زوجي هو اخر اولاد امه

لكن له اخوان من ابوه اصغر منه

حنان يعطيك العافيه انا قلت له هالشي شفويا كلام قال خليكي انتي لا تروحي

خالتي بيتاء والاغضاء الكرام
ابوه يقول ان امه تبيه يتزوج بنت اخوها بعد مايشتري سيارة وبنت اخوها هذي تصير اخت زوجة اخو زوجي

قاعدين يخططون يزوجونه
وهو متأثر
امه تمدحها هي واختها عند زوجي وزوجي يتحداني ومتأثر فے كلامهن

ايش اسوي ساااااعدوني
بيشتري السيارة هالشهر بس اخاف يبيعها ويتزوج
وعلاقتي معه مضطربه

هذا السبب بأنه تضايق كثير لما طلب تعملي القهوة لوالدته ورفضتي
في تحدي خفي بينه وبين والدته .. ولما رفضتي تعملي لها القهوة أضعفتي موقفه وطلع وكأنه معها حق..
ما أقول انه معها حق ولا أقول انه هذا وضع منصف وعادل لأنه انت زوجته وأم أولاده والمفروض انه الأمر مفروغ منه لكن أقول لك اللي يدور براس زوجك .

اعملي اللي تقدري عليه وسلمي أمرك لله
قولي ورددي " وأفوض أمري لله ان الله بصير بالعباد "
" حسبي الله ونعم الوكيل "

__________________

سبحان الله على الناس اللي ماتخاف الله ..امه ليه بتخرب بيت ولدها اذا عاجبتها قريبتها ليه ماخطبتها من قبل لا ياخذك وش معنى توها اللي احلوت بعينها
ماعليك منهم ودافعي عن بيتك لأخر لحظه اتعاملي معاه بالإحسان ادري صعب خاصةً الموضوع نفسي لانه مؤلم تجلسين تجاملينه وانتِ حاسك قلبك بيتزوج سواء سويتي شي ولا لا بس حاولي بهالفتره تحافظين ع بيتك علشان اطفالك وعلشان لو صار طلاق تقولين سويت اللي اقدر عليه وماتلومين نفسك استغفري كثير والحي ع الله بالدعاء ان ربي يسخره لك ويصلحه وان شاء الله حياتك تتغير للأفضل

يالحظة الالم والندم
العلاقات بين الاشخاص تحتاج الى مجهود حتى يتم التالف فما بالك بالزوجين
المفروض ان فترة الخطوبه تكون قربتكم من بعض او نفرتكم من بعض ولا تكملوا الزواج
المهم مادام ما حصل قد حصل فلازم تتضعى لنفسك استرتيجيه للتعامل
اولا يجب ان تكسبى امه ولو تعصرى على نفسك ليمونه لانها مفتاح الحل
ثانيا يجب ان تتحاورى مع والده لانه حجر الزاويه فى حياة زوجك
ثالثا لاتجادلى زوجك او تشعريه بانه مغصوب عليه ليعيش معك وكونى هادئه وافعلى ماعليكى ولا تسرسلى معه فى الجدال وانتبهى لابنك وكما قالت بيتا حاولى ان تجعلى ابنك رايط مشترك فى الحوار بينكم وانه يشبهه ونوادر الطفل معك ليزيد ارتباطه بالاسره
رايعا لاتخشى زواجه من اخرى فهو لن يتزوج وحتى لو فعل سيلاحظ الفرق بين الاصل والتقليد
عمر ماالجواز التانى حل مشكلة الاول
خامسا خدى الخبره من الحاجه بيتا فلها ابنه متزوجه بعمرك وخبراتها بهذا المجال بجد تحترم
سادسا اتمنى لك الستر والسعاده

عفوا ... خطأ مطبعي بالاية الكريمة والصحيح " وأفوض أمري الى الله ... "

بخصوص موضوعك يا أمل أتخيل اللي صار كالتالي

انت قريبة لزوجك من جهة والده ... ووالده شخصيته قوية حتى أمام والدته وهذا لصالحك .

