رد : احب طليقتي ام عيالي كيف أردها ؟ رجاء مساعده
والله يا خواتي بنسبله اهتمام لبناتي من قبل اطلعهم اوديهم واخذ له يبونه عمري ما قصرت فيهم ابد والحمدالله. سواءً العاب ملاهي احواض سباحه والسينما واشتريلهم له في خاطرهم لدرجه احس بطرو. عيل بنتي ساره عمرها عشر سنين اتقوللي ابا بلاك بيري قلت بس هذا كان ناقص حتى هاى سعلوق تعرف بلاك بيري المهم انى ما قصرت معهم ولا بقصر بيفهم باذن الله . من ناحية التواصل مع امهم والله 7 اشهر يمكن من كثر المسجات عادي اخذ جائزة من اتصالات . حاولت والله حاولت ولا يغركم انى تاسفت وتنازلت عن كل شي يعني هى ابد مب غلطانه لها دخل كبير كبير في الموضوع على سبيل مثال ( ضاربنا وبدا الكلام يزيد اقوم من مكاني ابا اطلع برع لين اهدا بس هى ماشاءالله توقف في وجهي او تقفل الباب من غبر علمي وتخش المفتاح وتزيد وتزيد وتزيد بالكلام لين تستوي مشكلة كبيره. وياما طلعتها وكلمتها وفهمتها قلت يا حبيبي يا ام ساره ان لقيتيني مالى مزاج او ياي من برع وساكت او عصبت عليج بلا سبب سكتي عنى لو عشر دقائق والله بنفسي بييج بقوللج انا اسف ، وتفهم لاكن يوم يومين وبعدين ترد مثل ما كانت. المشكلة تخيلو يا ناس اذا اطرش لها مسج شي بيني وبينها تقوم تخبر حريم اخوانها ولا تراويهم المسج وحتى لما طلعت من البيت كل المسجات له طرشتلها تراوي اهلها بالتلفون . بتقولون انت كيف عرفت طيب لما كلمت اخوها هو يقوللي انت عذبتها وانت اعترفت وكتبت وكتبت جذي جذي بالحرف الواحد. وام تسعى حد غيرها يحل لها مشكلتها حتى على مستوى تراضى . دئما تاخذ قرارات من جهة العلياء الا هم اهلها . لدرجه سالتها من غير ما تحس عن اخوانها وحياتهم تخيلو اتقول انا شفت زوجة اخى زعلانه كانت وايد على اخي قلت طيب شو الموضوع ليش زعلانين ردت عليه ابصراحه سالتها بس قالت لا عادي مافي شي. قلت شفتي افهمى هم ما يشاركونج بشي بس انتي مكرفون من يسالونج على طول قلتي كل شي. افهمي تعلمى منهم اسرار الزوجيه تكون بين الزوج والزوجه الا في حاله وحده اذا تفح الكيل ، او الحبيب طاش البيت بطراق وطالع بطراق اوك لج حق . المهم تنازلت وتاسفت لان فكرت في بيتي بناتي وام ساره احس مافيها عقل ما تفكر على مدى جدام فا ابد ما قلت شي وتاسفت وترجييت وحاولت لاكن مافي فائده ما اعرف الله شو كاتبلي. وانا متاكد ما راح تحس هى شو سوت. امام القاضي قالت وايد اشياء وسالها قاضي معقوله ما حصل ابد شي منج سكتت بس الحمدالله شو اسوي القانون عندنا في الامارات في حق الحرمه في كل شي. فقط قاللي كلمة قاضي بوساره هي تبا خلع ونحنا ما نقدر نجبر احد ، هل بتوافق عليه خلع طبعا قلت لا قلت يمكن تهدا . الحمدالله على كل حال.
27-08-2012, 06:42 PM
ضوابط المشاركة
العرض العادي
