مستقبل غامض
ضحكت على الربط من قلب الله يوفقك ويسعدك دنيا واخرة
ولصاحب الموضوع
احانا يكون العلاج بان تاخذ تهزيئ شوي حتى تخف ثقتك في نفسك
الله يوفقك
اتكل على الله

الله الله

بتشوفها يوم الملكه على سنع

خذها مني
ماشاء الله تبارك الله
سالفة ان وجهها مصفر على بيض مدري اومليت مدري ايش
هذا من الحيا ياطويل العمر

ومادامها جازت لك وهي ماحطت ميك اب
فهي صاروخ ...او على قولتك شق

صاروخ سمعتها من زوجي قبل كم يوم ...حسيت انها كلمه مش ولابد ...وطلع ظني في محله

__________________

تصدق ذكرتني بشبابي أقصد بنفسي مع أني متأكد أني أوسم منك

لما فكرت أتزوج أهم شرط كان عندي أنها تكون جمال يشلخ موب طبيعي

والي صعب الموضوع أكثر أني كنت أنسان منفتح علي العالم وراعي سفريات وذي تفرق مهوب زي أي واحد مغمض وأي وحده يشوفها تقوطر سعابيله

ومن حقي أني أطلب المواصفات الي أبي لأنها أرتباط لمدي الحياة

وبعد التدوير والغربله لقو أهلي بنت الحلال ورحت أشوفها

وبعد الشوفه أحترت أكثر

صحيح فيه أعجاب بس مهب ذيك الرسمه الي حاطها في بالي يعني أقتنعت فيها بنسبة %70
باقي حوالي %30 وين تروح من قناعاتي ؟

بعد الشوفه كنت مرتاح زيك

المهم تزوجت وعرفتها أكثر وأكثر وأرتفعت بنظري بطيبتها وحنيتها والتزامها وغيرت فيني أشياء من المستحيل أنها تتغير يمكن لو كانت وحده ثانيه ما تغيرت والحمدلله غيرتني للأفضل



أقولك هاذا الكلام وانا لي الان متزوج 18 سنه وأشوفها بعيوني أحلي زوجه


يعني الزبده مستحيل تشوف الكمال الا لما تتزوج


يعني لايكثر يا توم كروز وتوكل علي الله

والله يوفقك

__________________
اللهم ارحم والدي واغفر له

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.

مرحبا اخوي

اولا ماشاء الله عليك ,,, وبعدين اكيد كلنا يالرجال نحب الجمال ,,, ولا كن اذا تقدر اعزمهم عندكم وحاول تشوفها بأي طريقه يعني البسرقه ،،،، هههههه طريقه حلوه ,,,, واتمنى انها تعجبك تملا عينك

الله يوفقك بزواجك ويحببك فيها

ياخي الكريم اتمنى ان تقرا مشاركتي بتمعن
اللي انت فيه شي طبيعي اولا لان ابليس عليه لعنه الله والملائكه والناس اجمعين عندما يستعرض اعمال من تحته اكثر واحد يقرب منه هو من يفرق بين الرجل وزجته فالان الوسوس هذا شيطاني نسال الله ان يصرفه عنك
وبعدين ياخي الكريم انت استخير ربك وتاكد بان الاستخاره ستكون دليل لك وتاخذك الى الخير
بمعنى بعد الاستخاره دع الامور تمشي على منوالها يعني اقدم وعليك بالخير وصدقني عن تجربه اذا مالك نصيب وخير حتلاقي الظروف تتهئى لهذا الشي وتلقى نفسك تتاخذ القرار بكل قوه
واذا كان غير ذالك فستجد الامرو تمضي بتساهيلها وبالتوفيق
والله يسعدك وكل من قراء
وماشاء لله تبارك الله

ذكرتني بقريبي هو ماشاء الله الكل يقول عنه وسيم و اصحابه يمدحون جماله ويوم فكر انه يتزوج قال يبي احلى واجمل بنت وكل ما شاف وحدة يبي احلى منها ويوم لقى البنت الي يدور عليها على طول اتزوجها _هو عايش برة السعوديه_ وبعد الزواج بكم شهر كل ما شاف وحدةاحلى من زوجته يتحسر ويقول لو قابلتها قبلك كان اخذتها ومو مقتنع بزوجته ويقولها في كل مشكلة احمدي ربك اني اخذتك وانا اجمل منك ...
اخوي القناعة اهم شي

__________________
[IMG]http://im11.***********/2012-01-23/1327344345591.png[/IMG]

عيوني تحكيني
لاوالله لابد تكون انسانة واعية وفيها حرارة مشاعر ومستعد اتنازل عن شوي من جمالها ..
الله يبارك فيك اختي

سيدة الموقف
اشكرك كثير على كلامك بارك الله فيك
الله يوفقك

عيوني تحكيني
فعلا ماقصرت الاخت سيدة الموقف
اقول انا اول ماشفت اسمك حسبته عيوني تحكني
مدري احد زيي ؟ والا شكلي انا اللي عيوني تحكني

حطموك ياقلبي
الله يجزاك خير, نعم شكلي بعطي ابليس تذكرة مجانية على القطب الجنوبي
لاهنتي

الأخوات ـ: حلم الواقع ومستقبل غامض وروح الطير والوان وعيوني تحكيني < حشى بيت قصيد مو اسامي
اشكركم انكم ضحكتوا علي وشرفني مروركم

ام توفي وفيصل
الله يجزاك خير يارب وشاكر لك مرورك

اخي فيلنق
الله يبارك فيك حبيبي وريحتني تجربتك الله يجزاك خير ياشيخ
ابشر مابكثر , تحياتي لك

لعيون نوف
الله يبارك فيك عسى كسبت اجر ادخال السرور في قلب مسلم
ومن ناحية عيوبي عاد وش نسوي , يقول المثل :
اطلب الموت توهب لك الحياة < وش دخلها
مشكورة على تشريفي بتعقيبك

طلال
حيك حبيبي, خلاص مايمديي ابسرق ههه
نملك ونتوكل على الله
تحياتي لك

هوم سيك < الظاهر كذا
الله يبارك فيك وكلامك باخذه على محمل الجد
شكرا لك على كلمة ماشاءالله حسيت اني أمورة هههه استحيت وحمر خشمي

سوسو
رااائع اشكرك جدا على التجربة
بارك الله فيك انا اتاثر اكثر بالتجارب , الله يوفقك يارب
تحياتي للجميع

كل أخواني نفس الحاله.،، ابتلشنا فيهم ' طبعا حنا ماعندنا غير تحطيم.
الحمدلله والشكر. بس يتزوجون تغير نظرتهم ويشفونهن ملكات جمال.
تبقى هي البنت وأنتم عيال ماتوصلون لجمال البنات.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

احسك مرتاح لها
وصدقني دام البنت مو شينه واخلاقها كويسه مع الايام بتعشقها وبتعشق شكلها