المشاركة الأصلية كتبت بواسطة hero2004

هاهاهاهاها....حصلت معي سالفة الدجالين وحصل معي شي ثاني بعد وهو احد الاشخاص اتصل فيني وقالي عندي مبلغ من المال يقدر بحوالي 200 مليون دولار اريد احولهم واطلعهم بره البلاد وكانت البلاد زامبيا ..المهم سايرت معاه لانه اتصل على تلفون البيت وقلت خلني اكلمه من موبايلي لانه ممكن يعرف عنوان البيت عن طريق تليفون البيت فقلت له انت اتصل على هالرقم (اللي هو رقم موبايلي) وانا راح اساعدك فعرض على 20 مليون لو نجح الموضوع (طبعا كلام في الهوا) وقلت لأهلي في البيت مهما صار لا تردوا على تلفون من نفس فتح الخط...المهم الحبيب قالي برسلك فاكس مكتوب فيه كل البيانات قلت له ( ارسل الفاكس يا حبيبي كل شي الحين ببلاش) وقالي ببعت لك اوراق ثانيه قلت له شو هي الاوراق قالي صورة جوازي على اساس تعملي فيزا وادخل بلادتكم ومعي جزء من المبلغ والجزء الباقي سوف يرسله احد الاشخاص الي من زامبيا (طبعا هنا انا وصلت حدي وبدات اكره الفيلم اللي عايش فيه) قلت له يا روحي ارسل اللي حاب اترسله وبكره سوف تستلم مني فاكس بالفيزا ...طبعا هالكلام كله في الهوا وهذاك اليوم كان شعاره (الكلام للجميع) وفعلا قدرت اتخلص منه ورسلي صورة جوازه ورساله بالغه الانجليزيه...ثاني يوم اتصل قلت له للأسف ما رضوا يعطوك فيزا قالي ليش قلت له لأنك نصاب وهنا بدأ يقسم ويحلف وووو..قلت له في النهايه مافي امل ممنوع تأخذ وعرض علي 20 مليون ثم 30 واربعين لين ما وصلها ل 100 مليون قلت له والله جميل انا انسان ما عندي شي ومنتف بس ما اقدر... بعدها بدات اسمع اصوات غريبه طبعا في سماعة تليفوني صوت بكاء وشويه توسلات وبعدها اتغيرت النبره قلت اوووو شكله الرجال عصب وحيطلع لي من التليفون علي طول قلت له (اوكي براظر سيي يو سوون) وبدون ما يرد سكرت واغلقت التليفون لساعتين وبعدها اتصل مره او مرتين ونسى الموضوع شكله حصله حد ثاني...

بس الشخص لازم يكون حذر من مثل هذه الممارسات فاليوم عرفنا ان الدجل والخداع من اساليبهم الله يستر من شي جديد يخترعوه وهم جاهزين يبتكروا اشياء كثيره.

حفظنا الله واياكم من كل شر ..واسفين على الاطاله

المشاركة الأصلية كتبت بواسطة محمد هيا

الله يكفينا شرهم ،،،