الله يعينك ويهديكم لبعض ان شاء الله ،، عندي لك فكرتين اول وحده تحاولي مع الوالد تجيه على الوتر الحساس لا تذكري زوجك خلي الكلام من بنت لابوها و لازم يشوف دموعك وقولي له عشاني انا مافي لي خاطر ؟ رجعني لبيتي مو لزوجي انا ابغي ارجع بيتي مشتاقة لبيتي ...

ثاني فكرة ،، انك تدعين ان عندك شغله او شي مهم محتاجه تجيبيها من بيت زوجك وتصرين على انك محتاجتها ولاززم تروحين تاخذينها و تكوني شايلة موضوع زوجك لحتى ما يحسوا ان عشانه ! ،، اذا وصلتي خلاص تقعدين مكانك ..

والدك الله يهديه واخوك ايضا وعمك ،، مفترض يكونوا محضر خير لك ولزوجك .. ودام يحترمونه ويعتبروه كولد من اولادهم فاذن مافي حواجز واعتذارات طويلة عريضة وسبب المشكلة كلش ما يسوى .. حاولي تفهمين والدك هالنقطه ايضا من الناحية الشرعية اذا قدرتي تدخلي شيخ بالموضوع لحتى يكلم الوالد لان راي الشرع بهالموضوع مهم ..

ما قصروا الاخوان ،،
عليك اولا بالدعاء والصدقه والاستغفار ،،

ثانيا اقتراح مهره معقول جدا ،، وطبيعي يصير احتداد
بينك وبين اهلك وقتها ،، بعض المشاكل لا تحلها الا مشاكل اخرى ،،

بنفس الوقت احس مؤلم لوحده تطلع بدون شور أبوها وتكسر كلمته وتزعله : (
دعواتي لك ،،،

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

ربي يسعدكم ما قصرتو

هذي المشكلة يا قلبي اعماق ابي ارجع بيتي وكل الطرفين راضي

ومابي اكسر كلمة بابا في الاخير هو بابا اغلى من اي شي

الله المستعان من بعض اﻷهل بدل ما يكونو محضر خير و صلاح صار العكس يا اختي حاولي و اسعي في اﻷمر والله لو صار ما صار ما احد راح ينفعك اعرف ناس اقاربي الله يهديهم نفس موضوعك صار في عناد و تدخل من اهل البنت والمشكلة انهم رافضين ترجع لزوجها في نهاية الامر صار طلاق بينهم ويوجد اربعة اطفال بينهم الي صار بعد الطلاق اول انها ندمانه وما راح ينفع شي الاطفال جاتهم نفسية من اخوالهم و جدانهم صار اهمال وضرب و عدم احترام ﻷختهم بعد طلاقها في النهاية والله تبهذلت مسكينة فأنا ما ابغا هذا الموضوع يصير عليك الله يهدي اهلك و يكونو محضر خير يارب

__________________

كلام همي صح وكلهم يعاندو بعض

مثلا كلمت بابا ودمعتي نزلت قدامه قال لي بكلمه ورفع جواله قدامي واتصل مرتين ما رد ثالث مرة قفل في وجهه قال لي ها شفتي هو الي ما يبغى الصلح دخلت الواتسب لقيته متصل اكلمه اترجاه يرد على بابا ما رد علي

يا سلام عليك

__________________
## مهم ##
هل تتعرضين للابتزاز في الانترنت؟


هنا من ينقذك

وهو جاي ياخذ البنات اركبي معاه السياره وخلاص صغريها و تصغر

__________________

وربي دمي كل ما يفور بزيادة 7 شهور وانا تعبانة وماني قادرة اكل ولا انام زي الناس وافكر كيف ارجع لزوجي وشايلة هموم الدنيا
وزوجي مرة مو مفكر فيا كل شوية ينزل صور في الواتس وهو مع اصحابه في ابها ولا الشرقية قاعد يتمشى ومبسوط ولا عليه فيا
تجيني افكار انه نسيني وما صرت اهمه كل ما افكر انه يمكن بطلقني يزيد همي ونفسيتي تتعب زيادة وانا الصراحة مالي الا المنتدى هذا اطلع الي في قلبي وربي اسفة كلامي كثير معكم ومزعجتكم

