انا حاسه فيكي العصبي كثير الكلام متعب بشكل... لكن مستحييل انطق كلمة واحدة لما يعصب اصلا اخاف ماشاءالله عليك كيف تردي وكمان تقولي اخونك ...

اخونك .. كلمة قويه مرااا المفروض ماتنقال ابداا ...

ياحلوة لما يعصب امسسكي نفسك قد ماتقدري ... عارفه بعض الاحيان زوجي يعصب ويبربر ويغلط بالكلام .. اكون من جووا مقهورة وونفسي اقلب الدنيا .. لكن اقول في نفسي شو استفيد غير انو نتطاول على بعض ويقل الاحترام ... فالشي الوحيد الي اسويه اني استغفر ربي وقت مايعصب ... لما يشوفني سااكته ..يخجل من نفسو ويرجع يتأسف ... طبعا يتأسف بطريقتو يعني مستحيل يقول انا غلطان والمفروض مااعصب ....

ولازم تعرفي الفترات الي يعصب فيها عشان تتجنبيها .. ولاتعطي اهتمام للكلام الي ينقال وقت العصبيه ..

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

ترى ما ارفع صوتي عليه أبدا ولا اقط كلام يقلل من احترامه
يعني ارادده اقول له ان محتاجتك واقول له ليش انه سويت جذي وشنو كنت ابي منه
وهو يتنرفز زيادة!

عادة يوم السبت ينام الظهر في مكتبه لانه في هاليوم بالذات يرجع البيت الساعة 3 يبي ينام بو دقايق
ويقوم على طول يشتغل
بس جاني ونام عندي... شكرته
حاليا هو داخل كهفه مخليته براحته

فعلا الانسان العصبي يمرررض
وهم عصبي وهم يرفع صوته ويقط كلام
ومستحيل يقول انه غلطان لو تصير السماء بنفسجية

بتجنب اي مثيرات لعصبيته والله يسهل
دعواتكم...

اختصري طلباتك
وكوني واضحه معاه
زوجك نمطه عملي
بيعبر عن حبه لك بالعطاء والعمل وتوفير احتياجاتك
كوني عون له وساعديه
وحددي طلباتك وكوني واضحة معاه

__________________
انا لله وانا اليه راجعون

قلت له ابيك تداريني اذا متضايقة
تحن علي تحتويني

كان معصب وقال آسف ما اقدر
وهذي حدود قدرتي
انه اطلعج طلعات وناسة ما اطلع غيرج
حالياً المفروض انا بره البيت عندي كذا شغلة بس جيت
عشان اليوم عندج حفلة وما ابي نفسيتج تكون تعبانه ومع غيرج ما اسويها
اي شيء تبينه اجيبه بدون ما اناقشج فيه ومع غيرج ما اسويها
اروح لأهلج وحق اهل غيرج ما اروح
مفضلج بقلبي
اناقشج بمواضيع عامة امزح معاج الاطفج مع غيرج لا


قلت له ما يخصني غيري .. انه الحين وياك
اذا شفتني متضايقة كلمة لمسة منك تكفيني وتعدل مزاجي وتريح قلبي
قام يصارخ لا تحمليني فوق طاقتي!!!!!!!

ما اعرف شنو اللي فوق طاقته! الحضن والكلمة الحنونة وقت ضيقي فوق طاقته ؟!!!!

قلت له فيه زوجات يخونون ازواجهم عشان هالشيء
وانه اطلبه منك
تحب اخونك ؟؟؟

جيتي تكحّليها، عميتيها ! الله يهديكِ

هذا الرد يعتبر مستفز جداً وخط أحمر بين الزوجين

كأنك قاعدة تهددّيه وتعانديه ، واذا الحب والاحتواء ما جاء بالرضا والراحة، فبلاش منه ..

ولمّا قاعد يقول لك عن الأشياء اللي يسويها معاكِ بس،
كان يوضح لك غلاوتك عنده وإنك غير عن كل أحد..

كان منتظر منّك رد مثل " أعرف منت مقصر والله لا يحرمني منّك" " الله يخليك لي أعرف بتسوي أشياء كثير عشان ترضيني بس احتاج منك كذا وكذا..."

أمّا تردي عليه "ما لي في غيري" هو هنا بيُحبَط ويحس كل اللي بيسويه عشانك ضايع..

اشراقة ومتفائلة

مشكورين .. ما كنت منتبهة حق هالامور
قلتها له من باب ان ابيه يحس فيني ان الامر عندي حاجة ملحة

واذا على انه مو مقصر يا اشراقة في اغلب الامور اعرف انه يبذل جهدة
ودايماً اقول له من قدامه ووراه ان ما يقصر ولو يقدر سوى الاكثر
بس والله العظيم اذا تضايقت يكفيني لو يقول لي لا تتضايقن


ساعدوني شلون اتخلص من حساسيتي ؟؟
شلون افكر بعقلي مو بعاطفتي ؟؟

حسيتك مزودة الدلع شوي
انتبهي ﻻ تخسريه
وﻻ تقيدي حريته
واضح ماشاءالله انه بيحبك وشاريك
ﻻ تضيعيه من ايديك يا شاطره
زوجك كنز حافظي عليه
هو مشكلته العصبيه وعرفتي حلها
تعالي شوفي العاهه اللي عايش معي
خان
وتزوج
وظالم
ومايل مع الثانيه
ومقصر بكل حقوقنا
اوﻻده الناس هم اللي بيدرسوهم
ومقصر معي حتى باﻻكل والشرب
وﻻ سائل فيني وﻻ باوﻻده
اقاماتنا منتهيه من سنتين
قولي الحمد لله
عندك نعمه حافظي عليها

__________________
انا لله وانا اليه راجعون

مو قصدي ازود الدلع والله يا متفائلة
إلا فعلاً احس بتعب نفسي
عصبي وايد
وما يعرف يطبطب ولا يداري
وانا كأي امرأة اذا تضايقت ابي زوجي يكون قريب مني

الله يعينج يا متفائلة
ما اعرفج
بس دايماً اذكرج وادعي لج
الله يقضي حاجتج ويفرح قلبج

كم مرة كررتي كلمة أخونك !؟

اتصور 3 او 4 مرات
يعرفني ما اسويها ..
لكن ابيه يحس ان الامر عندي واصل حده