مرحبا روح ..اعذريني ما قريت أغلب الردود فجوابي راح يكون على موضوعك الأساسي بس بدون نقاش وضعك أنتِ بس بقولك عن نفسي خاصة أن شخصية زوجي عكس شخصية زوجك .

أحس موضوع التطنيش عندنا مثل لعبة شد الحبل ... لما اطنش يتحسن معي ويلين بدون ما نناقش الموضوع أو نتخذ قرارات .. يلين بمعاملته لمجرد التطنيش
ولو رخيت الحبل بزيادة يرجع يصير قاسي ومتعب وهذا الشد والجذب ياخذ ساعات أو دقايق مرات وممكن أياااام
أمر متعب الصراحه وكأنك في حلبة مصارعه .

الله يديم المودة بينك وبين زوجك ... ترى فيه خير كثير بالرغم من عيوب شخصيته اللي تعرفينها

واللي نعرفه أحسن من اللي منعرفوش <<< معلش مواصله سهر من أمس

__________________

وهل تـفكر مجرد تـفكير ان تـتـجرأ وتطنشني ؟!

يعني بالكثير اطنشني لمدة اسبوع واحد فقط

هلا روح الطير يالغالية هناك شئ إسمه برود أعصاب بردي أعصابك وطنشي وخلي زوجك يهذر إلين يخلص كل إللي في جعبته خليه وطنشي لا تعصبين وتنرفزين اعتبريه يسولف ويصارخ على واحد ثاني وانتي بس تسمعين من هنا وطلعي من هنا والله إن أسلوب التطنيش مفيد في بعض المواقف شوفي ترى غالبية الرجال هم كذا يعصبون ويرتفع ضغطهم لما يروحون المشاوير والأسواق لأن أكثرهم ما يحبون اللفلفة بالأسواق والوقفات بالشوارع بين الزحمة والإنتظار عند الإشارات وزاد خلص عليهم نظام جننهم ساهر صار الواحد مايطلع إلا وهو يترقب وراك ياساهر بأي شارع واقف هذا غير اللي يطلع قدامهم بسيارته واللي يزاحمهم بالطريق فتلاقين الواحد يطفش ويعصب ويرد حرته في جنبه سوى زوجة او اولاد وعذره بعدين الزحمة ومسافة الطريق والإشارات وكمان حنى كزوجات لابد من إنه نتحمل شوي من تصرفاتهم مادام إنهم يحسون بغلطهم ويعتذرون لنا في الحياة هي كذا أخذ وعطاء اهم شئ إنه أنتي لا تعصبين وترفعين ضغطك اول شئ علشان صحتك وثاني شئ علشان اللي ببطنك وثالث شئ علشان ماتكبر المشكلة بينكم وصدقيني لو طنشتيه وسويتي نفسك ماتهمك حركاته وكلامه كان ماتمادى ليش لأنه بيتعب وبيشوفك مطنشته ولاهمك وش قال وراح يرجع لصوابه لاكن شكلك أنتي معودتيه على كذا هو يستفزك ويطيل بإستفزازك وأنتي ماتقدرين تقاومين لنهاية تنهارين في اللحظات الأخيرة لاا اصبري وطنشي واشغلي تفكيرك بأي شئ

