وعليكم السلام
يا بنت الحلال قولي لا إله إلا الله
اذا اصابع اليد تختلف فكيف بالبشر مو معنى ان ابوك معفي اللحيه ويصلي ويصوم خلاص
هذا ما يمت لرجال الدين بشيء اتفق معك فيه اللي يربي اللحيه كديكور قدام الناس لكن هذا ماهو بمبرر للتعميم زي مافيه الصالح فيه الطالح
ابوك ماهو مثل رجال الهيئه رجال الهيئه وظيفتهم حماية اعراض المسلمين وحمايت بنات الناس
من اللي ما يخافون الله هم ناس ثقه ويخافون الله نحسبهم والله حسيبهم
كلمييهم ومنتي بخسرانه شي وعلى انك صديقه او جاره كما ذكر احد الاخوان شوفي الوضع كامل
كيف راح يمسكونه واسألي عن كل شي خايفه منه راح يكونون على تواصل معك
ارتحتي كملي ما ارتحتي قفلي



واذا انك تستحين او خايفه من شي اعتبريني اخوك الكبير
واعطيني كل الاسئله اللي خايفه منها واستفساراتك وانا اكلمهم وارد لك
همتك معنا كذا ما ينفع حتى لو تزوجتي خواتك بعدين وش يسوون تبين يعيشون اللي انتي عشتيه افرضي وحده حملت ساعتها وش الامر تتكلمين وترفعين الظلم عنك وعن خواتك ولا تسكتين وتصير الفضيحه اكبر
؟؟

محد راح يلوم عليك هذا وهم براسك بس
اختك اكيد تعبت زيك من الوضع ذا ساعديها وساعدي نفسك
واحنا هنا كلنا معك بكل اللي نقدر عليه بس نبي منك خطوه لقدام انتي بنت صغيره والحياه قدامك وانا اخوك لا تضيعين حياتك بسبب الخوف
مافي اعظم من اللي انتو فيه منتي بمقتنعه كلميني ناقشيني وش اللي مخوفك قولي كل اللي بخاطرك محد بيضحك عليك ولحد بيلومك

يالله انتظرك رد منك

طيب أختي رهو
أستخيري ، ولو أن ودي أنك تبلغين والله العظيم
ويشهد الله أن نبيلك الخير ونبيلك الحياة السعيدة.

الله يسخرلك حسن القرار والإختيار

قلوبنا معاكِ

__________________
استغفر الله واتوب إليه

سلام عليكم

صباح الخير

الهم يسر لهم امرهم
...وهدهم لاحسن الاقوال

وقوي قلب رهوووو ......للتصال على الهيئه ..........يارب

رهو أسأل الله أن يلهمك الصواب

اقترحت عليك فكرتين ، كلاهما ممهدة لبلاغك بطريقة غير مباشرة ، فلماذا لا تستطيعين الإقدام على هذه الخطوة الفاصلة ؟؟

رهو لماذا أحسنتي الظن في ، ووثقتِ بمساعدتي لك رغم أنك لا تعرفينني ؟؟؟؟

كل كلامي معك لا يعطيكِ المبرر الكافي لأن تثقي بي ، أليس كذلك ؟؟

لكنك أحسنتي بي الظن ولمستِ في كلامي الصدق وحب الخير لكِ ، وأنتِ لا تعلمين هل انا من (( المطاوعة ))ام لا ؟

أختي رهو أطلب منك أن تحسني الظن فيمن ستتصلين بهم من رجال الهيئة مرة واحدة أخيرة فقط ، وجربي لن تخسري شيئا !

بالعكس ربما تندمين أنك تأخرتِ في الإتصال بهم ، فهم لن يسيئوا إليك إن لم يساعدونكِ .

أختي رهو إني أناقشك بكل شفافية وأثق تماما في عقليتك الرائعة الواعية ، فلا تضعفي ولا تهني ولا تحزني ، استشعري معية الله ،

إنه معك ويعلم بحالك فكيف لا يحميكِ ؟؟

جزاك الله خيراً ... كفيت ووفيت جعله ربي في موازين حسناتك ..

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

فكرت بكلامكم كثير لكن آحس صعب صعب أني أقدم على هالخطوه لخوفي من الفضيحه وانه تنفتح قضايا بدال ماهي وحده ولأني مااأأاثق فيهم والله والله لو يحلف على المصحف مااصدقه الشيخ المطوع الملتحي عشأن اناا تشبعت من قصصهم واللي يسؤونه »خال بنت عمي قالها مسكنا بنت فلان وووالخ »بكل صراحه أقولها لاالمجتمع ولا الشرع راح ينصفوني من هالظالم لأن هنا في مجتمعناا اثناان مهما فعلو من الجرائم ماافعلو دائما ينظر لهم بعين الشفقه و الرحمه إذا قال أناأ :مسحور أو مريض نفسي "كم من القضايا التي خففت أحكامها بسبب هالكلمتاان `قاتله أحمد خفف الحكم عنها بحجه أنها مريضه نفسيا ومصابه باكتئاب الحمل `القاضي بالمدينه اللي سرق و زور خفف عنه بحجه السحر والشوااهد كثيره بكون مثلهم سيفتضح امري ويطلع من السجن بتعهد خطي ويجي يقتلني »

رهو ركزي معي

هو ايش بيعرفه انه انتي اللي قدمتي البلاغ ؟؟

لا تحصرين تفكيرك في إن طريقة التبليغ تكون مباشرة وعن طريقك انتي

مو انتي بنفسك قلتي عماتك عارفين وغيرهم ، إنتي إذا اتصلتي ما تقولين إنك رهو بنته

فيه ألف طريقة وطريقة

والله بيعرف لأني أهدده دائما ويضربني وأوريه صور آثار ضربه وأقوله لما أكبر أكثر راح انتقم منك.»لا يامهم بعدين راح يجرجرونا لمركز الهيئة وحده وحده ويستجوبنا لأنه مستحيل يسمعون الكلام مني فقط حط أسوء الاحتمالات وقيس عليها