أختي الفاضلة لا تقولي كذا والله اني احب بناتها لها بشهادتها وشهادة أخواتي
أقولك كلام امي يابنتي تخسرين بيتك وعيالك وبناتك العرائس
قولي مين يتقدم لهن وهو سامع بفضائح هذه والله يابنتي يقولون الناس لو فيها خير استرت على زوجها ابو عيالها وبناتها
يابنتي انتي قوية ومانقصك شيء أنسفيه وراء ظهرك والله انتي بخير مانتي محتاجه بس سمعتك الان من سمعته يابنتي اقل شيء انتظرني لما تزوجين بناتك وبعدين لكل حادثة حديث يمكن الرجل يتغير وإلا اذا تقاعد يفارقهم الأصحاب هذا يابنتي لا تهدمي بيتك يابنتي انا ابي مصلحتك انا ممكن أقولك تطلقي وأستفيد من قربك لان قربك كل خير لكن انا اريد مصلحتك وكلام كثير هذا كلام امي لي

كمان أزيدكم من الشعر بيت تقول امي لو تشوفينه بعينك مالك فيه كود ترجميه وتتركه لله مانتي أقوي عليه من الله يابنتي انتقام الله لعبده خير من انتقام العبد

امي امي امي لو تطلب عيوني أعطيها امي مهما أسوي جزأها مالحقه امي ام وأب لي كيف اكسب غضبها وهو تترجاني ماهددددم بيتي

يا اختي ومن قال افضحيه مو شرط انك تخبري الناس بسبب طلاقك ..اصلاً الناس

ايش دخلهم بحياتك تبرري لهم اسبابك ؟ الطلاق له مليووون سبب ..

معك في برك بأمك ولا احد قال غير كذا لكن في امر الزنا مستحيييل انت المتضرر الاول ...

طيب جربتي تفرجيه على مقاطع المصابين بالايدز والامراض الاخرى اللي تنتقل بالزنا

يا اختي والله ماني قادرة اتخيل تسلمينه جسدك وانت متأكده من افعاله كيف قدرتي ؟؟

الله يهديه ويرجع لصوابه والحمدلله الذي عافانا مما ابتلاهم به وفضلنا على كثييرٍممن

خلق تفضيلاً ...

اذا مافي امل تتركيه او تنفصلي عنه لو جسدياً فقط ، فعليك بذل مابوسعك لاصلاحه
باذن الله وعودته افضل مما كان وذلك بالتوسل الى الله ان يمدك بعون من عنده سبحانه
ثم الاستعانة بمن تثقين فيه من اهل الصلاح والتقى لنصحه وتنبيهه على خطر ماهو عليه

والله يعينك ويفرج همك ويعظم لك الجزااااء ويهدي زوجك ويحسن خاتمته

__________________
lk

أختي الفاضلة
اصبر وما صبرك الا بالله ثقي بالله لن يخذلني
مابي اتخذ قرار الان الان سوف يتقاعد وهو الإنس حقهم مربوط بزملاء العمل والله في سمائه لو استمر ان شاء الله كلهم في السجن بس نصبر وتشوف النهاية
تخيلي صلاة الفجر بالمسجد محافظ لدرجة يوم الجمعة قبل الصلاة بساعة يروح للمسجد
مرة حلم حلم انه يسأله زميله سؤال ويش الصلاة اللى ما نستفيد منها ؟؟!! في حلم مايعرف الإجابة
انا اتصلت على شيخ مفسر الأحلام أساس انا صاحبة الحلم تدرين ويش قال لي ً!!؟؟
اول كلمة قالها لي اتقي الله في نفسك انتي تسوي شيء يغضب الله وصلاتك ماتستفيدين منها
قلت له هذه ماهو حلمي هذا حلم زوجي قال قوليه يكلمني او يتق الله في نفسه قلت له تفسير ابيه يفوق لنفسه سبحان الله أخذته العزة بالإثم هذا للعظة والعبرة يا رجال وسبحان الله كنت أتسأل في نفسي وين صلاته طيب يقولون الصلاة تنهي عن الفحشاء والمنكر عرفت الإجابة الان
يارب تعفوا عني لكن يشهد الله اني ذكرت حلمه من باب العظة والعبرة فاعتبروا يا أولي الألباب

بسألك اختي هل سألتي رجال الدين عن حكم بقائك مع زوج زاني مصر على عمله ؟؟؟؟

والسؤال موجه لكل الاخوات

__________________
lk

أختي الفاضلة
اغلبهم يأمرون بالستر والصبر من باب الستر على أخيك المسلم فكيف زوجك وأبو عيالك

يعني لو بطل و تاب لقلنا نزوة
لكن مستمر و مصر و لم يحتر م سنه أو يعتبر من الشيب الي يغزو شعره

