حتى لو طلع الصك .... وراجع المحكمة بشهود ان رجعك بدون علمك فلن يحسب الطلاق حتى لو ولدتي.
لأن أغلبهم يسوونها تأديب للزوجة ويرجع بعد شهووووووور ومعه شهود ان ما بينكم طلقة ورجعك قبل انتهاء العدة

فخليه يراجع حساباته

الله يفرج همك ويهدي زوجك ويسخره لك
حاسه فيك أنصحك حاليا قوي قلبك واهتمي بصحتك وصحة الجنين
واستغلي وقتك بالاستغفار وقيام الليل وسورة البقره وكلي أمرك لله وحده
وصدقيني ربي لو كاتب لك ترجعين راح ترجعين غصب عن الكل
ولاتنسين الاستخاره

شوفي أختي مايحس بالنار إلا رجل واطيها
ماعليك من الناس الرد اللي بصالحك خذيه واللي يضرك ويضر نفسيتك اتركيه


اللي يعيش وضعك ماراح يسوي اللي سويتيه معهم
انتِ سويتي اشياء وصبرتي ع اشياء المفروض هم
يحطونك ع روسهم احترام وتقدير للي تسوينه
لكن للأسف الطيب احيانا ان لم يكن غالبا ينداس عليه



أختي خليك قوية و اهتمي فقط بنفسك والجنين
وطالما شايفه انك ماقصرتي معه ولا معهم
اتركيهم كلهم ولا تناقشي احد

خليه يعرف انك استغنيتي و قادره انك تعيشي حياتك
اصرفي اهتمامك لله تعالى فقط ثم لصحتك والجنين

وبيعوضك ربي خير منهم سواء بصلاحهم او بأفضل منهم

__________________
حسبي الله ونعم الوكيل

ياختي وكلي امرك لله توكلي ع الله وقولي حسبي الله ونعم الوكيل
انا تقريبا نفس حكايتك بس انا لو تسمعين سالفتي تبكين دمم تستغربين كيف انا عايشه بعقلي بعد اللي سواه فيني اتوقع شخصيتي كانت نفس شخصيتك قبل لا اعرف ربي حق معرفته
توقعت ان سعادتي معاه بس وهو اللي اذا تركني راح توقف الدنيا رغم الالم اللي سببه لي طليقي كنت احاول اصلح الوضع بينتا رغم انه تزوج تخيلي
بعدين توجهت لله وتقربت منه عرفت ان اللي يصير لي كله خيره من الله عز وجل عرفت ان الله يحبني وابتلاني ويبغاني ارد له ردا جميلا كنت ادخل النت واكتب فالبحث كيف ارضي زوجي .. ونسيت ان ابحث كيف ارضي ربي
عرفت ان الانسان اذا تعلق قلبه بغير الله اشقاه عرفت ان سعادتي وحياتي وتوفيقي ورزقي ومحيياي ومماتي بيد الله وعرفت ان لو اني قايدتله اصابعي العشر شموع و ربي كاتبلي انه يطلقني راح يطلقني تخيلي لدرجةة الناس كلهم زعلوو منه قاطعوه بحركته اللي سواها .. بس انا احس خلاص معادد يهمني معاد يعنيني اهم شي عندي الله ورضا الله ثم رضى امي الحمدلله ربي يخليها لي ورزقني برها انتي الان تذلين نفسك وتبكين وتفكرين وتتعبين تدرين انتي لمتى راح تعيشين لم تسوين هذا كله لبكره او بعده ! او بعد ساعات طيب وبكاك و ترجيك وتعبك !!!
خلي قلبك معلق بالله فقط خلي همك فهالدنيا رضى الله راح تعرفين طعم السعاده فعلاا
السعاده والله ثم والله مو مع البشررر السعاده مع الله والرزق وكل شي تحت تصريفه سبحانه وتعالى

وترا ربي اذا حب العبد ابتلاه واتتي الان في بلوه اذا تخيلي ايش افضل ربك يحبك ولا ادمي ضعيف يحبك

اسمعي هذا المقطع


طمني قلبك ياختي فسعادتك مع الله وحده مو مع طليقك

بعدين احمدي ربك عندك اب واخوان و عمان وخوال يوقفون معاك الله يخليهم لك
غيرك ماعنده .. بس الحمدلله عندي ربي راح ياخذ حقي منه ان شاءالله


" استغفر الله العظيم . استغفر الله واتوب اليه "

زينة الدنيا بارك الله فيك

الله يجازي كل ظالم بما يستحق
يارب كل مظلومه ارها ثأرها بعينها واشف صدرها عزا لها وذلا لظالمها يارب انك على كل شي قدير

طيب وش رأيكم انا بعد الطلاق بأسبوعين جلست استغفر ونمت وحلمت بحلم
والله ياعالم كلمت شيخ ماشاءالله عليه شاطر في التفسير لدرجة ماشاءالله من الرؤيا عرف انا في اي شهر حامل قلت وش عرفك قال من الرؤيا تبين لي
المهم تفسيره طلع رجوع لزوجك
عاد ماصدقت قلت متأكد هذي رؤيا ولا حديث نفس قال لا رؤيا

رحت كلمت مفسره قالت نفس الشئ رجوع لزوجك لأن كل رموز الحلم تدل على الرجوع برضه ماصدقت

رحت كلمت 4 شيوخ أقسم بالله كلهم قالو رجعه لزوجك وربي بيهدي زوجك ويرجعك لأن في الحلم زوجي كان يقرأ القرآن وقرأت القرآن في الحلم هداية وكمان قراءة القرآن في المنام تدل على صحة الرؤيا
لدرجة من كثر ماني يأسه الشيوخ يقولون لاتفقدين الأمل ويرجع لك زوجك قبل الولادة وتتذكرين كلامنا وتقولين الله يجزاك خير

صراحة لما أتذكر الرؤيا اتفائل بس لما أ طالع في الواقع ألقى العكس الموضوع معقد وزوجي أقسم بالله مايرجعني وكل ماكلمه أحد قال لا خلاص الي بينا انتهى ومابرجع
(قولو ماشاء الله تبارك الله )

وش أسوي والله حتى عمتي حلمت فيني وطلع تفسيره حلو وامي كمان نفس الشئ

ابوي أمس قلت له أني حلمت وطلع تفسيره كذا قال تفائلي

وانا بقضي لبنتك وأي شئ تبغينه بعطيك قلت هو ملزوم فيها قال ماعليك اذا جاء قال بشوف بنتي حاسبته من يوم جابك إلى الولادة قلت له واذا رجع قبل الولادة قال ترجعين قلت بشروط قال بخليك تتفاهمين انتي وياه

كنت أظن ابوي غلطان بتصرفه بس طلع هو الصح والرجال يفهمون لرجال وعلى قولة وحدة من الأخوات الي ردت على موضوعي خليه يتربى

حبيبتي
ان شاءالله يرجع
بس صدقيني حطي قدام عينك كل الاحتمالات عشان لا تنصدمين بعدين
انت بخير ونعمه ان رجع كان فيها
وان مارجع خيره
نصيحتي
ضعي للاستغفار لك نصيب يوميا
والصدقه يوميا
و الاستخاره يوميا
وربي يوفقك

اتركي التصرف لوالدك
ووكلي أمورك لربك وانسيه حتى الولادة وتتسهل بإذن الله

فقط نبهي والدك وأخوك عن تحديه باي عباره أو استفزازه لأنه طيب على قولتك وثقته بنفسه بسيطة
ويظن القوة بالعناد !