اقتراحي ما راح يعجبك .. و لا يناسبك ..
لكن انت عاقلة و تاخذي الشي المناسب لك .. و تتركي الغير مناسب ..

.
.

انت تفكري انك حاليا عندك فرص افضل منه في إيجاد البديل
و مو ناقصك شي الحمدلله .. و الي موقفك عن كل هذا ..
و داخلك نزاع بين انك تبغي تنتقمي لنفسك .. و بين انك ما تبغي تنفصلي
لانه الانفصال مو حل .. و لا هو من صالح الأطفال ..

طيب صوت بداخلك يقول ..
( انا ممكن بعد عدة سنوات .. أندم على تضحياتي !؟ و ما استغليت الفرصة هذه !؟ )

و قلتي انك قستي الايجابيات و السلبيات في حالة تركك له ..
و السلبيات اكثر ..

.
.

ما فكرتي تنفصلي عنه - لفترة محدودة - !؟
فيها مجازفة فعشان كذا ترددت و انسي الي قلته ..

الطريق المسدود يا اشراقه حله مستشار اسري

__________________
وهل من مصير اخر ؟

ايوة مستقلة الحمدلله، والوظيفة مساعدتني في تغيير الجو والاختلاط بالناس

بس أنا انسانة معطائة، سعادتي في العطاء، لكني استنى آخذ في المقابل

مو بس مع زوجي، في كل حياتي على مختلف الأصعدة..

المشكلة اللي تتعبني زي ما ذكرت فانيتي، اني اتعب اذا هو تغير مزاجه وانقلب ودخل جوه الكئيب

أحس اني أتجنن لما يصير بهذه الحالة، أتحمل ماكسيمم يومين، وبعدها انهار !

اللي يقهرني في المنتدى بشكل عام

ان الناس اللي في العالم الافتراضي يعرفوا معلومات هامة عن الزوجة لايعرفها الزوج!

او

عرفها الزوج ولكن لم يجيد التعامل مع هذه المعلومة!

أو القهر الأكبر

انك تعرف هذه المعلومات وهي تنطبق على شريك حياتك (بحكم كونها انها انثى مثلهم) ولم تسمعها منها مباشرة وتساعد الزوجات وتنسى زوجتك

ولكن

بما أن

"الحكمة ضالة المؤمن

فحيث وجدها فهو أحق بها"

فالحمدلله على وجود هذا الجانب المشرق في خضم القواهر السابقة

ليش تتجنين يا إشراقة؟

مب بعض العضوات افترضن أنه يكذب أو يمثل؟

حتى لو ما كان هذا صحيح .. تعاملي معه على أنه حقيقي وصحيح .. ومب شرط حتى تقولينها في وجهه.

يمكن وقتها يخف الضغط اللي تحسين فيه.

__________________


اللهم طِيبَ الأثر .. وحُسْنَ الرحيل.

في حبه لها و في رغبته بإهتمامها وتعاطفها معاه ما يمثل
وهذا واضح جداً ..

حبيبتي زين..

أنا ما قصدت مشاعره أبداً.


لكن رغبته في تعاطفها معاه شو سببها؟!

حرصه على إشعارها بأنه تعبان .. أو مسكين .. أو متورط .. ليش؟!


يبا يضمن أنها بتمّ معاه .. وتحمل همه .. وتدعمه معنوياً على الأقل .. بالرغم من اللي سواه .... وهذا صعب جداً.

يبا يحس إن زعلها وضيقها خفّ عشان إحساسه بتأنيب الضمير أو التقصير في حقها وحق عيالهم يخف .... وهذا ظلم.

__________________


اللهم طِيبَ الأثر .. وحُسْنَ الرحيل.

لا ما أقدر ياروح انفصل مدة محددة عشان أجرب !
يا أعيش حياة كاملة كريمة ولا بلاها من عيشة

أنا متمسكة فيه لأنه بنظري رجال والنعم فيه

اللي خايفة منه ما أتحمل حياتنا يتخللها البرود وكثرة الجدال والضغط، خاصة انه علاقتنا كانت علاقة حبيبين مو زوجين فقط.






المستشار الأسري لازم الطرفين يكونوا متواجدين، وهو مستحيل يقبل يدخل طرف ثالث.

