مشكلتي اصدق ايوه من جماعتنا بس من بعيد يعني معرفه قديمه يعني مايقربولنا والله زوجي الله يهديه ماقال لامه هو السبب مو انا انا اهلى قالوله انه يقول لامه كذب علينا وقال انه قالها الله يهديه بس مو مهم خلاص اللي حصل حصل على قولك يمكن عارف ان عيالي مابيجوني الله المستعااااااان الله يجزيك خير

الله يسعدك
والله اني اروووح وارجع اشوف انتي عقبتي على الموضوع هونيها وتهون والله ان حالك افضل من كثير من اقاربي
خلي شعارك بالحياه غــــــــــــــــــــــــــدا اجمل
وبعدين احمدي ربك فيه وحده تطلقت وماعندها عيال بالرغم انها عاشت مع طليقها سنوااااااااااااااااااااات وبعدها تزوجت شايب مايعرف في امور الحياه الزوجيه ولا شيء
تدرين ايش تقووووول ؟؟؟؟
تقول ياليتني خلفت لو من طليقي ومردهم يدورون علي !!!!!
انتي بنعمه احمدي ربك عيالك يعتبروون استثمار لك في المستقبل
بعدين انتي تقولي زوجك عصب يوم فتحتي معه الموضوع اي موضوع الوكاله ولا يقول لامه انك كنتي متزوجه
ساعدينا على شان نقدر نلقى لك حلول
ولا تقلقي نفسك
اكثري من الاستغفار بنية شوفة عيالك وستفرج ان شاء الله
اتعظي من قصة نبينا يوسف
وتأكدي ان الله اذا احب عبد ابتلاه يكفيك انك من احباب الله
لك خالص الدعاء

__________________

اختي ليلة مطر ياقلبي تسلميلي يالغاليه والله كلامك بلسم الله يسعدك ويحققلك اللي في بالك ياقلبي زوجي رافض مو ضوع عيالي مره تصدقي لمى اكلمه على طول وجه يقلب انقهر منه ونفسي اعطيه بوكس في وجهه الله يهديه بس ومن ناحيت امه مرررره رافض يعلمهاا عادي هو حر انا مالي شغل هو اللي ماقلها خلاص ياقلبي لا تتعبي نفسك انتي ماقصرتي الله يسعدك بخليها على الله اذا جوني الحمدلله واذا ماجو الله يجازي اللي كان السبب تصدقي من الحين يعلمو عيالي عليا اتصلت على زوجت اخو طليقي تقولي ولدك يقول انه مايحبك يحب عماته شفتي علموه انه يكرهني الله واكبر عليهم ناس ماعندها ضمير وماتخاف الله الله ينتقم من كل ظالم قولي امــــــــــــــين

شوفي اختي انا اعرف واحد الحين هو بثالث كليه عاش بعيد عن امه من عمره ثلاث سنواااااات وهو الآن قمه ببره لامه
وكان يقول انا مااحب امي!!! هذا نفس كلام ولدك وانا اقولك افرحي لولدك واهنيه لذكاءه ماشاء الله تبارك الله
بتقولي ليه؟؟؟؟ انا اقولك لما الطفل يتصرف بالشكل هذا يدل على انه عرف لابد ان يتعايش مع وضعه الحالي يبغى يحسسهم انه صح اللي يسويه مع العلم انه يحبك بقووووووووه لاتقلقي
هو عارف انه وقت وبينتهي
وحلو ان الاطفال مايفكروا بالامور هذي على شان نفسيتهم
اختي اللي فهمته منك ان زوجك ماراح يفيدك ابدا ....
لانه يفكر يقول اذا زاروها عرفت امي !!!!! الموضوع هذا مو بصالحه
خلاص شوفي لك احد يراجع بدالك بالمحكمه وتلاقي عيالك عند اهلك
اختي اصبري مسألة وقت
وبعدين اذا عندكم عااادي خذي امك وروحي زوريهم ببيتهم اذا زوجك راضي
واذا مارضي قولي شوف لي طريقه تريحني وتريحك اشووف عيالي وانا راضيه بشورك علي
اما اذا مارضي فلا تتعبي روحك لاتنتهي بينكم بمشاكل
اختي عندك عيال من زوجك الحالي؟؟؟
هل انتي زوجته الوحيده؟؟؟
هل انتي زوجته الاولى بحياته؟؟؟
كم اعمار اولادك؟؟؟
لـــــــــــــــــــك الحـــــــــــــــــــــريه بالجواب
على اساس اجوبتك ممكن اساعدك
معليش يمكن تقولي ماقرأت موضوعي من اوله!! الا قرأته
دمتي عسل

__________________

اختي ليلة مطر ولدي اللي عمره 8 سنوات والبنت 9 وولدي الاخير 5 سنوات البنت اكبر وامي وابوي متوفين ايوا انا زوجته الوحيده زوجي ماسبق له الزوج من قبل انا ياقلبي وحيده مالي احد غير الله اخواني كل واحد يقول نفسي ولا حتى يفكرو يسالو عني يعني تقدري تقولي مقطوعه من شجره الله المستعااان انا مالي احد مرررررررره حتى اصدقاء ماعندي الشكوى لله ياختي ماادري ليه عندي احساس ان عيالي مابجوني عشان اهل طليقي قاسين مرره ومسيطرين على ابو عيالي مابالك اولادي والله ياختي انا مقهوره مره حقي ضايع ظلموني واخذو كل شي تصدقي بالله اهل زوجي يتكلمو عني بكلام ماهو طيب عند الناس عشان يخطبو لولدهم بس محد وافق عليه لان سمعتهم مرره بطاله حسبي الله عليهم ظلموني

ام القمور الله يجزيك خير والله يااختي مافي فايده اكلمه يتهرب من الموضوع رافض مره اتكلم فيه واللي يده في المويا مو زي يده في نار تعبت ياريتني ماجبت عيال من طليقي الله ينتقم منه

ليلة مطر
لسى ماجبت عيال من زوجي الحالي خايفه يصير لي زي ماصار من طليقي وساعات افكر احمل بس خايفه والله مدري انا في قلق مستمر نفسي احمل عشان انسى اولادي واعوض اللي راح بس خايفه اختي ايش رايك انا الحين افكر اروح المدرسه اللي يدرس فيها ولدي عشان اشوفه ايش رايك ينفع بس خايفه ولدي يقول لابوه ماما جت المدرسه ويسويلي مشاكل ايش رايك انتي انصحيني جزاك الله الف خير

ليلة مطر تصدقي كلامك جاب لي امل انشاالله يكبر ويسال عني الله كريم ياختي والله يرد كيدهم في نحورهم والله يشغلهم في انفسهم قولي اميييييييين

اخواتي ليلة مطر وام القمور اشكركم من كل قلبي على تعاطفكم معايه والله يجعله في ميزان حسناتكم والله يجزيكم الف الف خير والله ريحتوني وحتى اذا مالقيت حل يكفي انكم حاسين بمعاناتي الله يكتبلكم الاجر ويسعدكم ويرزقكم كل خير يارب