تابع

أيام العزا كلنا مجتمعين في بيتها

الشباب والرجال عموما" كانوا يدخلون لصالة النساء
في الليل بعد مايروحوا الناس
اللي يسلم على أمه واللي يسلم على جدته
واللي توه واصل من منطقة ثانيه يعزي أم المتوفاة وخواتها

أنا كنت أرجع للبيت مع أبوي وأخواني
وأمي تنام عندهم
وأنا أسكر غرفتي وأبكي
أتصلت على شيخ قلت له بإختصار أني تعبانه دعيت على وحده
لأنها أسائت لي والحرمه توفت وأنا تعبانه
سألني بسرعه توفت بمرض
قلت نعم
سألني ظلمتك بأيش؟؟
موضوع كذا<<<ماكان لي خاطر أقول الموضوع
سألني
عن الشرف؟!!!
تقريبا"
لاحول ولاقوة إلا بالله مالك ياأختي إلا تدعين لها وتدعين لنفسك بالمغفرة والرحمه
وتصدقي عنها
حسيت براحه كيف غابت عني الصدقه عنها!!
وبدون ماأحد يدري تصدقت عنها في بناء مسجد وأشياء كثيرة

وفي الصباح كنت آخذ قهوة وشاي وفطور وأروح لبيت العزا
أيام حزينه ثقيلة
الله يغفرلها ويرحمها
في اليوم الثالث من العزا طلبوا مني بناتها أنام معهم
وفعلا أتصلت على الوالد وعطيته خبر أني بجلس مع أمي الليلة

وقررت أنام فوق مع البنات
وأمي والحريم الكبار في الدور الأول

البيت هادئ الكل يحاول ينام
وماأتوقع أن أحد من البنات نام
أسمع صوت بكاء ولاأدري الصوت من أي وحدة !!!!

ماحبيت أضايقهم وأكتفيت بالصمت

على الساعه 12 نزلت بروح للمطبخ آخذ لي مويه
وأنا نازله مع الدرج كنت أسمع اللي في الصاله

واحد داخل عندهم يعزيهم

ويتكلم معهم

عرفت الصوت
وكيف ماأعرفه

(( طليقي ))
رجعت لفراشي وتغطيت بالبطانيه
وبكيت بكيت حتى أن وحده من البنات على بالها أتحلم
( رمش رمش أصحي وش فيك بسم الله عليك سمي
مافيني شئ أتركيني
كيف أتركك
قولي وش فيك؟؟
أقولك مافيني شئ أتركيني
)
جات أختها الكبيرة
مسكتني ودخلتني الغرفه
رمش أنا عارفه تبكين عشان اللي تحت

أي اللي تحت أنا أصلا مانزلت

عيني بعينك
يالله وش فيك أنتي؟؟

طيب خلاص قومي صلي ركعتين وأرتاحي
وقولي الحمدلله
ترى همك مايسوى شئ عند همي
أنا اللي بدير هذا البيت من اليوم
لأن الغاليه راحت راحت يارمش

وقلبناها بكاء إلى الفجر

يتبع

انا لله وانا اليه راجعون

الله يرحمها ويغفرلها يارب
<<<متابعه

__________________
ياررب ارح قلبي وعوضني خير

ريفااان نامي وأرتاحي صدقيني ماأقدر أكملها كلها اليوم
وهذا أنا أحاول أكتب وأكتب بسرعه بس مايمديني
دعواتك لي بالشفاء والتوفيق

تابع

أنتهى العزا
وأستمرت الحياة
سبحان الله الناس تبكي على الميت لكن سرعان ماينسونه
وينسون أطفاله
كلن يقول نفسي نفسي
مهما كانوا طيبين الدنيا تشغلهم

فعلا مايفيد الواحد غير عمله الصالح
العمل الصالح
العمل الصالح
العمل الصالح

اللهم أجعلنا من الذين يخافونك سرا وعلانيه
اللهم أجعلنا ممن تحبهم ويحبونك

مع أيام العزا والحزن تركت قراءة سورة البقرة
كنت أصلي في آخر الليل ركعتين وأنام

ورجع اللي يزعجني في نومي
أحيانا" أقول لأمي عنه
وأحيانا" لا
وحتى لوقلت فكأني أحكي عن شئ عادي جدا"

تعلق أمي فقط بي حسبنا الله ونعم الوكيل والله مدري وش هذا اللي يجيك!!!!

