من كلامك ان زوجتك فيالاصل طيبة لكن متاثرة بكلام الحريم وعندها فكرة انه ارهاق الزوج ماديا يمنعه من الزواج وكثرة انتقادك لتصرفاتها يخليها دائمة الشكل بزواجك باخرى ويبدو اخي انك بذلت مابوسعك وصارحتها ولكن لا فائدة
تصرفك ان تتركها ببيت اهلها فترة الى ان تحس بخطئها شي قد يعطيها فرصة للتفكير بالامر
واقترح ان تبلغها بقرارك بتغيرها ومتى مااقتنعت تتصل عليك لتبلغك قرارها
الله يكتب لكم الخير ويصلح شانكم

__________________
سبحان الله وبحمده سبحان الله العظيم

االاخت اتفاضة قلب
والله لو يوصلها خبر اني ناوي اتزوج تدرين وش اتوقع ؟؟؟
مارح تكلمني ولاراح تحن اتوقع بتجلس على التلفون تتصل على قريباتي
وتحاول تحط فيني عيوب وتتجنى على
اقتراحك مع احترامي لك صعب التطبيق ,,,

عبير الاحلام ادري ان للسفينة ربان وانا ربانها والله الذي لا اله غيره
انني لست عاجزا عن قيادة السفينة ولست بالضعف بمكان يجعلني كذلك؟؟

الاترين كل ما كتبته -عتب - هجر - نصح - اخر شي وديناها لاهلها
اشكرك من اعماقي وكلامك الجميل اضافة رائعه هي من الاهتما بمكان في خاطري

بنت النيل

مرورك واضافتك المبدعة تنير الطريق لي فكم شعرت ان هذه الاضافة تلامس جرحي فالنشوز قريبا من وصفها فوالله انني اتمنى السعادة معها والاستقرار العاطفي مطلب والله ولم اكتب شكواى منذ سنوات وانا من اعضاء هذا المنتدى الا بعد طول تفكير وانا من اعضاؤه من سنوات انقدت وصبرت وتحملت ولكن الانسان له طاقة والنفس البشريه منها ما يتالف ومنها مايختلف
فماذا لو انها تسمع وتقدر كل ما اريد وتحب رويتي سعيدا معها
عزيزتي الفاضلة بلا شك ان كلامك مقرونا بالدليل من القران والسنة هذا الذي سينير طريق
ونصائحك ستكون من اولوياتي
خاصة النصيحة الاخيره
اتمنى لك التوفيق والسعاده

توتي فروتي اشكرك على الاضافة وهذا هو الصحيح تسمع كلام الناس والا ليش كلل ما تفقنا على شي تقض الاتفاق مثل اتفاقنا على المصروف وغيره كثير
ويقولون الصبر مفتاح الفرج

والسلام عليكم ورحمة الله وبركاته

__________________
شبيت ضوي بالظلام في صحصح ذيبـه عـوى=ما لي أنيس الا النجوم أو نـور وضّـاح القمـر
دورت بالشدة حـزام ولا لقيـت اللـي قوى=يالله دخيلك ما لقيـت اللـي نشـد بـه الظهـر

ماأشوف إن المشاكل هذي تستدعي الطلاق , روضها على طاعتك , اطلب شي وتغاضى عن شي الدنيا ماهي كاملة , ألزمها بشي ومشي لها شي ,,,
الطلاق ضحيته هي + بنتك , أما أنت تلقى غيرها بكل سهولة , لكن ولو فكر ببنتك قبل ماتفكر بنفسك .. وأتمنى أنك تفكر فيها كمان ..

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

السلام عليكم
حبيت اخوي اعطيك رايي في موضوعك واتمنى انك تشوفه للنهايه واتمنى انه يفيدك

خلنا نروح للبدايه:
عندما كنا هناك أقول لها اشتري هدايا لأهلك وتشتري بكل ثقة
اكيد بتشتري زوجتك بكل ثقه مو انت الي معطيها الgreen light وانت الي اقترحت عليها يعني مو هي الي طلبت وبعدين اغلب الي اعرفهم ورايحين شهر عسل يرجعون لاهلهم بهدايا يعني مافيها شي

