أخي بو مريم الله يجزاك خير
حاليا ما افكر بالزواج عن طريق لجان
بس بعد سنتين إذا حسيت أن العمر بدا يمضي وفرصي قلت
أروح للجان الزواج

الرفض غالبا بالبداية يعني حتي امي ما زارتهم أصلاً
ومرات الرفض يكون بعد الزيارة الأولي لامي وحتي أن امي ما تشوف البنت أصلاً بحجة مستحيه

ونتصل عليهم يقولوا ما في نصيب
ودائما علي هذا الحال

مافي وحده ناقشتنا بأي شئ نهائي

انا عمري 25 ومسجله بموقع زواج والشكوى لله
ابدا مافي رجال كامل بهالمواقع
يامسيار او متزوجين اثنين وثلاثه
الله يكرمني ويكرمك ياخوي والله حاسه بحالتك
انا كل يوم ابكي وبجد حالتي تأزمت
بس الحمدلله ماوصل للرهاب لاني متقربه لربي وحافظه القران ولله الحمد
والحمدلله اني عاقله وفاهمه الدنيا كويس
لاتتوقع كل الي يسجلوا بموقع زواج بنات مو محترمات
الحمدلله متخرجه بتخصص شريعه اسلاميه
ومن قبيله معروفه وكبيره بالسعوديه
ودين واخلاق وجمال
لكن النصيب
ويارب يرزقنا ويرزقك اخوي

انا اخطب صار لي 5 الي 6 سنوات وانا علي هالحال
والحمد لله علي كل حال

بنت تخاف ربها والله مقدر حالتك والله يجزاك خير

وادري ان في بنات مسجلين بمواقع وهم قمه بالجمال والاخلاق علي راسي والله

اتوقع السبب ان المميزين العين تكون عليهم فما يتوفقوا ان شاءالله ينتقم من الحسود والظالم

نصيحتي استمر على صلاة الوتر ومتاكده حترتاح
ولا تستلم للرهاب
عالج نفسسسسك ولا تخلي اي بنت بالعالم تكسرك عشان رفض
انت رجال والف بنت تتمناك
والرجال مايعيبه شي
حاول تدخل لمواقع مفيده بالانترنت
وثقف نفسك اكثر
ترا الدنيا مو بس زواج
{ وماخلقت الجن والانس الا ليعبدون }
مابقولك الزواج مو مهم
بالعكس انا اتمناه اكثر منك
بس تراها مو اخر الدنيا اذا ماتزوجنا
وكمان انت تقول تبغى اي بنت وماتتشرط ؟؟؟ ليه ياخوووي حتصوم وتصوم وتفطر على بصل هههههه
انا لو وصل عمري خمسين ماتنازل عن شروطي
ان يكون رجل يخاف الله وعازب
ولو وصل عمري المليون ماتنازل
خليك قوي وصارم وتمسك بقرارك
واقرا كتب مفيده او مضحكه غير جوك
نوع من اصدقائك
سافر للخارح
يابختك انت رجال مو مثلي حبسه بالبيت
اقرا كتاب رجال من المريخ ونساء من الزهره
وكتاب كخه يابابا
ممممممرا حلووو
ثقف نفسك عشان لما يجي وقت الزواج تكون مستعد معنويا وكل شي

بنت تخاف ربها جزاكي الله خير

انا ولله الحمد مو كاسرتني بنت ولا شي
الموضوع ابي الستر
الغريب الشباب الصايع اللي يسافر ويقترف الكبائر لما يرجعون الغالب يرحب فيهم ومتزوجين الله يهنيهم
والمحترم محد معطيه وجه
يعني اصيع علشان يرضون عني !!

وبخصوص الكتاب مار علي وهو مناسب للمرأه للتعامل مع زوجها

ولا توصين انا مثقف نفسي علي الاخر بجميع المواضيع

وبالي وسيع واتكيف بسرعه

لا بالعكس الشاب المحترم مرغوب
والشاب الي سفراته كثير ابدا مو مرغوب
انا رفضت ولد خالتي رغم انه كامل
لكن للاسف كثير السفر ولمناطق مشبوهه
لاتدخل هالفكره براسك
وكل شي نصيب
وترا الكتب تناسب الرجال كمان
ع العموم سامحني ع الازعاج
ويارب يوفقك اخوي 

الله يجزاك خير يا اختي
الشباب اللي حولي وهم كثير صايعين والكل يدري ويقولون عادي شاب يتزوج ويعقل

وكلهم متزوجين ويتشرطون بعد

خليها علي الله يا اختي

الله يرزقك الزوجه الصالحه اخوي
المهم لاتتأثر نفسيتك عشان عرس لاحق علئ وجع الراس
وبعدين عمرك ثلاثين جدا مناسب ..اساسا اللي بالعشرينات يعتبر صغير
اجل وش خليت للي يخطبون اذا وصلت اعمارهم الاربعين

المهم وانا اخوك لاتستعجل علئ الهم و ابعد عن راسك فكرة ان الصايع هو المطلوب بالعكس الصايع يأخذ اللي مثله من مستواه

الله يوفقك بالزوجه الصالحه اللي تسعدك وتقدرك والذريه الصالحه يارب