بالنسبة لتطنيش يعني تقصدين وقت المشكلة ولا تطنيش على طول يعني تقاطعينه
إذا كان وقت المشكلة تطنيشك إن شاء الله راح يفيدك ويعلمه درس مايكرر اللي يسويه معاك أما تطنيش على طول الصراحة أنصحك أنتي وغيرك من الأخوات المتزوجات إنهم يبتعدون عنه لأنه له أثار سلبية على الحياة الزوجية في المدى القصير والطويل ويولد الجفاء بين الزوجين تطنش ممكن ساعة ساعتين ثلاث حتى تفكر بالمشكلة وتعيد حساباتك في وقائع المشكلة وتشوف إيش هو اساس المشكلة والإختلاف وبعد ماتهدى الأمور تناقش المشكلة مع الطرف الآخر بكل هدوء
وطبعا أي زوج او زوجة عاقلين ومتفهمين ومتعودين على اللي يصير بينهم وإنه المخطئ فيهم يعيد حساباته ويعتذر لطرف الآخر هذا حالهم يعني فترة التطنيش ماتكون لإسترداد ملفات الخلافات القديمة اللي بينهم ومقارنتها مع خلافهم ومشكلتهم الحاصلة لأن هذا تدمير لبيت الزوجية فلابد ان نذكر محاسن الطرف الآخر ومواقفه الجميلة في حياتنا وما ناخذ الزلة ونحسبها بحقه وننسى جمايله وحسن صنيعه في ما مضى ومافيه أحد كامل إلا وجه الله الكريم كلنا فينا عيوب ونغلط في أشياء وتصرفات في لحظات ضعف يتمكن منا فيها الشيطان وأعوانه وينغصون علينا حياتنا لأن هذا السبب اللي موجود إبليس واعوانه علشانه همهم خراب بيوت المسلمين وفي لحظة غضب يفرح فيها الشيطان وتكون مدخل له يفرق فيها بين زوجين ويشتت شمل اسرة
حمانا الله وإياكم من شر الشيطان واعوانه
بالنسبة لأختك في الله احب اطنش وقت المشكلة فقط بعد ماتهدى الأمور بيننا أتعامل معاه برسمية سؤال وجواب فقط حتى هو يحس بمعاملتي له بهذا الأسلوب يرجع يعتذر لي وإن كنت أنا غلطانه عليه فاعتذر له لو طنشنا بعض مثلا هو يروح يجلس في سيارته ساعة وانا بغرفتي وعقبها يجي يرسل احد من العيال يقول يبغى قهوة او شاي المهم يدور حجة يصلح فيها الأمور وإن كنت انا غلطانه ارسل عليه إن كان يبغى شئ عاد هو إنسان متسامح لأبعد الحدود الله يجزاه خير مايحب نطول بالزعل والحمدالله رب العالمين نادرا مانختلف على شئ وخلافتنا تكون أغلبها علشان الأولاد وطرق تربيتهم هو يعتبرني شديدة عليهم في تربيتي وحازمة وعصبية بعض الأوقات عليهم وانا اشوفه إنه متساهل معاهم في أمور من وجهة نظري أشوف إنه يفترض يكون شديد عليهم فيها فلما أشوف تساهله معاهم وعدم إهتمامه أرجع الغلط عليه وكلمة مني وكلمة منه حتى تكبر السالفة بيننا
بالنسبة للعصبية ترى زوجي فيه نزعه من هالنوع بعض الأوقات يعصب وزادت مع السكر وبعض الأوقات لو رحنا مشوار لسوق او أي مكان طول الطريق وهو يصارخ عاد لو ضربت السيارة في مطب ولا حفرة يحط حرته في وزارة الطرق ولا لو أعطاه ساهر صورة تذكارية هههههه الله يخلف على مدير شركة ساهر واللي أخترعه عاد خلاص حنى تعودنا على هالسالفة لوطلع رايق ومبسوط يسولف ويضحك عادي إلين يصير له موقف يعفس حاله ينقلب 180 درجة بس عقب مايفرغ اللي في جعبته من شحن يصفى الجو ويزين ويصير كلامه وسوالفه عسل ويسال وش فيكم ساكتين ماتسولفون اقول له منتظرين الفلم يخلص علشان نعلق الحين صرت لو بروح معاه مشوار صرت عندي له دبره من عند البيت لما نركب السيارة أفتح له أي موضوع او أي سالفة واجلس أهذر على راسه إلين نوصل للمكان اللي نبيه عاد هو ينسجم بالقصص والسوالف لدرجة احيان يضيع المكان اللي طالعين له ونرجع ندور عليه والحمدالله نفعت هالطريقة معاه عاد الله يعينك طولت عليك بس تطنيش شهر شهرين حتى اسبوع اشوفه إنتحار للحياة الزوجية بالنسبة لي والرسول عليه الصلاة والسلام أوصانا إنه مانهجر إخواننا ل 3 أيام فما بالك بزوجك أبو اولادك ونصفك الثاني والله صعبة إختناق خصوصا إللي متعلقة في زوجها وماعندها غيره ومتعلقة فيه مالها ونيس إلا هو تسولف معاه وتاكل وتجلس معاه والله صعبه مرة لاكن الحل الوسط هو الجلوس والتفاهم والنقاش وحل المشكله وطيها ورميها في سلة المهملات ونسيانها أما تطنيش شهر شهرين وين قلبها هاذي الحرمة ووين قلبه هالرجل معقوله مافيه رحمة ولا فيه ذكرى لساعة من الود والصفاء بينهم .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ساعة أو ساعتين، أقصى حد يوم.

يا احليلكم
والله من كثر المشاكل نرضي بالشعر ايام معدووده لا تتعدي خمس ايام اقول فيه ناس مثلي كذا ولا انا لحالي
من كثر الزعل ارمضان هاذا يمكن خمس ايام تراضينا وباقي الشهر زعلانين 😢

بصراحه مااطول بالزعل على طول ارضى
حتى لو كان الزعل قوي سبحان الله طليقي مثلي نفس الطباع
إذا جاء بينا زعل يسوي حركه حلوه يناظرني كثير وانا رايحه وجايه لين يخليني اضحك ونفس الشي هو يضحك واتسامح منه
اما زوجي إذا زعلني وشافني ارضى بسرعه يقول سبحان الله انتي غريبه
يبغاني اكون مثله زعلانه على مدار الساعه الله يعييييين

__________________
《اللهم استودعتك أطفالي الذي لا تضيع ودائعه》

شفت اسمك انبسطت لي فترة طويلة من المنتدى اشتقت ﻻاركانه واعضائة بحثت عن القدامى فلم اجد غيرك... ﻻزلتي تحتفظين بتلقائيتك المعهوده وروحك الطيبة..وبالنسبة لزوجك ياستي كويس انك تفشي خلقك فيه ويستحملك غيرك بيﻻقي نكد ومابيقدر يقول شي شوفي الجانب المشرق^^

__________________
للتنبية: ترى المعرف بيني وبين صديقتي فلاتستغربون اختلاف المشاركات

لزم ميكون التطنش مدتن طويله حتا ما تصير هناك مشكله كبيره

الله يهدي بالكم بس لازم توجدو طريقة اجمل تملو الفراغ الي عندك
و بصرحا انتو بضحكو بس الله يبعد عنكم ولاد الحرام