هل أنا وجنيني بخير بعد نزول افرازات بنيه اللون ؟
السلام علييكم ,,
بالمختصر المفيد وبدون مقدمات , آنا حامل في الشهر الثالث
لاحضت نزول بعض الافرازات البنية علي ... بعدها انقطعت لمدة اربعة ايام
وبعدها نزلت مرة ثانية ,, من امس لليوم كل مرة ادخل فيها الحمام وانتوا بكرامه اجوف نازل علي بني
الكمية قليلة ... ولكني احس بالتوتر والقلق
حدي مو قادرة اضبط اعصابي
البارحة رحت للطوارئ ,, دخلت على الدكتورة النسائية
وما احس استفدت شيء ... بس قالت لي ارتاحي وقالت لي الحمد لله الجنين فيه نبض
وعطتني فولك اسيد !!
لازالت الافرازات ... ولازال الخوف والقلق
مادري هو دم والا شنو بالضبط اصلا ؟؟؟
آنا الحين لي كم يوم في بيت اهلي عشان ارتاح عندهم ,,
من شوي جاني زوجي وغصب علي لازم اروح لدكتورتي بعدين
مع إن موعدي باقي عليه اكثر من اسبوعين !
مادري شسوي , !!
خالاتي وعماتي والماما قالوا لي ارتاحي وارفع رجلي على مخدة
وقالوا لي شيء ما يخوف بس يبي لي راحة لأني هالايام وايد تعبت ؟!
بس الحين صار لي كم يوم مرتاحة ,, ومااسوي شيء
عيل ليش للحين ينزل علي ؟؟؟
مااقدر ما احاتي 
__________________
حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي
احبكم 3>
التعديل الأخير تم بواسطة Crestalla ; 30-12-2009 الساعة 05:02 PM
30-12-2009, 04:29 PM
ضوابط المشاركة
العرض الشجري