أختي نوال

أنتِ تفكرين في مشروع الزواج ،،، والخطابة .،،، في الوقت إللي تقولين فية تقدملك شخص قبل
8شهور لكن رفضه أخوك لأنك حطيتي فكرة عدم الزواج في راسة مسبقاً ،،،، ويمنعك الحيا من مصارحة
أخوك في رغبتك بالزواج ، وتلجئين للمكاتب الزواج والخطابات بدافع الحيا ...

أسمحيلي بما أني أعتبرك أختي ...

أنتِ غلطانه كثير ...في الأول والأخير أخوك لازم يعرف سوى بالمشروع أو خطابة أو غيره .
يا أختي ماتدرين يمكن البارح تكلم فيك واحد كفؤ لكن أخوك رفضه ( أنا أقول أخوك بالأول لازم يوصلة خبر رغبتك بالزواج لأن يمكن عنده رجل مناسب لك )

بعدين يا أختي مافي أحلى من أن البنت تصارح أختها باللي تتمناه وبأي طريقة مباشره وغير مباشرة
الأخت تفهم أختها أكثر ويمكن من خلال أختك توصلين خبر تغير فكرتك لأخوك بسهولة .
بعدين أختك من واجبها تفقد أحوالك ومناصحة أخوك باللي تشوفة زين لك ،وكمان مافي أخت ما تبغى أختها تتزوج وتسعد في حياتها ، هي المفروض تقنعك وتنصحك بتغير الفكرة ، أختك المفروض لها دور فعال
في البحث عن الزوج المناسب لك .
أختي أنتِ مشكلتك بسيطة لكن تصعبينها على نفسك بالخجل والحيا مع أن اليوم البنات بنفوسهم في المتوسطة يصرحون بدون حيا برغبتهم بالزواج تقول وحده عمرها 13 سنه ( ياربي متى أفتك من المدرسة وأتزوج وأرتاح ),

.

نــــــوال



يأختي أنا أكتشفت شي جديد من ردك الأخير ...تقولين إنك رفضتي رجل مناسب ( يعني لازال أهلك يستشيرونك وإنتِ اللي ترفضين ) يعني الخاطب اللي بيجي من عند الخطابة أو المشروع بتوافقين علية يوم يستشيرونك فيه

عجججججججججججججججججيب أمرك

أختي أنا أشوف المشكلة فيك وليس في غيرك ذبحك هذا الحياء اللي راح يدمر حياتك ومستقبلك ،،
شوفي كلنا وأنا زيك نخجل لما أبوي وأمي و أخوي لجا عندي ويقول لي ولد فلان خطبك وشرايك موافقة

أصير كذا ....

أموت من الخجل لكن أقول لهم موافقة وأهرب لغرفتي أو أدخل الحمام الله يكرمك أتحمم إستعداد لتغير الجديد
-------------------------------

أختك بنت زيك وش يخجلك منها هذه ما قدرت أبلعها ... يا أختي أنتِ شكلك من النوع اللي يحب الكبت وهذا مو زين أخرها بتنفجرين .

الشي الثاني ( تخيلي يمر عليك الزمن وتقولين أنا ما حرمني من العيش طبيعية زي زي البنات الباقي غير الحيا )

.------------------------------

بعدين تتوقعين إذا جاك عريس عن طريق المشروع أو الخطابة وماراح يسألك أخوك من وين جا وكيف عرف عنا هذا الرجال .
وإذا قلتي له راح يقول أخوك ليش ما قلتي لي أنا من الأول .

الله يهديك عندك أختك وعندك أخوك وعندك شوية جرئه تنحل مشكلتك للأبد بإذن الله .