ايه عايش معانا .. وكنا ولا زلنا بينا نسميه بيت أمي وأبوي ..

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

عيل شلون تتوقعين من بنت الناس ان تجلس تحت رحمتج
وتحطين لها لستة شروط وقوانين تمشيها عليها ؟!!!

ليش ما يكون فيه توازن بين راحتكم ومطالبكم
وبين حرية مرت ابوج ..

كان عايش معاكم في بيت الوالدة .. ولما تزوج كان يبا يتم معاكم .. وإنتي فضّلتي إنه يطلع مع زوجته.


تبين نسمّي الأمور بمسمياتها الصحيحة يا فرح؟

إنتي طردتي أبوج من البيت!!

والحين بكل بساطة تبينه يرجع .. ضيف مرة ثانية!!


بالله عليج يا فرح لج ويه تطلبينه يرجع عقب ما طردتيه؟!!!!

ترا الأبوة مب وظيفة لحسابج وحساب أختج .. مرة تستغنون عنها ومرة تطلبونها .. حسب مزاجكم وظروفكم!!




وأصلاً .. واثقة إنه مب مجروح منج لأنج طلّعتيه من البيت من الأول؟

وإلا لأنه ييكم كل يوم ويشوفكم ويطمن عليكم ظنيتي إنه نسى؟!

__________________


اللهم طِيبَ الأثر .. وحُسْنَ الرحيل.

تفكرون في زوجة الاب ومشاعرها
ولاتفكرون في مشاعر فتاتين يعيشان وحدهما في بيت مع الخادمة والسائق بدون ام أو اب
تفكرون في اتجاه واحد فقط
والاتجاه الاخر غير مهم
حتى وان طلبت من ابيها الا يسكن زوجته معهم في نفس البيت لا تلام ولاتوبخ ولاتعاتب
مشاعرها طبيعية
وان فكرت بالتراجع ايضا لاتلام ولانقول لها هذا قرارك وتحمليه
وجود امرأة اخرى في حياتهم سلاح ذو حدين يحق لها أن تتخوف

هم اللي طلبوا خروج والدهم من البيت

مو هو اللي طردهم عزيزتي..

يحق لها تتخوف نعم.. لكن لا يحق لها تظلم بعد

ارجعي للشروط وقولي هل ترضاها اي وحدة على نفسها ولالا..

ترضينها على نفسك؟

وهي ماشافت منها لا خير ولا شر!

الدوا قبل الفلعة

سمعنا كثيرا عن قصص زوجات الاب الشريرات ومازلنا نسمع
وكيف انهم يفرقون بين الأب وأبناءه
شروطها وكل كلامها وان كان في ظاهرها قوة
هي عبارة عن مخاوف متعددة
لذلك أقول لا تلام
و رفقا بها

زوجة الاب ينخاف منها لما يكونوا دون العاشرة لكن هي واختها فوق العشرين بالغين عاقلين يقدروا يأخذوا حقهم مو اطفال ..

ما فكرنا في مشاعر زوجة أبوها .. ولحد الآن أنا شخصياً ما تكلمت عنها كثير لأني بالفعل ما أدري هل هي إنسانة زينة والا لا ..... لكن فكرنا في كرامتها .. مهما كانت من حقها تتم كرامتها محفوظة.

وفكرنا في كرامة الأب.


كنا أنا واخواني في نفس الموقف في يوم من الأيام .. وكانت عندنا نفس المخاوف .. وكان أبوي الله يرحمه قادر ياخذ لها شقة .... لكن محد فينا تجرأ يقول له: اطلع.

لكن فرح استقوت لأن البيت مب بيته!!

يسمّونه (بيت أمنا وأبونا) .. لكن ساعة الجد طلّعوه منه.

يعني كانت ميزة معنوية لا تودي ولا تجيب .. وعند المحك الحقيقي صار (بيت أمنا) بس.



من حقها تتراجع عن قرارها اللي اتخذته وهي بكامل قواها العقلية .. لكن مب من حقها تتصرف مع أبوها وزوجته بهذا الاستعلاء والفوقية!!

محتاجة لأبوها؟ .. ما قلنا شي.

أبوها مسؤول عنها وعن أختها؟ .. ما قلنا شي.


لكن المنطق اللي هي تتكلم فيه والأسلوب اللي هي تعاملت فيه من بداية الموضوع لحد الآن عيب .. وايد عيب!

__________________


اللهم طِيبَ الأثر .. وحُسْنَ الرحيل.

يحق لها أن تتخوف نعم
ويحق لها أن تفكر وتتراجع ، ولكن ..
فيما لو تراجعت لا يحق لها أن تملي على الآخرين تصرفاتهم
اليوم تعالوا
وإذا ما ناسبني الوضع اطلعوا ...

و الأب من يفكر بشعوره ؟ تعتقدين سهلة عليه ان بناته يطلعونه من البيت ؟
و سهلة عليه يردون يقولون له ارجع وبشروطنا وإذا صار الوضع غير مناسب ارجعوا بيتكم ؟!
هل هذا من الانصاف ؟
لو عشان خاطر والدها ...

روحوا عند ابوك فترة شهرر او اكثر
وشوفي اسلووبها وكيف معاملتها معاكم وانتم ضيوف عندهااا
وبعد ذالك قرري ايش تسوي