أسألي اولادك اذا رجعت لبابابتفرحون

اختي القانته اكيد بيفرحون وهم دايم يسالون عنه ويقولون نبي بابا يجي ينام عندنا ويفرحون لو سمعوه يكلمني بالتلفون بس الان هديو شوي وساكتين
انا متردده خايفه على نفسي خايفه لاامرض من غيرتي اوتصير لي مشاكل معاه وساعتها عيالي بيتعبون
شكرا حبيبتي لك
تحياتي

والله اخاف تندمين يا اختي, فكري فالمستقبل ولاتكونين انانيه فكري فعيالك واسأليني عن الهم اللي بيعيشونه وهم مايدرون متى بيشوفون ابوهم ولا امهم انا امي وابوي منفصلين بسبب اني امي كانت تطلب من ابوي طلبات صعبه شوي وكانت تقوله انت تجيب لها ولاتجيبلي وتعطيها ولاتعطيني "تقصد زوجته الثانيه" رغم انه كان يعدل على حد علمي بس زوجة ابوي الله يجازيها ويحسابها ان شاء الله كانت تكذب على امي المسكينه وتقولها انه يعتني فيها اكثر من امي ويكب عليها فلوس.... آآآه على العموم والله ما اكذب عليك ان امي ماتشوفنا الان الا مره فالشهر وكل ماتكلمنا بالتلفون تبكي وتتحسر انها ركبت راسها وما ورجعت. والله انا قلبي احسه يحترق ويتقطع اذا سمعت امي تبكي فالتلفون ولاشفت دموعها اللي تحاول تخفيها اذا طلعنا من عندها و واحاول اهديها وقولها اني واخواني بنحاول نسوي بيت نجتمع فيه وهي مسكينه تطير من الفرحه واللي يزيد مرارتي اني داري انه تقريبا مافيه امل لان كل واحد يبي يتزوج ومثل ماهو معروف الان كل ينت تشترط تعيش لحالها مو مع الاهل... والله حرام بلله انا وش ذنبي انحرمت من امي كل هالسنين؟ لا وفيه اخواني اصغر مني بعد وش ذنبهم؟ خلاص مستحيل نجتمع مره ثانيه كلنا تحت سقف واحد... اشتقت لطبخها اشتقت لحنانها اشتقت لرعايتها لنا والله اني حتى اشتقت لمنظرها ايام كانت تشرب الشاهي قدام التلفزيون.
كل هذا لان امي الله يهديها ويصبرها مارضت تتنازل يوم الفرصه متاحه.

دوسي على كرامتك علشان عيالك اذا مو علشان نفسك ترى العايله المفككه مشاكلها تكبر مع الزمن. ولاتخدعين نفسك مثل امي وتقولين عيالي بيشوفون ابوهم كل يوم او يومين او كل اجازه وانه متى مابغى يشوفهم يجي ترى والله مع الوقت بتبدى جياته وسؤاله يقل وتخرب العلاقه بينه وبينهم.
مثل ماقلتي ارجعي الحين مادام انه مازال فيه فرصه لانه يمكن مع الوقت يتعود على فرقاك ويركب راسه هو بعد ويقول انا ذليت نفسي كفايه.

يااخي معاك حق وكم المتني قصتك لكن مااقول الا الله يقرجها ويعوض الوالده وتفتحون لكم بيوت وتجتمعون فيها وبرغم ان سبب مشاكلي من اهل زوجي ومن امه لكن اقولك امك ثم امك ولاتفضل حرمه عليها واشرط على زوجتك ان امك تكون قريبه منكم وعوضوها عن الي راح الي ماله خير في امه ماله خير بالناس انا ماكنت اتدخل بطليقي وامه بالعكس كان اذا زعلها اقوله لا ذي امك بس مابين فيهم الطيب

صادق وهو مع الوقت مل وله فتره لايرسل مصروف ولا يطلب رجعتي وقبلها قال انه حاس انه هان نفسه وقال متى تبغين تردين اطلبي انتي

شكرا لك وربي يفرجهاعليك

إذآ ., كـآ!ن في رجعتـج له ., ضــرر نفسـي لـج ., ممكــن يأ!ثـر على عيـآ!لج في المستقبـل ونفسيتهمـــ .ْ

