وحلت وكأنها ما كانت

لا مو قريبي وكامت خواته يدخلون بس مافيه فايدة

بصراحة يااختي مدري ليش زوجك يعاند بقوة معاكي رغم انه (حسب كلامك) يحبك جداً ؟؟؟

الظاهر انك ماوضحتي مشكلتك لنا ..واشك انه في اجزاء مفقودة في قصتك او امور اخفيتيهاا ..

اشوف في موقف زوجك عناد كبير وحقد اسود ..

ياترى انتي ايش سويتي ...

بصراحة ..

انا اشك انك جرحتيه ..

الرجل مايركب راسه بهذي الطريقة الا اذا كان شايل بقلبه جداً ..


عموماً ..

عندي لك حركة بسيطة ويمكن تكون فعالة ..

( سجلي صوت ابنتك الصغيرة وهي تناغي وتمتم وارسليها رسالة وسائط لزوجك واكتبي في الرسالة وحشتني يابابا )

إن شاء الله ربي يحنن قلبه على بنته وعليكي ..

والله يصلح الاحوال

طبعا كلموه خواته وهو معند مايبغى يتنازل بعدين انا كنت ناويه ارجع بس من اسلوب كلامه معي تراجعت وخفت

والله هذا هو السبب اصلا ماعطاني مجال اني اكلمة واناقشة رغم انه اخطا في كتمه لموضوع الدخان قبل الزواج والله حتى انا مستغليه من ردة فعلة يعني الموضوع هو اللي مكبرة رغم انه هو الغلطان وانا مستغربة اكثر منكم يعني حياتنا كانت ممتازه فجأه تصير كذا يمكن طبعه اذا زعل فيه عناد بس مو يوصلها لطريق مسدود

طيب ركزي وشوفي اذا كلامي صح ولا غلط ..

المشكلة بدأت من نقطة انه اخفى عليكي انه مدخن ..
صحيح ؟؟

طيب ..

انتقلت المشكلة بعد كذا الى مشكلة اكبر وهي انكم الاثنين ماعرفتم تتفاهمون لحل اصل المشكلة ..

انتي ثورتي ..
وهو شاف في ثورتك لقافة في اموره الخاصة ..

وكثير من الرجال يشوفون ان موضوع التدخين عادي ومايستاهل ان الحرمة تتحكم فيه ..

يعني هو امر يخصه ومن هواياته وطباعه وعاداته .. رغم انه حرام ..الا انه اتعود عليه

تصدقي انه كان ممكن يتركه لو انك واجهتيه بكلمة طيبة او على الاقل اتصرفتي تصرف مثل اختنا بحرينية ولكن ..

بصراحة تصرفها كان راقي مع زوجها (الله يوفقه) وكانت بتوصله رسالة عنوانها

(انا احبك يازوجي ولكني اكره التدخين)

لكن رسالتك انتي للاسف وصلت له كالتالي :

( انا احبك يازوجي ولكن اكرهك اذا بتدخن)

يااختي المجتمع من حولك اغلبه مدخنين الا من رحم ربي ..

وتخيلي لو ان زوجة من اليمن تركت بيتها بسبب ان زوجها ياكل القات.. لما جلست امراءة ببيتها ابداً ..

وزوجك وغيره من المدخنين (هداهم الله) ينظرون للتدخين انه من علامات الرجولة ..

يعني بصراحة انتي لمست وتر حساس فيه ..

وطريقة معالجتك للموضوع غلط في غلط ..

لاتزعلين اذا قال لك احد انك غلط ..

عادي ..
مافي احد مايغلط ..

مشكلتكم الان ماهي التدخين ..

مشكلتكم هي العناد ..

انتي يومياً تفكرين بزوجك ويمكن يصور لك الشيطان امور مثل انك تسرعتي بالزواج منه وانه ماهو مناسب لك ....الخ
وودك ترجعين ولكن دون خسارة كرامتك ..

وهو اكيد اكيد يفكر فيكي ومشتاق لك وللبنت ولكن كرامته ماتعطيه انه يبادر بالصلح لأنك تحاولين تفرضين عليه امور مالك دخل فيها ...اعتقد انه يفكر كذا ..

انتم الاثنين تعاندون

ولازم احد فيكم يتنازل في الاخير ...

واذا تبين رأيي المتواضع

مالك الا الصبر ..

هو رجال يقدر يصبر ويدعس على قلبه ..لكنه في النهاية متهجول ووده حرمته ترجعله واكيد مشتاق لحياتكم مع بعض ولبنته الصغيرة ..

خليه يدخن الين يطلع من اذانه ولا تسألين فيه حالياً لأنه واضح انه عنيد ..

لكن في النهاية رح يبادر هو ويتصل او يرسل ...

وقتها لا تعاندي انتي الثانية وتتكبرين عليه ..

اذا اتصل عليكي وكلمك بالحسنى كلميه بالحسنى ..

وانصحك انت وزوجك فيما بعد انكم تتثقفون زوجياً عن طريق حضور ندوات اسرية وسماع اشرطة دينية وقراءة الكتب المفيدة ..

والله يصلح الاحوال

المشكلة انه يقول الدخان حسب مزاجي مو رسمي يدخن يعني يقدر يتركه بعدين هو عارف موقفي من الدخان واني اكره الدخان ومع ذلك ماصارحني الا بعد ماجبت بنتي وكان فيه موقف قبل لاحمل فيه مجال انه يعلمني كنت عند أهلي ورجعت لبيتي وشفت سيجارة في علبة موية صحة قلتله رجاء قل لصاحبك لايدخن في بيتي لاني اكره الدخان قلي طيب بقوله كان فيه مجال يقول واله مو صاحبي انا للي ادخن ماله داعي اللف والدوران مادام في نظره صح