وتقول:
وكانت تشتري لنفسها بعضا من الملابس
واذا اشترت لها مافيها شي انت ليه مكبر السالفه يكون في علمك بعض الرجال يكونون في شهر العسل ويوم يروحون للسوق هو يشتريلها هديه يعني ماينتظرها لين هي تشتري ملابس
وبعدين مادامك ماتبغاها تتسوق ليش موديها للسوق

وتقول:
لاحظت أيضا من بداية الزواج انها كسولة ولا تعتني باهميه ترتيب المنزل
انت ليه ساكت ليه ماتبين لها ان الشي هذا مايعجبك

وتقول:
مع أنني احيانا اصرف لها في الشهر الف اوالفين في السوق واحيانا لاتخرج في الشهر كاملا
شي طبيعي اذا احيانا تقعد شهر كامل ماتروح للسوق اكيد بتصرف الف او الفين في الطلعه لانها من زمان ماطلعت للسوق خاصة اذا انتم من النوع الي عندكم مناسبات رسميه شوي يعني مو بس الاهل (الوالدين والاخوان)

وتقول:
راحت الايام توظفت على الاجور براتب فوق الالفين بشوي قلت لها راتب الشغاله عليك قالت (( لا )) قلت ليش قالت اذا الله رزقني وظيفة رسميه وزاد راتبي
تبي الصراحه ياخوي انت مامعاك حق تطالبها ان الشغاله عليها يعني هو راتبها كم 2000 وشوي قل المصروف 1000 والفاتوره 300 كم بيبقى لها للادخار اذا كانت الشغاله عليها
وبعدين مافيها شي اذا طلبت منك احيانا تعطيها فلوس مو انت زوجها ليش مو انت الي تعطيها كل فتره بدون ماهي تطلب تشوف اذا هي تحتاج شي والا لا نفسها بشي وانت قادر عليه والا لا
(اعتبرت ان حالتك الماديه كويسه لان بيتك ماشاءالله 6 نجوم وتسكن في فنادق 5 نجوم)
واذا اعتبرنا ان الدخل بالكاد يكفيك وزوجتك وسفره في آخر السنه فأقول لك مو لازم انك تضيق على نفسك وتسكن في 5 نجوم ومو لازم تسافر لأحلى مكان ممكن الواحد يروح ويتمشى وينسط بأقل التكاليف وقالو قديما (على قد لحافك مد رجليك)

وتقول:
تصدقون اكثر من مرة ندوج السوق كامل ثم نطلع تقول مالقيت شي وأحيانا تلقى شيء ثم نرجع ندور الشئ الأخر القطعة الاخرى في سوق اخر
شي طبيعي اخوي احنا لبسنا مو ثوب وشماغ وتوكل على الله احيانا السوق مافيه شي حلو واحيانا تكون اغلب المحلات بضاعتها كويسه يختلف

وتقول:
واقول احيانا روحي مع إحدى خواتك قابليها بالسوق وتسوقي وخلصينا تصر الا ان أكون معاها وانا ما حب السوق فهمتها ما فهمت ونادرا جدا ماتروح مع اهلها انا اكره كثرة الروحات للسوق
هل رفضها لسبب ام لا؟
انا مثل زوجتك اكثر روحاتي للسوق مع زوجي وزوجي مثلك مايحب السوق
واروح معاه لان الاوقات الي احس ميزانية زوجي تسمحلي اروح للسوق يكون وقت مو مناسب لاخواتي يعني هم مايحتاجون للسوق ومستحيل اقول لاهلي ودوني للسوق لان زوجي مايحبه
وبدون مبالغه الوقت الي اخواتي يروحون فيها للسوق ظروف زوجي ماتسمحلي هو مايقولي بس اعرف من الي يحكيه لي

وتقول:
واحيانا اظطر من الزعل انزلها واقول ارجع لك لما تخلصي
الحمدلله زوجي ماقد سواها وان شاءالله مايسويها يعني انت ماتخاف على زوجتك تخليها لحالها في السوق ماتسمع القصص الي تصير فيه ولو لاسمح الله صار لزوجتك شي طاحت او اغمى عليها من بيكون جنبها ويساعدها