أي قلب هدا الي باقي علي عهد لم يصنه

يخون بفلوسك و تقولي أحبه
هدا مو حب هدا دل و مهانة لا تليق بمن وصلت لما وصلتي له

__________________

(انما يوفي الصابرون اجرهم بغير حساب )

أختي الفاضلة
انا ارتقيت بكل ماوصلت اليه بفضل الله ثم بفضل هذا الرجل الذي هو الان زاني للأسف الشديد
اذا الله قال في كتابه لا تنسوا الفضل بينكم
ربما هذا ذل ومهانة لأي عاشقة عندما تذل قلبها لمن طعن هذا القلب ولكن هذا ذل ومهانة من سنين ترعرع وتعشش من سنين صعب أزلته بسهولة ولكن ليس هناك امر مستحيلا على الله فالقلب بين يدي مقلوب القلوب
لا أنكر انني كرهت سلوكه ولكن هناك حنين لماضي جميل
ولا تظني ان نجاحي بمفردي بل كنت استمد إنجاحي من حبه وحنانه معي طوال السنين الماضية لن أنكر انه كان مساند لي لن أنكر انه وقف بجانبي لن أنكر انه كان ومازال حبي الاول والأخير

قلبي سر معاناتي ما ذكرتي كيف تأكد تي انه يزني
هل شفتي صور او ميساجات ....... كيف تأكد تي
رغبتك في الستر و البقاء و سماع رأي أمك احترمها لكن أخالفك الرأي
لسبب انه مازال حسب قولك يمارس الفاحشة
لسبب انه رزق بناتك على الله و ممكن ذنوب أبوهم تطول كل البيت
لسبب انك لو طلقتيه تصبح سمعته له وحده و لا دخل لسمعتك معه و تبقي انتي الطاهرة
و كذالك انتي مش رح تفضحيه لو تركتيه يعني نصيب و خلص
و كذلك خليه بعيد و لما يتوب توبة نصوح و بعهود و اثباتات ارجعيله
و أين الحزم هنا؟؟؟؟؟؟ أين انت من إجباره على ترك اصحاب السوء و الرذيلة اذا كان فعلا يحبك و يغليك
نعم لا تنسي الفضل بينكم كان تستري عليه لكن لن يشفع له في استمرار الخيانة
بالله عليك هل لو المراة زانية و مصرة و تتبعل لزوجها و تساعده لكن تصر على الخيانة هل يبقى معها يوم واحد هل يكسر عظامها هل ينتضر لين يتزوجو بناته هل يسمع كلام أمه .....

معليه عزيزتي

الفضل في نجاحك بالعمل لا يعود الى زوجك ..

اللي مثل زوجك ..
يدفع زوجته للنجاح .. حتى يتفرغ لنفسه و الرذيلة

نحن ما قلنا خذي ضمانات فلوس ..

انت تبرري لنفسك ( ضعفك امام زوجك ) ..
و تضعي حجج مالها داعي ..

لانه قلبك متعلق به ..

.
.

قلنا لك ضمانات .. يعني شروط تدخله السجن ..
شروط تخليه يخاف ..

من لم يزع بالقران .. يزع بالسلطان .. يعني قانون و هيءة و شرطة ..
عالاقل دقي عالهيئة .. و بلغي عنه ..

.
.

و لو تبغي تستمري معاه ..

لا تعتقدي انك كذا تساعدي زوجك عالصلاح و الهداية
هذا قمة الضعف و الذل ..

.
.

اسحبي كل شي من يده .. و من تحت رجوله ..
لو فعلا تخافي عليه و تحبيه ..

القسوة مرات تصحي القلوب الميتة ..

أختي روح الطير
سحبت بسطات كثيراً أولها المادة اللي هزته كثيراً الدنيا ساطحها قلبه يبي فلوروس مافي
اولا كنت ما خليه يتدين من احد لآني انا أعطيه من عندي بدون مقابل الان مافي
صار عند زملائه السفلة معروف عندهم بس يتدين ؟؟!؟
وتطور امر معهم يسألون ليش المدام ما تعطيك ؟!؟!
والله لو يلف الارض ما يلقي مثلي انا الان أتفرج عليه وهو بالمادة بطق قهر الحمد لله انا مبسوطة من ناحية المادة اللي أبيه اشتريه وهو من فقر الى فقر الله يزيده
ترى خسر مكانته عندي وشلال العطاء خلاص انتهي
حتى اول كنت اطبخ له الذبائح بالبيت الان مافي طباخ وفلوس تدفع مافي توفير الاقتصاد حق زمان راح مع ساقطاته والله السيارة اللى كان يتمناها ل اشتريها وسائقي عندي ويحلم يركبها هو وأشكاله
كل واحدة تعرف لزوجها وانا اعرف ويش يقهره اصبري المادة وبس هي اللى تحطمه هذا اللى اقدر عليه