أختي الفاضله بالنسبه لخطتك إللي رسمتيها أسأل الله إن كان يعلم بأن فيها خير ونفع لك أسأل الله أن ييسرها وإذا كان ربنا يعلم بأن فيها شر وسؤ لك في حياتك نسأل الله أن يصرفها عنك بالنسبه لإضافتك إذا أمك سعوديه فهاذا شئ طيب وبإذن الله هاذا شئ في صالحك وصدقيني إن زوجك يحبك ومتمسك فيك و يريدك ولا كن مشكلته في إضافتك تلاقينه محتار مو عارف كيف يتصرف لأنه الحين صار محاصر من جهتك أنت وأطفالك ومن جهة نظام عمله وأنتي إذا كنتي لحالك فكانت المسأله سهله لأن أنتي عندك جنسية بلدك وتقدري تروحي وتجي ولو مرضتي تقدر تتعالجي بإسمك وجنسيتك لاكن أطفالك صاروا ماعندهم إثبات لو بغوا يدرسوا أو قدر الله عليك أحد مرض منهم يحتاج إثبات للعلاج والدراسه والسفر والطلعات فصار زوجك بين نارين وأتوقع بعد بأنه مابحث وراء الزوجه الثالثه وتكون سعودية إلا لأسباب في نفسه فهناك بعض الأشخاص يتزوجون أجانب وعندهم زوجات سعوديات فيقوم يضيف أبنائه من الزوجه الإجنبيه في كرت العائله مع أبناء الأم السعوديه طبعا تحايل على الأنظمه وأتوقع إن زوجك مايبغى يحط عياله في كرت العائله حق زوجته الأولى تفاديا للمشاكل ولذلك بحث عن الزواج الثالث و طلب منك الزواج بشخصيتك اللي مايعرفها على أساس إنك سعوديه ويبغى يعجل بزواجه منك بأسر ع وقت علشان يمديه
يطلع كرت عائله لزوجته الثالثه
ويضيف معاها عيالك على أساس إنهم أبنائها حتى لو أضطر لتقديم تاريخ عقد الزواج من الزوجة الثالثه حتى يضيف بنتك في كرتها العائلي وكمان أنتي تولدي بإسمها في الولادة الثانيه
وإذا كان بنتك باقي ماكملت سنة فهاذا يعني إنها باقي ما أ كملت تطعيماتها المقرره في كرت التطعيم وماتكمل تطعيماتهاألا بعد سنة كامله عقبها يطلع لها أبوها شهادة ميلاد ومن ثما يضيفها بكرت العائله بإسم زوجته الثالثه على أساس إنها أمهم إحتمال يكون تفكير زوجك كذا علشان الأطفال مايضيعوا ويضمن مستقبلهم والله أعلم بس أنا أتوقع إذا زوجك حاول لك في الحصول على الجنسيه السعوديه بأذن الله إنها راح تتيسر وبالذات إن أمك سعوديه وأنتي من مواليد السعوديه وحطي عليها واسطة شيخ قبيلة أمك بإذن الله إن ربنا يسهلها عليكم بس أرجوك يا أختي لاتضغطين على زوجك كثير تراه مضغوط الحين بما فيه الكفايه وجالس يفكر وش الدبره في موضوعكم وترى زواج العسكري من أجنبيه له عقوبات حتى غير الفصل إذا كان رتبته عاليه ولأنه رتبته عاليه يعتبرونه هو يكون أحرص الناس على تنفيذ الأنظمه والقوانين إللي تصدرها دولته أتمنى تكوني فهمتيني وأرجوك إنك تنظري لموضو ع زوجك بالعقل بعيدا عن العواطف أنا أعرف إن بعض الإخوان والأخوات الأعضاء هنا
ردوا عليك ردود عاطفيه ونسيوا أو جهلوا
إن هناك أنظمه وقوانين يرتبط بها رجل أمن الدوله حتى في شوؤن حياته الشخصيه وأتمنى إن كل أخ أو أخت يكتب رد يحط هاذا الأمر في الحسبان وزوجها إذا فقد عمله ومصدر رزقه لن تعيش بسعادة لاهيه ولا زوجته الأولى ويمكن زوجته الأولى موظفه وتقدر تعيل عيالها وتصرف عليهم لا كن الأخت الكريمه وضعها الله أعلم فيه وظروفها تقول إنها صعبه و زوجها إللي طلب منها تأجيل الحمل
حتى تحصل على الجنسيه السعوديه علشان بعدين يقدر يشهر زواجه منها ولو جابت له أطفال يقدر يضيفهم في الكرت العائلي مع أمهم لأنها صارت سعوديه أتمنى الصوره تكون واضحه وبالتوفيق للجميع .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يفرجها لك ويكون في عونك يارب ويكتبلك الخير في هذا اليوم الفضيل

بنت الحكمي .. انتي زوجك غير

وانا ماقلت كلهم انا قلت اغلب العساكره .. وبصراحه اغلبيتهم شهوانيين وووو الخ خخخخخخ مابي اذم اكثر بعدين تعصبين
انتي ماشاء الله زوجك غير .. وعسى الله مايغيره عليك ..
وماشاء الله تحليلك حلووو ورائع ... والله يوفقك ويوفق اختنا جريح

ملاك يونا والله انك صادقه انا بعد ملاحظه هالشي وكثير ملاحظ ..وكمان انتي ملاحظه...معناه ثبتت التهمه

وانا دايما اقول ليش هم كذا نفسي القى تفسير لهاالشي..