وتقول:
زيارة أهلها: تحب تروح لأهلها بشكل فضيع انا اوديها كل أسبوع مرة على الرغم من بعد المسافة حوالي أربعين كيلو ومع ذلك تحسسني انها مراعيتني والا المفروض تزور اخوانها وخواتها بشكل اكبر مع اني اوديها خواتها أحيانا * أول ماتزوجنا تقول أنت بتوديني لأهلي ثلاث مرات بالأسبوع زعلت انا منها المهم توصلنا مرة با لاسبوع المشكلة انها اذا راحت احيانا تفضل تنوم عندهم واحيانا تقول ودني من الظهر يوم الخميس ؟؟؟
معاك اخوي 3 مرات يمكن صعبه اذا ظروفك ماتسمح بس لاتنسى انهم اهلها ولهم حق عليها مثل مالأهلك حق عليك حتى لو كانت المسافه 40 كيلو مع انها مسافه مو مره طويله هذا غير انه اذا كانو طبيعة اهلها انهم كثيره اجتماعاتهم او امها مثلا تقعد في البيت لوحدها يختلف على حسب ظروف الاهل
وبالنسبه بانها تنوم عندهم مافيها شي واذا قالتلك تبيك توديها الظهر مافيها شي بعد انها تقولك لانها عبرت لك للي بخاطرها واللي تبيه والمفروض منك انك انت تشوف وش السبب الي يخليها تروح وهل هو ضروري ام لا وهل ظروفك تسمح او لا

انا ما أقول ان زوجتك معاها حق في كل الي تسويه بس الغلط الاكبر عليك انت

اسمحلي اسألك هل يوجد بينك وبين زوجتك حوار صريح في هذه المواضيع
حوار هادئ وخال من الانفعالات

اذا كان الجواب لا
اقترح عليك اخوي انك تاخذ زوجتك وتطلع انت وياها لجو هادئ في كافيه مثلا وتتناقش انت وياها في الامور الي مضايقتك وصدقني هذي الامور مضايقتك لانك تكتمها في لحظتها وما تعبر عن الي تحس به في لحظتها

واسمحلي اقولك اخوي انت صاير مثل القنبله الموقوته والله يستر عليك وعلى زوجتك
حاول انك تعطل هالقنبله قبل لاتنفجر
عطلها زي ماقلت لك انك تاخذ زوجتك لمكان هادئ وتصارحها بحب وهدوء بكل الاشياء الي تضايقك منها
فضفض عن نفسك

((( واللي يكبت المشاعر السلبيه بيكبت المشاعر الايجابيه مع الوقت)))

والله يخليك لزوجتك ويخليها لك ويخليلكم البنت الاموره الله يرزقكم برها ويرزقكم باخوه لها بارين بكم
والله يسعدكم دنيا وآخره

وعذرا على الاطاله بس والله هالكلام اعتبره من اخت لاخوها

أحس إنه هناك ردود غير منصفة مثل اللي يتهموا صاحب الموضوع بالبخل ؟

أخوي زوجتك هناك اللي مكبر و معبي راسها

معليش بس الحق عليك...انتي معطيها وجه بقوة...وخلاص هي شاخت عليك...الحل اسفهها ...انا حرمه واعرف ان الحقران يقطع المصران وان القطو يحب خناقه...زوجي عكسك تماما ...انا موظفه ولا يعطيني مصروف واحنا متفقين على هالشي لان راتبه يا دوب يكفينا لاخر الشهر ولا يطلعني الا بطلوع الروح...ولا يسدد جوالي واهله عنده اهم والزم مني....ومع ذلك اموت فيه ....تدري ليه؟؟؟لانه رجل .. والحرمه تحب الرجل الطيب والكريم لكن ما تحب اللي اذا قالت له شي قال سمي وطيب ..

الحين اخوي خلها عند اهلها لين ما هي تدورك وذيك الساعه كشر عن انيابك ورجعها بشروطك..لكن الا الطلاق لا تفكر فيه

بقول لك شي ونصيحه ابعد التفكير بالطلاق بس لازم تكون صارم معها وتفاهم معها وبنفس الوقت حاول تكون لين وفهمها انت وش تبي
وحاول تدخل ظرف ثالث معكم حتى تتفاهمو اكثر .........الطلاق الا الطلاق صدقني فيك تعدلها وفي حل ثااني علمها اذا ماتغيرت انك بتتزوج عليها زواجي عادي مومسيار يعني تهديد يمكن يغير يها شي ............


