يا اخي الدكتور ماجاب شي جديد كل اللي قاله يظهر ف مواضيعك عن حالتك وحالتها وحالة اوﻻدكم

صحيح بس الحين متيقن اكثر
نصايحه فادتني كثير وكان في شغلات غايبه عني طول السنه ونص

ذكرلي حاله مرت عليه ما تقارن ب حالتي ( طبعا انا كنت مفتكر ان حالتي نادره )
قالي في زوجه قلبت عل زوجها ودخلته محاكم وبهدلته خمس سنوات بالمحاكم والزوج سكت ( مثل ما انا عملت ) . بعد 5 سنوات الزوجه طلبت ترجع. شعورها بالندم قطعها تقطيع وسبحان الله لما رجعت. رجعت معاه انسانه ثانيه محبه ل زوجها.

الابتعاد يكون ضروره علشان كل طرف يعرف أخطائه والعوده غير مرتبطه ب فتره معينه مثل 6 شهور او سنه او حتى سنتين مثل ما معظم الناس يفتكر.

لا أخفيكم من بعد ما اتبعت نصايح الدكتور احس نفسيتي افضل وطليقتي شغاله مسجات عن طريق الاولاد والخدم يوميا. ك انها مستغربه ابتعادي و عدم خوفي عليها كما في السابق.

الله يصلح الحال

حدث اليوم شي غريب وأول مره يصير
اخذت ولدي الصغير من طليقتي ( الزياره الاسبوعيه ) وكانت وكالعادة الخادمه معاه. فجأة واحنا بالدرب قالتلي الخدامه ان الخدامه الثانية ( الي عند طليقتي ) تقول انها امجهزه طبق اكل ( طبقي المفضل في رمضان ). تفاجأت وقلت لها حق الأطفال يعني ؟ جان تقولي لا لك انت
انصدمت لان هذي اول مره بعد سنه ونص انفصال وهذا ثاني رمضان يمر علينا.
رايكم؟

عادي لا غريب ولا شئ

طليقتي ارسلت طبق احبه حيل مع عيالي لنا كلنا لا بفسره ولا بقعد افسر حركتها

تبي شئ عندها لسان تتكلم فيه وتقول ابي ارجع ونتفاهم على الوضع غيره ماعندي وقت افسر حركات

وانت الله يجزاك خير تاخذ الكلام من خادمة يمكن قالت عطيه بابا تخاف الاطفال يكسرون الاطباق يكبون الاكل قالتها بعفوية ماتبي العيال يشيلون الاكل وبس

وترى مو شرط افترق عن حرمته 5 سنوات ورجعت احسن من اول هالشئ ينطبق على وضعك حط احتمال انها ماراح ترجع ابد وش بتسوي ؟ ايش الخطط اللي ببالك ؟

ضحكت ضحك على كلامك...

يعني علشان الصحن لا ينكسر

طيب ليه مايكون بادرة طيبة

ذرة حنين.. عاطفة....

صراحة رد قمة الاحباط والتحطيم. . .

كلامك هذا وبث الامل فيه منك ومن غيرك ومنه هو نفسه هو اللي خلاه بهالنفسية وهو اللي اصابه باللمراض العضوية ..
لأنه يبني آمال من خيالات ومن امنيات بعيدة عن واقع انها تصده ولا ترغب بالعودة ..
اذا غيرت رايها الآن فلتكن صريحة بعيدا عن اشارات قد لا يكون تفسيرها كما تظن ..

داش حامي الله يحفظك هههههههههههههه

لاحامي ولا شئ تأكد اننا نبي لك الخير وانا من بداية موضوعك متابعك وادعي لك والله

بس يا اخ عبدالله انت لازم تلتفت لنفسك وتفكر وش بتسوي وتحط جميع الاحتمالات قدام عينك

بعد مرور اكثر من سنة نزلت هالموضوع

هل بنشوف لك موضوع بعد مرور اكثر من 5 سنوات مازلت انتظرها ؟

بعد مرور 10 سنوات انا طفشت ولازم اشوف حياتي ؟

لاتتاخر الله يرضى عليك الحب يجي مع العشرة الطيبة والاخلاق الحميدة واحترام الطرفين والقيام بالواجبات والحقوق هذي لو تكون انسانة عادية تحبها وتحطها على راسك
حتى لو ماحبيتها يصير بينكم موده ورحمه وهذا كافي لحياة مستقره وسعيدة

انا انصحك هالنصيحة ووكل امرك لله

( تزوج ) وشوف لك بنت حلال تعوضك عن سنوات التعب اللي شفتها

ولا تظلمها اذا قادر تتزوج ولا تنكد عليها بذكرياتك مع طليقتك توكل على الله

خلك مثل مانت عليه
والله يسخرها لك

لا تبدي اي ردة فعل ايجابية

هي بتختبرك تتاكد انت باقي عليها او لا

شوي شوي وان شاء الله هي تبادر مبادرة صريحة

الله يجمع بينكم بالقريب العاجل بهالوقت الفضيل يارب

__________________

اختلافي عنك لا يعني اختلافي معك