لما صارت المشاكل بينك وبين زوجك وخاصة لما انتقلتوا لبيت أهله وصارت مشاكلكم مكشوفه لهم وبالذات لما تركتي البيت ورحتي بيت أهلك ... صارت والدة زوجك تهون عليه وتقول له اذا زوجتك متعبتك اتركها وخذ بنت خالتك وهذا احنا مجربين أختها وعايشة معنا ومرتاحين معها (( كلامها منطقي جدا وأي أم بتقوله لولدها ))

وبالرغم من دور والد زوجك برجعتك لكن أتصور لو انه زوجك ما يعزك ما كان قال لك عن مخططاته . كان تزوج بدون ضجة خاصة انه والده استسلم بموضوع زواجه الثاني .
ودليل ثاني على رغبة زوجك بالاصلاح هو طلبه منك التودد لوالدته .. وإلا ليش يهتم اذا تحسنت صورتك أمام أمه أو لأ .
طبعا حبه لولدكم برضه دليل على حبه لك
وبما اني أعرف انه زوجك مو من النوع الحقود أو اللئيم وما أظن انه يذلك إذا شاف منك التسليم له . وكل مشكلته انه يحس انه صغير بنظر كل اللي حواليه . وما ساعدتكم الطريقة اللي بدأتوا فيها حياتكم .. كانت بداية صعبة جدا لكن صار الوقت اللي تقدروا تتجاوزوها وتنسوها

اقتراحي

من رأيي تقعدي معاه (( حافظي على نبرة صوتك منخفضة وعيونك ما تركزيها عليه )) واطلبي منه انكم تعطوا زواجكم فرصة جديدة ... قولي له شنو رأيك نبتدي من جديد .. انت تنسى أخطائي وأنا بعد أنسى (( وقفي عند كلمة أنسى وما في داعي تقولي أخطاءك بوجهه احتراما له ))
اذا سألك عن السبب قولي له لأني ما أحتمل جفاك معي وأتمنى رضاك علي .. (( كبري راسه )) وكمان عشان أولادنا ما يتشتتوا .

ايش طلباتك مني ؟؟؟ أتوقع بيقول احترام لي ولأهلي وووو ..... مهما طلب وافقي له وقولي له على راسي وبعدين نشوف كيف نحصل حقوقك منه .
إذا ناقشتوا موضوع أمه وأهله .. قولي له أنا بخدمهم على قدر ما تساعدني صحتي وحملي كرمال عيونك لأني أشوفك تستاهل تكون زوجتك أحسن وحدة بين زوجاتهم .
وطالباتك انتي ؟؟؟ تودني .. تناديني باسمي .. وتقدر وضعي الصحي والنفسي .. ((( قوليلي يا خاله عن طلباتك اللي ودك تطلبيها منه ))) ...

اذا ذكر شيء غلطتي فيه لا تكابري وتحاولي تبرري غلطتك .. بكل اختصار قولي فعلا غلطت .. معاك حق وما أكررها باذن الله .. وشوفي كيف الموضوع بينتهي بقلوب شرحة وبأسرع بكثير من لو كابرتي وناقشتي .

إذا عاتبك بموضوع روحتك لأهلك وضحي له السبب باختصار شديد عشان ما تتناقشوا فيه وعلى طول انتقلي لموضوع حبك له وركزي على انك بالرغم من أنك رحتي لكنك تحبيه .. مافيها شيء ولا فيها مذلة انك تقوليله أنك تحبيه خاصة انه روحتك لأهلك معناها انك كارهته فالأمر يحتاج انك تأكدي على محبتك له .
لا تجيبي سيرة الزواج الثاني لانه مو وقت التفاوض عليه الحين .. لازم نمد جسور بينكم بالأول وبعدها تقدري تموني عليه بهذا الطلب ... الحين الوقت بكير .

اتفاقكم هذا بيخلي محاولتك لكسبه أسهل لانه معاملته لك بتكون أفضل وبيتعاون معك .

