يا عيني عليك يا فتاة اختصرت كل الكلام اللي كنت بقوله...

أخت ملامح قمر خلك من الإحصائيات ....

اذا أراد الله شيئًا قال له كن فيكون....

خليك حسنة الظن بالله ... وابتعدي عن اليأس

والزواج والوظيفة وغيرها هذه أرزاق قدرها الله للخلق منذ الأزل...

وما أدراك يمكن الطلاق والتأخر يحمل في طياته خير كبير لك...

أنا مثلا فاتتني فرصة للزواج لمن كنت اولى جامعة.. وللحين احمد ربي

أني ما تزوجت ولا كان لا كملت دراسة ولا شغلت منصب...

واكبر دليل على ان الإحصائيات لا تودي ولا تجيب قصتي مع الوظيفة...

قدمت على وظيفتي الحالية ونافسني عليها 300 وحدة منهم من تحمل شهادات الماجستير

بتقدير عالي .. وهم كانوا طالبين 6 معيدات...

أنا لمن عرفت الكم الهائل من المتقدمات غسلت يدي من الوظيفة...

لكن الله أراد وكتبها لي... من بين 300 وحدة ومن بين آلاف العاطلات في المملكة واللي

يحملون شهادات عالية...

شفتي ان الإحصائيات ليست مقياس نمشي عليه امورنا ؟؟

ولرب نازلة يضيق بها الفتى...
ذرعًا وعند الله منها المخرج...
ضاقت فلما استحكمت حلقاتها...
فرجت وكنت أظنها لا تفرجُ....

عزيزتي انا ماقلت الاحصائيات الي تشوفينه بعينك
كم البنات الي في البيوت بنات جمال ودين واخلاق وبعضهم موظفات والحين في الثلاثين ولم يسبق لهن الزواج
ركزي اقاربك لو اقول كم عندهم من بنات في البيوت الي اشوفه كل بيت ثلاث اربع او خمس والقليل ثنتين
الزواج صعب على الشباب هالوقت والصايعه فاتحه ابوابها وختى نسبت البنات اكثر من الشباب
وطبعا البنت اكثرر شي يتضرر الشاب حتى فوق 30 راح يلاقي من توافق عليه لو ام 17
البنت لا
هاذي اشياء عقليه انا ماجلست اتكلم لك عن الارزاق لكن اقول وش نعيشه والي كاتبه الله يصير
والله يبارك لك فيما رزقك ويفتح لك ابواب رزقه

لكن رايي البنت لاتفرط في فرصه الزواج خاصه هالوقت والايام لين راحت ماترجع
وتتزوج على الاقل تجيب اطفال يملون عليها الدنيا افضل من الوحده وتقابل اهلها صح كلامي او غلط ؟

__________________

باختصار يا ملامح...

الله كاتب لكل هالبنات اللي ماليات البيوت متى بيتزوجون وكم بيخلفون

واسامي عيالهم وأجناسهم...الوحدة منا على قولتك ما تفرط في الفرصة المناسبة ....

لكن يكون عندها يقين ان ما أصابها لم يكن ليخطئها وما اخطأها لم يكن ليصيبها... وبالعكس

أنا أشوف نسبة الزواج هذي السنة كثير... حضرت ملك وزواجات كثير ماقد مر علي بكثافتها...

وشلتي في الجامعة كلهم ارتبطوا خلاص... الزواج يبنى على الحالة الاقتصادية العامة .. والزيادات

في الرواتب ونظام حافز وتوفير الآلاف من الوظائف المدنية والعسكرية .. كل هالامور أنعشت الزواج ...

والوحدة فينا تسلم أمرها لله ...

اعرف بنتين جمال وأخلاق خلاص يأسوا من الزواج ، وقالوا نفس كلامك البنات كثرت،

والشباب يأخذوا الصغيرة... والحمد الله تزوجوا الثنتين ها لسنة من شباب كويسين...

ووحدة منهم سافرت برا..

الخير لازال موجود .... والواحد يتوسم الخير ويحسن الظن ويرضى بالنصيب...

ويؤمن بالخيرة فيما اختاره الله... ويتسلح بالإيمان ... رح يشعر بطمأنينة ...

وسعادة واكتفاء روحي سواء كتب له الزواج ام لا....

وبالنسبة لشوفة عيني شفت كثيرررر عاطلات ويأسات من الوظيفة في كل بيت وفي بيوت أقاربي هذا الشئ ما خلاني ايأس وسبحان الله توظفت والكل مستغرب كيف.... الحمد لله يارب

تحياتي لك ملامح

ماقصرتو الله يجزاكم خير
انا الحين بفترة امتحانات فاجلت التفكير بالموضوع ولظروفي العائلية الحاليه مااقدر استشير امي ولا ابوي لذلك يبي لي وقت وطبعا رح اشوف الردود وادرس كل شي بعقل صافي

بالنسبة لصلاته انا بصراحة نادمة على اني ماكنت انصحه وماكنت اخوفه لانو كان عندي فككرة انه كبير وفاهم ومايحتاج اقوله شي لكن والله كنت غلطانة
انا اطمع لنصائحكم بجد ..

__________________
سبحان الله وبحمده سبحان الله العظيم

هلا ب سميتي ..
و الله يا وخيتي المثل يقولك دركي مجنونك لا يجيك آجن منه
أنا ماني عارفة انتي ليه مترددة بما انه انسان يحبك و
شاريك و تقولين أخلاقه كويسة
يعني حددي انتي وش مخاوفك سلبياته اللي تقولينها ولا الضرة الجديدة
ان كان خوفك من سلبياته و هي تفريطه بالصلاة ف أنا أقولك الصلاة امر
التهاون فيها مو سهل و مفروض من قبل الطلاق يكون لك طريقتك و اجتهادك
معه في نصحه و الدعاء له
و بعدين أنا مرة سمعت العريفي في برنامجه برمضان يقول لوحدة دقت
تشتكي تبي تتطلق لان زوجها كويس بس ما يصلي ، قال لها اذا هو زين
معك ما أنصحك تتركينه لان
باللين و الدعاء تاثرين فيه و أجرك عند الله عظيم
هذا اولا اذا كان خوفك من تهاونه بالصلاة
أما ان كان هاجسك الزوجة الثانية ف أقولك يا بنت الحلال أنا مطلقة
و الي يومك هذا عشرين واحد تقدمو
اغلبهم معددين ، يعني ما بتروحين من الضرة لو تطلقتي الا في حالات الحظ الشاطح
و هاذي أرزاق مكتوبة عند الله ف ليش تخمنين في مستقبلك
اذا زوجك طيب و ابن حلال و عيوبه بسيطة تحملي و أنا وخيتك ، ترا محد كامل
و احمدي ربك عليه والله والله ماعاد به رجال اغلبهم على شاكلة زوجك من التهاون و التفريط
في الصلوات الا من رحم ربي
انتي صلي و استخيري و ادعي الله ييسر لك الخير و اتكلي على الله واعزمي و ان كان خير لك
بييسره الله و ان كان شر بيصرفه رب العباد
امرنا يا اختي متعلق بعلاقتنا بالخالق
الله يكتب لك الخير يارب
موفقة عزيزتي

__________________

‏
الوعي هو الملاذ ..

أستغفر الله العظيم ؛
( الفردوس غايتي )