وادعي ان الله يصلح الامور بيني وبين زوجي وادعوا لي ياابنات وربي اني فاقدته بس في مشاكل بينا علشان كذا ودي انصح زوجتك واقولها مافي شي احسن من رضا الزوج وطاعته
ونار زوجك ولاجنة اهلك ( مع اني مشكلتي مع زوجي بسيطه بس هوو معاند ويكابر )) والله يسهل الامور ان شالله ويردلك زوجتك وابنتك على خير

أخي الفاضل

أنت قد أخطأت الإختيار منذ البداية
أين ( فاظفر بذات الدين ... ) ؟

بصراحة زوجتك كما أقرأها من وصفك
لها خطة وهدف من الزواج وهو السيطرة التامة عليك
وأنت بالرغم من طيبة قلبك و حساسيتك لم تستطع أن تتخلى عن شخصيتك
وأحقيتك بالقوامة .. وإلا لما وجدناك هنا !

كنتُ سأقول لك تجاهلها ولا تهاتفها أو تسئل عنها
وهي ستعود في النهاية
فالمرأة تركض خلف الرجل الذي يتجاهلها
و تهرب من الرجل الذي يركض خلفها .

ولكن بعدما قرأتُ ردودك الأخيرة احترتُ كثيراً
فهذه المرأة كما يبدو لا تحبك و لا تفكر في مصلحة الأسرة ككل
هي فقط تفكر في مصلحتها وتنظر لحياتها الزوجية
وكأنها في حالة حرب تريد أن تكسبها لوحدها ولا تقبل بأي مفاوضات
لتقريب وجهات النظر و القضاء على الخلافات .

هذه المرأة تحتاج لإعادة تأهيلها ولا شيء كالدين يعيد الإنسان للصواب

* اربطها بالله تعالى واربط نفسك قبل ذلك بالتقوى والتزام دين الله .
* ابعدها عن الذين يعبثون بعقلها حتى لو كانوا أهلها و قنن زياراتها بأوقات محددة .
* ازرع محبتك في قلبها .
* عرفها بشكل غير مباشر على منتدانا هذا دعها تقرأ كيف هي أحوال الزوجات
و مدى حرصهن على سعاة أزواجهن .. دعها ترى صورة مغايرة للزواج
فهي كما يبدو ترى الزواج من منظور أمها و أختها التي تستعبد زوجها .

أخي الكريم

الطلاق ليس حلاً فما ذنب ابنتك !
اصلح زوجتك حتى تضمن صلاح ابنتك
فالبنت كما هو معروف تأخذ الكثير من طباع و أفكار أمها
وكما ورثت زوجتك النظرة الخاطئة للزواج من أمها سترث ابنتك نفس النظرة
ولا أعتقد أن ذلك سيعجبك !

__________________

السلام عليكم

اعود من جديد للمشاركة اخي الكريم

وانا اتعجب بصراحة !!

العيد انتهى و توابعه ايضاً و اكلت الخروف و هضمته

فهل زوجتك الكريمة تجلس عند اهلها الى حين موعد العيد القادم !!

عليك ان تتصل باهلها و تخبرهم انها عليها العودة لبيتها لترعى مسؤولياته و ترعاك
فانت لست عازب لتجلس وحدك كل هذة المدة ؟؟

و اذا تقاصعت
فخليها عند اهلها و الله المستعان على نساء هذا الزمن !

__________________

يا أخي الكريم

انا حصل معي نفس حالتك بالضبط

خليت زوجي الأمير في جنته

ودلعته دلع ماخطر على قلب رجل

فا بالرغم من عدد ساعات عملي الطويلة والتي تستمر من الصباح وحتى الخامسة عصرا

الا انني اعود من عملي منهكه واستجمع قواي لأقوم بإعداد وجبة العشاء له

وهو يغط في نوم عميق حتى يجهز العشاء واصحيه بهدوء وبحنية وكلام حلو

ولما يقوم ويتعشى يلبس ويطلع وما اشوفه الا ثاني يوم

وكان يتركني بالأيام لحالي في البيت

ولاكلفت عليه طلبات اساسية ولا ثانوية

ولا اروح للسوق الا مره قبل العيد رحت جبت له هدية واخذها وقال ذوقك مو حلو
مع ان الساعة فخمة بس رغبة منه ان يكسر بخاطري

بيتي دايما مرتب ونظيف وماعندي شغاله وانا اصرف على نفسي وعلى البيت واسوي كل شي بنفسي