بعد أسابيع تقدم لخطبتي شاب ملتزم ملتحي هو أخو أحدى زوجات عمي
كان عمري تقريبا" 22 سنه
وهو24 سنه
تمسك فيني
وأنا أستخرت
كان حلمي رجل ملتزم( مطوع )
لكن أشعر بنفور
كره لزواج وكره له
حتى نومي صرت أنعب أكثر وأكثر
لدرجة أن اللي يجيني في نومي مرة جاني كنت تعبانه مرهقه
وأزعجني ورجعت أنام وشعرت فيه يقترب صحيت وأنا أمسك رأسي وأبكي
وقلت حرااااام عليييييييييك بس بس كفايه حرام عليك أتركني تعبت

وأقسم بالله أني سمعت مثل صوت الرياح يمر من عندي ويذهب

كنت أرى رؤى جميلة بهذا الشاب
مرة أراني أجلس معه وأشعر براااااااااحه عجيبه
ومرة أراني مع بنات نمشي فيختارني ويجلسني معه
والبنات يحاولون لفت أنتباهه لكنه يطيل النظر بي

لكن لاأريده لا أريده

أبي منزعج
ويعاتب أمي
( بنتك من تبغى؟!!
فلان مايعيبه شئ؟!!
لوماتوافق بزوجها غصب!!)
أمي تصرخ علي
ومرة بالكلام الطيب
( الولد متعلق فيك
يحبك

أنا بدون أهتمام كيف يحبني وهو لاشافني ولايعرفني

والله أن زوجة عمك تقول أنه يقول لوترفضني ماأتزوج

لايتزوج يمه أرجوك أتركيني
قال يحبني قال!!
مابيه يمه مابيه

رحت لغرفتي
ليش قلت كذا
ليش أستهزأت بحب الرجال لي!!
حرام علي!!
لودرى عني كان مافكر يطق بابنا!!
طيب أنا الحين أفكر فيه وأستخير ولاقررت
طيب ليش قلت لأمي وبعصبيه مابيه!!!

أتصلت على صديقتي
نورة الموضوع كذا وكذا
رمش ياقلبي هذا أنا من الثانويه ماأنخطبت أدعي لي بسسس
وأنتي ماشاء الله مطلقه وكل يوم مخطوبه<<<كثرا" ماتضايقني أنتي مطلقه أنتي مطلقه وكأن المطلقه محرم عليها أن يطرق بابها رجل لخطبتها لا حول ولاقوة إلا بالله متى تتطور العقليات

طيب الموضوع أني ماأرتحت له مع أن أهلي يبونه

يابنت وافقي عليه وإلا أرسليه لي!!
طيب رمش سؤال
أنتي مومرتاحه له وإلا ماتبين الزواج!!
أنتي مومرتاحه له وإلا مومرتاحه لأي رجال في الكون؟!!

مدري مدري مدري مدري !!!!!!!

أتصلت على صديقتي الثانيه متزوجه من ولد عمها

أهلين رموشه وإذا تبين رأيي
أذا مومرتاحه لاتوافقين!!!

طيب أنا أشوفه بالمنام وأكون مرتاحه معه!!
يمكن لأنه هويبغاك ويفكر فيك كثير عشان كذا تحلمين فيه
ومثل ماقلت لك لاتوافقين إلا لما ترتاحين

في كل شهر أعلن رفضي له
وأخته تتصل أخوي أزعجني يبيها يقول تطلب اللي تبي!!

مابيه مابيه ماأرتحت له
ولاتغصبوني وإلا بنحاش من البيت وأسوي لكم فضيحه!!

كل مانقول أني راااافضته
يرجع يقول عطوها شهر إضافي تفكر فيه

وش فيه هذا يمه مجنون أحنا مانلعب
خلاص غثيتوني فيه
كررررررهته كررررررررهته
لوأجلس بدون زواج ماوافقت عليه

6 شهور مرت وأنا كل شهر أستخير وأفكر
إلى أن قالت لهم أمي
خلاص البنت تقول مابي لافرصه ولاغيره
وأمي راحمته قالت إذا يبي أختها ينتظرها إلين تكبر وتراها له

قال لا يرفضون يعطوني اللي أحبها وبيعطوني الثانيه
خلاص مابي منهم

بعد مارفضته
شد علي الوالد بالمعامله
زعلان ليش أني رفضته

يتبع

تابع

نسيت أقولكم
أن هذا الشاب
يشهد الله أني حاولت أتقبله
لكن ماقدرت
كان يرسل صور كثيرة له وكل ماأشوفه أحس بنفور وضيقة في صدري

قالت أمي شوفيه مع الشباك بدون ماأحد يدري
يمكن أذا شفتيه ترتاحين له

وفعلا شفته وبسرعه شعرت بالغثيان وركضت لدورة المياة

ماقدرت ماقدرت أتقبله
ماقدرت أجبر نفسي عليه
مع أني متأكده أن الرجال يحبني
والدليل أنه إلى الآن رافض الزواج

يتبع

حسبي الله ونعم الوكيل
كملي قلبي كله معاك

ننتظر النهاية .. الله يفرجها عنك ..

لا حول ولا قوة الا بالله!
قصتك غريبة جدا!!!
بس استمري علي سورة البقرة! ولازم تروحي لدكتور نفسي تعرفي دي هلوسة ولا ايه!!
ربنا يفك كربك و يبعد عنك هذا الشر

الله يفرجها عليك

كملي متابعين

__________________

قلبي معك اختي كملي

__________________

متابعه بصمت

__________________
حسبي الله ونعم الوكيل