زين ماتعرفي تكوني مرنه وقويه...
رجالك يبغاك تحترميه وتكوني قويه ومستقله عاطفيا عنو
يبغى منك الاحترام والاهتمام بدون ألتصاق...
الحوار بينكم وجدالكم مع بعض عقيم
لا انتي اللي تفهميه ولا هو اللي يفهمك..
بكرا خليك هاديه لا ضعيفه ومستنيته ولا قويه وبايعته
ولا تناقشيه..
تعلمي كيف تتحاوري معاه
الرجال هنا بالمنتدى يساعدوك

__________________
(سيدة الموقف)
لم ننساك ونسأل الله ان تكوني أنتي وأولادك بخير

لا تجيبي سيرة الطلاق له أبداً لاتقولي براحتك ولا تقولي اعطني فرصة شهر ولا تجيبي سيره الناس وشماتتهم عشان عقله الباطن مايأيد فكرة إنه مابتتعدلي إلا بالتهديد بالطلاق ..

خليك ع الصامت وإشغلي نفسك بأي شي اهم شي لا تفتحي نقاش معاه لو تكلم معاك قولي الله يقدم لي ولك مافيه الخير فقط
وخليه يتكلم يطلع الي في قلبه وردودك كلها ادعيه فقط واذا طلب شي تعدليه قولي بإذن الله بدون إضافات

ولا تتكشخي ولا تنكسري حاولي تكوني طبيعيه تماماً وننتظر اخبار حلوه منك بكره

حبيبتي يعني بس قلك اكلة محددة معناتها ما عم يفكر بالطلاق بس مجرد تخويف
وهالشي كرمال بدو تتغيري وتكون حياتكن احلى
جاريه بالكلام وشوفي الفرق بين انك تسمعي كلامه مبدئيا ومع الوقت بتصيري تعرفي تسيطري على نفسك وتعملي كنترول عليها
ومن بعدها بتعرفي تختاري الوقت المناسب لتشرحي وجهة نظرك وتحصلي على اللي بتريديه
بعمره العناد او العصبية او التعلق الزايد بالشخص نفع
خليكي وسطية
الله يسعدك ويهنيكي حبيبتي ويسخر لك زوجك

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

مافهمتي قصده ؟؟؟؟

يعني لاتخافي بجيك بكره ولا تتعبي نفسك وهذا دليل حبه لك وهو مع زوجته بيفكر فيك وفي نفسيتك لانه حاسس انك تعبانه ويبغى يخفف عليك إفرحي ونططي 😂 مو كنتي خايفه مايجي

زوجك رجل بمعنى الكلمه ماشاء الله الله يهنيك فيه ويخليكم لبعض نامي عشان تقومي مروقه بكره

وليه تقولين اعطيني فرصه تأكدين له انك فعلن الغلط راكبك وتنفريه منك بزياده يختي عدلي من نفسك من غير كلام..
زين الرجال لما يكون معصب يقول كلام ولما يهدى يقول كلام ثاني ..
تجنبي اي جدال معاه وهو معصب لااااااا تجادليه لاتناقشيه
بعدين الله يشفيك
كل شوي تبيني له انك مريضه وماتتحملي
فيه نوعيه من الرجال يكره يشوف المرأه ضعيفه ومنهاره عند كل خلاف
كان بيدك تتجنبي كل هذا..

__________________
(سيدة الموقف)
لم ننساك ونسأل الله ان تكوني أنتي وأولادك بخير

انهرت , طحت , صرت مثل المجنونة !
انتي قاعدة تزيدين نفسك بالالفاظ هذي
اثقلي عنه و التفتي لنفسك
تحتاجين قراءة في كتب تطوير الذات و تقديرها

__________________

‏
الوعي هو الملاذ ..

أستغفر الله العظيم ؛
( الفردوس غايتي )

هو يبيني ما اعتبره محور حياتي يا طعن قلبي
وان تكون لي اهتمامات اخرى وانشغالات بعيداً عنه
بنفس الوقت يسد بوجهي كل باب
لا دراسة ولا شغل ولا نادي ولا نشاطات تطوعية
ولما قلت له بدخل دورات قصيرة وحلوة وتجذبني وبتشغلني ... قال كل هالدورات كلام فاضي! يعني منعني بس بطريقة ذربة ..
والاطفال مشروع مؤجل اول شيء كنت انه مأجلته وحالياً هو ..

هو فعلاً ما يحب المرأة الضعيفة واللي دموعها سهلة وبسرعة تمرض وتنهار ...

غداً بإذن الله بفتح له جانب آخر يشوفني قوية ومش منهارة ..

ميمو اسمع كلامه بس طبيعتي احب يكون لي رأي
ما اعارضه .. انما اناقشه
وهذا الشيء ما يرضى فيه
يبي كلمته مثل السيف لي قالها تقطع
هذا اللي بسويه
بريح راسي .. ما لي خلق لا اجادله ولا اناقشه
احس روحي استسلمت ما اقدر اقاوم
شكثر متعب ان الغي شخصيتي !
الله كريم .. والله ما تهون علي نفسي
بس عشان المركب يمشي!


ما يهون عليه احد يتكلم فيني يا متفائلة او اتضايق من شيء هذا الشيء اعرفه
ما بفتح موضوع الطلاق بتاتاً
باسوي اللي قلتي باخلي ردودي عاديه
ما راح ابين له خوفي
وقاعدة احاول ابرمج عقلي على عدم الخوف من الطلاق عشان ما ينعكس خوفي علي

بتحدى نفسي ان اكون افضل عشان نفسي و راحة بالي ..


نرجسية سألت شلون اتصرف لأني اخربها يختي
ما اعرف اتعامل معاه ..
احسه مسألة حسابية مو عارفة احلها

فعلاً

صح كلامج
اذا تعرفين كناب يفيدني اقترحيه علي
ابي اكون افضل عشان نفسي

يارب يحن قلبة عليك الاخطاء واردة ومتوقعة في الحياة الزوجية ولكن ان لانستمر بتلك الاخطاء ويجب ان نصححها
تفائلي خير والاخون والاخوات ماقصر وعسي يوفقكم يارب

__________________
سبحان الله وبحمده سبحان الله العظيم

فرررحت من قلبي لما قلتي أرسل يبي غدا
هوا يبغاك ترتاحين واضحه دامه جاي الحمدلله ياربي
تدرين حطي في بالك يمكن يكون صامت ويتعامل بشوية جفا
لاتخافي ولاترتبكي هذي ردة فعل بعد العصبيه
الله يهدي الأمور بينكم يارب
الله يجمع بينكم على خير
ويصلح حالكم يارب