الله يعينك حبيبتي ..
ومن ناحية الصور في الواتس بيقهرك وببين لك انك ماهمتية وهو العكس
وهدا درس لك اسرارك ماتطلع يابنت انا تطلقت وانضربت ولا احد من اهلي يعرف
وعمك لو يحبك ويعتبرك بنته يتدخل بالصلح
وحاولي تكلمي امك تتفاهم مع ابوكي
لازم انتي ترجعي لان مااتوقع زوجك بيرجعك لانه انهان بما فيه الكفاية ..
الله يسهل امورك يارب

دلوعة حبيبتي..

أنا عارفة انج حاسة بغلطتج .. وودج تحلين الموضوع اليوم قبل بكرة.

وعارفة ان فترة سبع شهور فترة طويلة .. وانتي استويتي خلاص.

لكن الله يرضى عليج لا تقعدين تحورين الأمور في راسج .. وتفسرينها بطريقة غلط .. ولا تلتمسين أعذار لأهلج.

زوجج هو الضحية هنا مب انتي .. وأي سلوك يعمله حالياً هو رد فعل .. وشكل من أشكال العقاب.


زوجج يبالغ في موقفه؟

الله أعلم .. وأنا شخصياً ما سألتج شو المشكلة الأخيرة اللي حصلت لأن يكفيني انج معترفة انج انتي السبب وانتي اللي كبرتي الموضوع .. لكن في نفس الوقت إنتي بس اللي تعرفين شكثر زوجج تحمل وشو هي المشاكل السابقة اللي كان صابر عليها طول الست سنوات واللي خلته ينفجر الحين.


أما إنه عايش حياته ومبسوط ومب مفتكر فيج .. فهذه وسوسة الشيطان اللي يحاول يقنعج إنه زوجج ظالم ويبا يقهرج .... والحقيقة الله أعلم فيها ومحد يقدر يجزم بمشاعره .. لكن اللي أرجحه إنه لو كان بايع فعلاً كان طلق من زمان .. وما في شي يضطره يعلقج كل هالفترة .. خاصةً أنه بشهادتج رجل والنعم فيه.



المفاضلة بين الزوج والأهل صعبة .. أنا فاهمة هالشي.

لكن الحق حق .. واحنا نتكلم عن حياة زوجية ممكن يدمرها العناد والمكابرة .. ولو في طرف المفروض يتنازل فهم انتي وأهلج.

ومثل ما قالت عذوبة مطر .. حق الزوج مقدم على حق الأهل .. فكيف إن كان الغلط منكم أساساً؟!

محد يقول لج اخسري أهلج .. لكن انتي نيتج الإصلاح والحفاظ على حياتج الزوجية وعلى رجل تعترفين انه زين ومكرمج ومعززج .. وما دام أهلج يعرقلون تحقيق هذا الهدف فالأولى أن تسعين له بنفسج.

روحي لابوج وحبي راسه وايده وريوله .. قولي له: ادري انك تحبني وانت تسوا عندي كل شي .. لكني ما اريد أخسر هذا الرجل .. ولا أبا بناتي يتشتتون.


الحل بيدج حبيبتي .. بس بصراحة السالفة ما تحتمل دلع زيادة .. يعني لازم تقوين نفسج شوي ويمكن تكون هذه هي الفرصة اللي تتعلمين فيها كيف تحلين أمورج بنفسج بدون الاعتماد على ابوج أو عمج.


وقبل كل شي صلي ركعتين واستخيري ربج وادعي انه يلهمج التصرف الصحيح.

__________________


اللهم طِيبَ الأثر .. وحُسْنَ الرحيل.