وهم اغلبهم مو كلهم..

مع احترامي الشديد لكل زوجة عسك____

اختي جرح عميق...موفقه ان شاء الله..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

ههههههههههههههههههههههه
حتى أنتي معاها ياليه الغرور
الله يسامحكم ترى العسكري هو رجل كمان مثل كل الرجال له حسنات و عليه سيئات وعنده أحاسيس ومشاعر يعني مو معناته إنه صار رجل أمن خلاص ماتت أحاسيسه ومشاعره وصار جلف صلف ماعنده عاطفه بالعكس العسكري رومنسي لأبعد الحدود ويطبخ أحسن الطبخات و ينظف ويرتب و فوق هاذا كله نظامي مثل مؤقت الساعه في حياته وفي عمله والعسكري من أول يوم يدخل دورته العسكريه يتعلم الإعتماد على نفسه في الطبخ والغسيل والكوي والتنظيف والترتيب لاكن المدني بعضهم حتى شماغه مايعرف يكويه لازم زوجته وإلا أمه أو أخته تكوي ملابسه وترتب سريره وتجهز أ كله طبعا هو واجبها إنها تسوي كذا بس أحيانا الحرمه تبغى تاخذ إجازه
ترتاح فيها وترى العسكري إنسان طيب طيب جدا وحنون ورومنسي طبعا مو كلهم بعضهم ينطبق عليهم مثل ماتفضلتوا فيه أنت والأخت الملاك يونا وأنا أتكلم عن إللي أشوفه ظاهر من حولي أشوف نساء متزوجات عسكرين ومبسوطين ومرتاحين وما عمري سمعت بأي وحده منهم تشتكي من سؤ خلق زوجها أو خيانته .
وأنا أختلف معاكم في كلمة أغلبهم فقط مو معقوله إن أغلبهم خونه هاذي نسبه مبالغ فيها وتحتاج دراسه كامله وتوضيح و بعدين نقدر نطلق الأحكام عليهم هل هو أغلبهم سيئين أو بعض من الفئات السيىئه إللي أساءت للغالبية من العسكرين الصالحين .

وتقبلي تحياتي أختي الكريمه

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

عزيزتي بنت الحكمي....انتي زوجك غير..وانا متأكده انه مو من هذا النوع

يعني هم مو كلهم لكن اغلبهم...مدري ليه ..
بقلك على شي...زوج بنت خالي الي هو كمان يصير ولد خالي عسكري تخيلي..اكتشفنا انه ياخد جوال زوجته ويتصل على الارقام الي مسجله عندها ويكلم صاحباتها وكل الموجودين عندها حتى انا اتصل علي وكل قريباتها الي مسجلين عندها وكمان يبي يقابل بعد.....يوم عرفنا انه هو الي مزعجنا كلنا وبنفس الرقم وجبنا الادله والاثباتات.صارت مشكله مابعدها مشكله وقامت حرب بين رجالنا واهالينا .بس هي الله يهديها الحين مقاطعتنا..وكمان مقاطعه صاحباتها..تقول انه احنا الي ندق عليه ونغازله مو هو تخيلي. والله اني متاكده انها كاشفه خيانته بس تداري عليه ومبينه قدام الناس انها اسعد انسانه وعيونها تقول العكس..

هذي الحركه البايخه الي سواها اكدتلي الكلام الي دايم اسمعه عن العساكروصدقيني ماقلنا الكلام هذا من فراغ

وارجع اقلك مو كلهم ...

اختي جرح عميق انا آسفه لانا خرجنا عن الموضوع...لتوضيح بعض الامور...

الله معك عزيزتي

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

هههههه من زمان ياختي .. بس ثبتت التهمه بعد ماقريت مشاكل بنات ازواجهم مثل زوجي عسكريين ..
خلف الله علينا بــس .. لووول

واختي بنت الحكمي انا زوجي يعتمد على نفسه صح .. وحتى لو انا اشتغلت ساعدني ومرات يشتغل كل شي عني .. يعني جميع الصفات اللي قلتيها فيه ..لكني بالبدايه كنت مخدوعه .. وكنت غبيه ليما اكتشفت بلاويه .. ترى العساكره اذكياااء .. يلعبون من تحت لتحت .. حتى هو بنفسه يقول لي لو تموتين ماتلقين علي شي .. ويقابل ويطلع ولما ياخذ اجازه يسفرني معه بس بعدها يروح مع اصحابه .. ويكررها .. وووو الخ

ههههههههه طلعنا عن الموضوع

اختي الكريمه قصتك فيها شبه من قصتي بس والله ما فكرت انتقم واحيانا والله ادعيله بالهدايه ومن ايام ارسلت له رساله ودعيت له بالتوفيق سامحي اختي واغفري اما تحبين الله يسامحك ويغفرلك سامحي واجرك على الله

صدقيني والله ان بعض الرجال مايحب الضعيفة ولا ينعدل الا مع القوية كفانا ضعف اللي يحب المومن القوي وليس الضعيف اعترف الغلطة غلطتي والله انها غلطتي تسامحت كثيييييييييييييييير معه ياحريم خلك معه وسط لا لينة فتعصري ولا صلبه فتكسري خير الامور الوسط اما التفريط بالحقوق يجي بكارثة على راس صاحبة
انتقامي الحمدلله بصالحه ولن يوذيه يبعده عن الحرام ويعطيه درس في تعلم حقوق رعيته
عموما انا انصلح حاله بعد الشدة والقوة اللي واجهته فيها والامور لحد الان بصالحي