السلام عليكم ورحمة الله وبركاته
الله يجزيكم خير على تكرمكم بالرد وان شاء الله في ميزان حسناتكم
اسمحو لي مااقدر اشكر كل واحد باسمه لان نفسيتي تعبااااانه حيل ومنقهره واحس راسي بينفجر من القهر والحيره والتفكير
مستجداتي هي اني مقهوره من موقف حصل مع اختي الكبيره ومو اول مره يصير تكرر علي كذا مره لين مليت وتعبت لدرجة اني دعيت على نفسي وعلى اللي اسمه زوجي بالموت عشان ارتاح من هالهم اللي مو راضي يفارقني
الموقف هو اننا كنا في جمعه عائليه الا اختي الكبيره تقول سمعتو عن فلانه عاقله ماشاء الله عليها زوجها فيه بلاوي الدنيا بس صابره عليه ومافرطت في بيتها وبيت عيالها وتقول انها مو غبيه تترك بيتها وتدخل اي شخص في مشاكلها مع زوجها حتى لو كانو اهلها
طبعا انجرحت من كلامها وقلت مستحيل في انسانه تتحمل اللي انا تحملته ولولا انه غلط على ابوي كان ماتركت البيت لانه هانني وهان ابوي
وصار بيني وبينها كلام بعدين سحبت حالي لاني خفت تنزل دمعتي وتتضايق امي
الحين من القهر افكر ارجع بيتي بس كيف ارجع بعد ثلاث سنوات وهو حتى مافكر يتصل فيني ولا حتى كلم اي طرف من اهلي
ابي طريقه ارجع فيها بيتي بكرامتي بس كيف الطريقه تكفوووون تعبت
ابي تصويت منكم من يأيد اني ارجع بيتي ومين لا؟
واذا اي كيف الطريقه
رجيتكم ردو علي باسرع وقت لاني في حال مايعلم فيه الا رب العالمين
اسمحو لي على رداءة الاسلوب لاني منقهره وابكي ومحتاره

__________________

عشان كلمه من اختك بترجعين
طيب انتي مقتنعه بالرجعه ولا لا
هو يسيء معاملتك او معاملة اولادك

يااختي مو اول مره تقول لي هالكلام
كذا مره واسكت واعديها واكتم في قلبي
نعم هو يسيء لي كثيييييييييييير بس للعيال مو دايم احيانا
مشكوره اختي على تكرمك بالرد

__________________

حبيبتي الله يفرج همك ويعوضك عن سنينك اللي راحت خير ويعوضك بعيالك.
ترى مو من حقه معلقك ماطلق ولا رجعك البيت واجبه كل هالفتره يصرف ع عياله ويأمن لك انت وياهم بيت.
وبالنسبه لكلام اختك طنشي ولا عليك من احد كله كلاااام أهم شي عندك نفسيتك وسعادتك انتي وعيالك الله يعوضكم خير يارب.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

اللهم امييييييييييين
حسبي الله عليه ونعم الوكيل والله يحرمه ريحة الجنه اللهم امين
هذا انا يااختي احاول اطنش
الله يرحم والديك اختي ومشكوره

__________________

جبر الله قلبك وٲجرك في مصابك
انتظري الﯽ ان يتوظف ابنك وبعدها استقلي بشقة

__________________
تراب كلنا حتى لو إختلفت بنا الصور

اللهم امين
ان شاء الله
الله يجزيك خير اختي وفي انتظار بقية الاخوان

__________________

لحد الان ماجاني ولاصوت للرجعه
ياليت تردون علي وتريحوني وتصوتون
الله عالم بالضيق اللي انا فيه
اللهم اجرني في مصيبتي واخلفني خير منها

__________________

الله يفرج همك اختي ويجبر قلبك
اصبري في بيت الوالد لين ربي يفرجها ويتوظف ولدك
سنه ان شاء الله مو كثيرة قدام صبرك اللي راح الله يآجرك عليه
وكلام اختك ولا غيرها ما عليك فيه طنشي واذا قدرتي تردين عليهم
انكم لو كنتوا مكاني وشفتوا اللي أنا شفته اتحداكم تصبرون نص صبري
لكن الكلام ببلاش طنشييييييي وخليك قوية عشان نفسك واولادك
ولا تفكرين ترجعين له دام ما اصلح اللي بينه وبين ربه ولازال ظالمكم
بيمسكها عليك ذلة طول عمرك انك رجعتي او أن أهلك ما يبغونك

بسألك أختي .. طول السنين هذي مارفعتي عليه قضية ؟

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

اللهم امين
ان شاء الله بصبر وبحتسب الاجر من رب العالمين
ومابرجع له بس من القهر اقول برجع بس لما افكر بالعقل اتراجع
لا مافكرت حتى ارفع عليه قضيه مو علشانه علشان عيالي لانه اسمه ابوهم وعشان اهلي

__________________