__________________

زحمة الذكريات شاكره لك وامه مو مبين انها ماتبغاني
وهالبنت تبيها له قبل يتزوجني

خالتي بيتا لك الف شكر وربي يعين والواضح ان امه هي اللي تخليه يثور ضدي بهالشكل
اول ماجيت عندهم كنا سواء با?كل وبعدها طلبت اكون لحالي ?سباب اكلهم فيه دوا شعبي يضر الروماتزم اللي عندي قلت ?مه هالسبب وقالت كلن ياكل بلحاله خذيت اسبوع الا وزوجي يهاوشني ويقارن بيني وبين زوجة اخوه
وابوه كشفهم وشكل ابوه هو الوحيد اللي بصفي وقال برضو ان اخو زوجي اللي زوجته تمدحها امي يكرهني وضدي والمشكله انوه اكثر واحد يجلس معاه زوجي

جاسمين
ماكانت فے فترة خطوبة بحكم تقاليد اهل زوجي
انا رَ?حّ ابذل جهدي للمره ا?خيرة والتوفيق بالله
شكرا لك

زوجك مايبيك.......مايبيك.مايبيك..وقالك هو من بداية حياتكم انه مايبيك

وسالفة اول ليله لك معه..اكبردليل..لكن انتي الله يهديك..استمريتي معه..هذي مشكلة بعض الحريم تستمر مع زوجها حتى لو صرح لها انه ماراح يسعدها..لكن تبقى معه على امل يتغير...الرجال مايتغيرلاتنتظرون منهم يتغيرون..

وسالفة امه والقهوه مالها علاقه ابد..بموضوعك هو بس يتحجج..وربي لو ولعتي له اصابعك شموع ماراح يشوف منك شي...لو خدمتي امه وبستي رجولها في الروحه والجيه ماراح يقتنع..

حبيبتي وش حادك تجلسين عنده لاانتي اول ولاخر وحده تنفصل عن زوجها..الله سبحانه ليش حلل الطلاق..واباحه..

الحقي عمرك قبل لاتمرضين عنده وتجيك حاله نفسيه وقتها لاهو ولااهله ولااهلك يقدرون يعالجونك..

واطفالك ماعليهم ضرر ان شاء الله..اهم شي تكون حضانتهم لك..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

ليه الغرور حبيبتي ليه نظرتك متشائمة
يتغيرون .. ليه . هم مو بشر مثلنا ؟؟؟ مثل ما احنا نتتغير هم بعد يتغيروا
وزوجها نفسه على فترة تغير وصار أحسن . لكن مشكلتهم انهم هم الاثنين صغار وبدأو بداية صعبة .

لو كل واحد واجهته مشاكل يئس على طول وتطلق بدون ما يحاول بيطلع كل العالم مطلقين ..

ومن قال انه الأولاد ما راح يتأثروا لما أهلهم يتطلقوا حتى لو كانوا بحضانتها ؟؟؟ روحي واسألي بقسم المطلقين ...
بعدين من قالك انها بتكون مبسوطة بدون أبو أولادها معهم بحياتهم ؟؟؟ الزوجة تحتاج زوج وتحتاج أب لأولادها .. البنت بعدها بأول العشرين ..

وزوجها مو ذاك السوء ... له ايجابيات كثيره ... لكن الواحد مننا لما يكتب يكتب المشكلة والشيء اللي مضايقه حتى يلقى حل وما يقعد يكتب بكل تفاصيل حياته .
وما أحد كامل .. الغلط أحيانا يكون من الطرفين .

__________________

ونسيت اقلك...ليش تنقهرين عشانه بيتزوج؟؟

خليه يروح يتزوج ماعليه حسافه...على الاقل تنفكين من لسانه..وانت اهتمي في نفسك..هذا مايستهاهل حتى دمعه من عيونك...عيشي لنفسك ولاطفالك بس..وهو اعتبريه مات..

ولاتتوقعين انه بيعاملها احسن منك...لا...حتى هي ماراح يقصر معها..بيدمرها مثل مادمرك..والله اني حزينه عليها..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها