
أقدارنا أوقات ننطقها بألسنتنا >>> ونحن لا نعلم بأنها أقدار
اقتباس:
المشاركة الأصلية كتبت بواسطة مشكلة والله !
يوم كنت صغيرة كنت ألعب مع بنات اخوالي لعبة عرس أو بيوت ..
فإذا رجعنا للبيت اقول لأمي : يمه لعبنا لعبة عرس ..
بعدين تأنبني وتقول لي : عيب وش هاللعبة السخيفة ! لاعمركم تلعبونها !!
بعدين صرت استحي اقول لها شيء عن الزواج مع أني الحين والله صرت اقول
واقول بعد ادعي لي بس أحسها مايعجبها هذه الجرأة خاصة بالموضوع هذا !!
لأن أمي الله يحفظها يغلب عليها طابع الحياء ماشاء الله عليها
والله يخلف علينا وعلى بنات هالوقت !!
بس أرجع واقول السكوت يخلي الواحد تلعب فيه الوساوس والهواجيس ..
يالله ننتظر الرزق من رب العالمين ..
جزاك الله خير على دعواتك الطيبة ولك بالمثل ,,
!
|
مرحبــــا غاليتــــي
مشـــكلة والله
كلامك هذا ذكرني بأيام الطفولة كنا نحب نلعب دور الأمهات وأتذكر مره كان عندنا ضيوف
ومنهم بنات عمي ثنتين وأنا وبنت جيراننا وكانت أعمارنا لاتتجاوز 6-7 سنوات وكل وحده فينا جالسة في غرفه
كأنوا بيت لها وطبعاً معها طفل لعبة إلا بنت الجيران تلعب دور وحده ماتنجب ...المهم مرت أمي علينا تحب تشارك
بنتها حديث في هذه اللعبة جمعتنا وسألت كل وحده فينا عن أسمها وأسم ولدها ..بنت الجيران ماعندها ولد
وحزينه ..بعدين جاء
السؤال الخطييييييير
وين أزواجكم ما شفتهم

ضحكنا بخجل وصرنا نطالع في بعضنا ماندري وش نقول ردت بنت عمي وقالت
زوجي سافر وقالت الثانية زوجي مات

وبنت الجيران قالت زوجي في المستشفى لأنه أنحرق ههههههههه
عاد جاء دوري وأنا مالقيت شي أقوله ومايشبه أجابات البنات إلا وقلت
زوجي طلقني ...
وأنا وقتها كنت أسمع مدرسة تقول لصديقة لها زوجي طلقني خلاص ..وكنت أحسب أن الطلاق مثل السفر
يسافر مده ويرجع >>> هذا في تصوري في ذاك الزمان
( شوفي كيف حلو وبسيط الطلاق في نظري وأنا صغيره )
المهم قالت لي أمي لا حبيبتي الطلاق شي مو زين مو حلو ولا تقولي كذا

.
وسبحان الله هذا أنا تزوجت والطلاق صار في حياتي والحمد لله
وما أدري بنت الجيران يمكن الى اليوم ما أنجبت ..الله اعلم
شوفي أنا ذكرت على لساني وأنا طفلة قدر كتب في علم الغيب وصار فعلاً . ذكرته وأنا ما أدري أنو راح يصير
هذا حقيقة .
يمكن تنطق السنتنا بأقدارنا ونحن لا نعلم
تقبلي مروري ياغاليه
دمتي بود .