قبل سنتين شافني أقرأ كتاب " الرجال من المريخ والنساء من الزهرة" صار يقول ليش تقرئيه ما يحتاج نحنا علاقتنا بيرفكت وأخذ الموضوع بحاسسية وتهجم


الحمدلله على تسخير الله خلقه لنا، الله يألف بين قلوبكم ويوفقكم

عندي لك حلين وكل حل يعاكس الثاني ..بس انت خوذي اللي يناسبك
ببدأ بالاول واشوف تعليقك بعدين اكتب الثاني

زوجك من خلال مواضيعك ومشاركاتك يحب حب ماشاء الله تبارك الله ..اقدر اقول عنه عشق

وهذا ينافي النظريه النسائيه السائده ان الرجل اذا عشق زوجته وحبها حب شديد مستحيل يتزوج عليها ..
رغبة الرجل بالتجديد شئ وعشقه لزوجته شئ

زوجك يتالم من داخل قلبه لحزنك ..نفسه يشيل هالالم والحزن اللي فيك
بس مايعرف يعبر ولا يحتوي
هو منقهر من نفسه لانه سبب كل الامك واحزانك
حاول باللي يقدر عليه لدرجة ان باس رجولك
ولدرجة انه كتب البيت باسمك
والافعال اللي سواها لعيونك واللي ماكتبتيها هنا

كلها تثبت شئ واحد يحبك ومتألم ومقهور من فعلته
سوى كل اللي يقدر عليه علشان يشيل هالحزن عنك بس كل هالافعال مانفعك وصابته بالاحباط لدرجة ان يزعل ويهاوش لانه مقهور داخل نفسه

ولو عادت الايام ورجعت الايام لورا مافكر يتزوج عليك بس هذا قضا وقدر

وصدقيني تصرفاته معك ..تصرفات واحد يعيش باحباط مايدري وش يسوي
مرة يهاوش مره يهجر مره يكتم

طيب كل هالاشياء اللي سواها وكل هالحب اللي بقلبه والالم اللي يعانيه تبعا لمعاناتك والافعال اللي سواها لعيونك ماتشفع لك ولاتغفر له زواجه عليك

ليه كل هالضيقه ؟؟
ليه كل هالحزن ؟؟
وصدقيني انا ماقولها لك مجردة
انا اعرف احساسك والمك

قلب زوجك بين يدينك ..
قلبه معك ان حزنتي حزن ..وان فرحتي فرح

كل هالاشياء اللي سواها زوجك لعيونك وكل هالعشق لك
مايغفر له فعلته ؟
اتمنى اسمع جوابك على سؤالي

الغالب ويعتبر من الأشياء الطبيعية هو تغير الحياة الزوجية ودخول الفتور وازدياد معدل الاختلافات لكن كل هذا في الحدود الطبيعية ولذا افضل الحلول معها هو التعايش , لأن محاولة اصلاحها لن يأتي بنتيجة إلا أن يشاء الله , المهم والمهم جدا أن تبقى هذه المنحنيات في العلاقة الزوجية في الاطار المعقول الذي يستطيع العيش معه كلا الطرفين .
التجاهل داء ودواء والتغافل ايضا والتغاضي والتنازل كلها اساليب تتم مزاولتها بشكل يومي من كلا الطرفين لتستمر سفينة الحياة
الحياة الزوجية اذا وجد فيها اطفال فلابد من وضعهم في الحسبان , والعاقل من صبر طالما يستطيع الصبر لأجل اطفاله حتى يكبروا على الاقل حتى تجاوز مرحلة المراهقة وبعدها يتخذ اي قرار يريده .
في حالتك اختي الكريمة
تحتاجين التعامل مع زوجك بعقلك اكثر من قلبك , وتقلباته العاطفية تعاملي معها بذكاء عاطفي عقلاني وستلاحظين الفرق
مع تركيزك على مستقبل اطفالك ومستقبلك الشخصي العملي والاجتماعي
بالنسبة لسؤالك عن الخسائر
ربما يتسلل البرود لحياتكم وربما تفتر العلاقة وهذه من الخسائر المحتملة
وهذه طبيعة البشر في غالب الاحوال , وانتي تتحولين من حبيبة الى زوجة متوافقة الى زوجة تقليدية الى ام العيال , في الغالب هذه دورة الحياة الزوجية
اسأل الله أن يصلح شأنك كله ظاهره وباطنه