وهو مايكلف على نفسه انه يساعدني

انا اغسل واكنس وامسح واطبخ واكوي وكل شي

كان دايما يتركني انام لحالي في البيت وهو يروح ينام في بيت اهله بدون سبب

واهلي ازورهم كل خميس مرة ولا انام عندهم واحيانا ما اروح لهم الخميس اخليها الاسبوع اللي بعده

اذكر مرة قمت الصبح وخلصت ترتيب البيت ولبست وتزينت وجلست انتظره من الصبح الى ان صارت الساعة الواحدة ليلا وهو ما جاء ولا كلف على نفسه يتصل ويقول وش اخبارك

بعدها بكيت بكاء مرير من شدة الالم والحزن والقهر ونمت لحالي زي كل يوم

ما اذكر اني قصرت معه في حق من حقوقه بالعكس كان هو اهم شي في حياتي

واسعى لراحته وسعادته بشتى الطرق بس للاسف كان دايما زعلان ومكشر وضايق صدره بدون سبب

السبب اهله هم اللي كانوا يكرهونه فيني ويقنعونه بالطلاق عشان يتزوج من جماعتهم ويتركني لأني غريبة

على الرغم من انهم ماشافوا مني الا كل خير

بس الغيرة والحقد سبب كل اللي صار

حتى انه والده واخواته يقولون لازم تطلقها وتفتك منها مع انه ماشاف مني ولا شي يكدر خاطره او يضايقه

وكل مره يصير بيننا خلافات يقول لي شيلي اغراضك وضفي وجهك وانا اقول له ما ابي نخسر بعض

كل هذا علشان اهرب من شبح الطلاق اللي يهددني فيه الليل والنهار عشان يرضي اهله

مع اني كنت احبه حب قوي وهالحب كان مسيطر على مشاعري وعواطفي تجاهه ومخليني اقبل بالتقصير والحرمان اللي عشته

وبعد كل هذا اكتشفت انه خانني اكثر من مرة في بيتي وعلى فراشي

ولما تكلمت معاه بكل هدوء وواجهته بالحقيقة انقلب علي كالثور الهائج واهانني وضربني وطلقني بدون رحمة


كرهت وقوع الطلاق مهما حدث ولكن تلك قسمة الله

ووالله اني الان ايقنت ان ما كنت اكرهه كان خيرا لي

وهو مايستاهلني وماقدر النعمة اللي كان عايش فيها

وبعد كل هذا ولما فقدني قعد يترجاني اني ارجع له

لكن كرامتي لاتسمح لي بالرجوع خصوصا ان الامر وصل للخيانة

فلو غفرت له كل خطاياه في حقي فلن اغفر الخيانة بدون سبب بالرغم من انني لم احرمه يوما من حقوقه العاطفيه



فيا اخي الكريم

حاول تحل الموضوع مع زوجتك فإن لم تتغير فأنت لست مجبرا على العيش حياه تعيسه بسبب عنادها وانني استغرب من بعض النساء التي تقبل على نفسها ان تلعنها الملائكة طول الليل اذا نام زوجها زعلان عليها او بسببها

صحيح الطلاق ابغض الحلال عند الله لكن الله شرع الزواج حتى يكون سكينة ومودة ورحمة بين الزوجين واذا لم يحصل فسوف يغني الله كل منهما من فضله

على الاقل قول لها اذا ماتغيرتي انا بتزوج وانتي خلك عند اهلك ساعتها بتتغير او انت احسم الموضوع بما تراه مناسبا لك ويرضيك

فمن حقك انت تعيش مرتاح وسعيد خصوصا اذا ماقصرت معها بأي شي

وبصراحة زوجتك مخطئة 95% في المئة وكل ماتفعله غير معقول

فالتبذير غير معقول وكثرة زيارات الاهل دون مبرر فأنا اعتقد ان لها زوج تهتم فيه وزيارة مرة في الاسبوع كافية جدا

اما بالنسبة للعيد لازم يكون بالاتفاق بينكم وبالعدل ولا تخضع لأسلوب العناد

ومن يلتمس لها العذر لأنه لا يعلم طعم المر الذي تذوقه انت في حياتك بسببها


اخيرا

غير صحيح من يقول كل النساء هكذا ولا توجد نساء مثاليات فأصابع اليد الواحدة ليست كبعضها البعض

ومازال في الدنيا خير

وهذه حياتك وانت تقرر وتعيش قرارك

اتمنى لك التوفيق وراحة البال

تحياتي