فالبعـد قـد يكـون أحسـن من القرب ومشـآ!كله .,

صلي استخـآ!رة في كـلأ خطـوة تخطينهــآ! .,

لا تتركينهـآ! ولو قدرت تصلينهـآ! مرتيـن في اليـــوم .,

الله اييسـر لج الي فيـه الخيـر غـآ!ليتي .,

غــآ!ليتي بـــروق .,

.,

بعد صلآه الاستخـآ!ره ., مـآ!في أهميـه لكلآم النـآ!س ., ومهمـآ! كـآ!نت النتيجـه ., ترى هي الخير لـج ., والله تعـآ!لى عـآلم بعبــآ!ده .,

تقبــلي مــروري .,

__________________
-------------------------------------------------------------------------------------

أختي بروووق وضعي مثل وضعك تماما ويمكن وضعي أسؤء

وبرغم كذا أفكر أرجع لبيتي وألم شمل أولادي

أختي لوفكرنا بقلوبنا

بنقول مانقدر نعيش مع ضره بنموت بنحترق لا الطلاق أبرك لي وأحسن لي

وألف كلام بيطلع والشيطان بذي اللحظه شاطر بيدخل بعقلك أسؤء الإحتمالات وبيخوفك ويرهبك

لكن أختي ضعي مشاعرك وقلبك جانبا وفكري بعقلك

أول شي الضره هاذي امرأه مثلها مثلك الي عندها عندك ومثل ماقلتي أنتي تفوقينها باشياء

ثاني شي أنتي تحبينه ولاتنكرين ذلك والرجال شاريك وحاس بغلطته

ثالث شي أية سعاده بتعيشيها وانتي وحيده واولادك بعيدين عن ابوهم صدقيني الهم والتفكير بياكل وصدقيني بتمر الايام والسنين وتندمين وبتقولي وين عقلي بذيك الايام الي خلاني أهدم بيتي منشان أمراه00

أرجعي وضعي شروطك وتجاهلي تماما وجودها برمجي عقلك الباطن على كذا وتعوذي من الشيطان الرجيم

وثقي تماما مايجي من الله الا الخير

واخيرا استخيري وفوضي أمرك لله

ودمتي

__________________
(سيدة الموقف)
لم ننساك ونسأل الله ان تكوني أنتي وأولادك بخير

(اصيله ) يابروق ....

صدقيني راح تنفرج ....ولكن ...عليك بالصبر ...والشي الثاني حتى لو ماصار رجعه بينكم

مايمنع انك تشوفين حالك (وتتزوجين مرة ثانية ) ...وزي ما انجبتي من الاول راح تنجبين من الثاني ..

على فكره (اعجبني تضحيتك ..من اجل ابنائك ..الله يسعدك ..ليت كل النساء مثلك ...) سبحان الله الزواج حظوظ
كم وحده عفيفه وكريمه ..وبنت اصول ..وكامله والكامل الله لكن حظها بالزواج (شين )

والعكس صحيح ...

تحياتي وتقديري لك محمله بالدعاء لك بالتوفيق والسداد

لو مافي رجعه بربي اطفالي واعيش لهم مستحيل ارميهم له ولحرمته

جزاك الله خير وكل شي مكتوب وماندري الخير وين

تحياتي وتقديري لك

jooolie

على قولك

بعد صلآه الاستخـآ!ره ., مـآ!في أهميـه لكلآم النـآ!س ., ومهمـآ! كـآ!نت النتيجـه ., ترى هي الخير لـج ., والله تعـآ!لى عـآلم بعبــآ!ده .,

الله يبارك فيك وشكرررررررررا لك

اختي طعن قلبي

الرجل لما يتزوج تخرب الحياه معاه وخاصه انه مو عادل انا اعرفه زين رح يخلي المسوليه علي وانا الي اصرف وهو يمر يسلم ويروح اصلا بدون مره ماكنا نشوفه فكيف وهو متزوج كان دايم عند امه واهله الحين سكن معاهم تتوقعين نشوفه

الله يكتب لي ولك الي فيه خير لنا ولاطفالنا

مشكوره حبيبتي

اختي الله يعوضك خير منه ---وهذا نصيب وانقطع والله يخلي لك اولادك ويجبر قلبك -----حسبي الله ونعم الوكيل في كل من يتسبب بتشتيت اسرة (اذا كان امه هذه مصيبة وخراب ديار)

__________________