الله يعوضك خير
اللي ما يخاف الله خافه
البنت قليله تربية و هذا واضح
اهلها ما عليك منهم بس يسلكوا حتى تاخذها
انفذ بجلدك
المال يتعوض المهم راحة البال

الله يجزاك خير الله ويعوض علينا ان شاءالله

ولله يا اخ الكريم تخيل من خطبت هل البنت ما احس بسعادة اول زيارة لي تقولي بسوي عملية تجميل انا شكيت بالوضع وبقص شعري من شغلات انا مغامرة اطلع مع اهلي بالبحرين على قولتنا فلاوية ما خلت شي ما قالت لي غير كذا حطيت برنامج تواصل مطلعة صورتها من دون وجهة وسناب شات نشيط جداً ولله اعلم الخافي.

امس حلمت شفت رافعة في سماء العالي فسرت الحلم بأنة مشاكل زوجية وغيرها الله يبعدني عنهم وشرهم.

حسبي الله على الخطابة جلست شهر اسأل عنهم الكل يمدحونهم طلع الأب والأم ولبيت يعلم الله.
وضعهم على الصامت اذا كلمني ابوها قالي موافقة البنت ان شاءالله الجلسة الأخيرة عند الأب ولله يعوضني خير ببنت الحلال الحمدالله اتضحت الأمور من البداية الله فكني من شرهم.

اتمنى من الأعظاء وزوار استفادوا من هذا الموضوع بأن الشخص في امر الزواج لا يتسرع ولا يأخذ كلام الخطابة ويكون هو قرارة النهائي لا احد يتدخل فية سواء في الرؤية الشرعية او الراحة النفسية للمتقدم لها لأنة الصراحة بالبداية استخرت ورفضت البنت لكن الأم اصرت علي الله يطول بعمرها ويعطيها الصحة ولعافية ويخليكم امهاتكم اخذ البنت على اخلاقها وناس طيبين لكن الحمدالله صار الي صار قدر الله بما شاء فعل.

اتمنى للجميع التوفيق وصحة ولعافية

معليش بطلع من الموضوع شوي.. بس ياعزيزي ليش تكلم خطابة؟؟ اهلك ما يعرفون اي احد.. اذا ما يمديك عن طريق اهلك هناك طرق: اصحابك عندهم اخوات.
اصحابك المتزوجين خلهم يكلمون زوجاتهم يدلونك على بنت..
وكذا يعني فيه طرق كثيرة.
الخطابات همهم المال الاول والاخير .
اذا عاقت معك مرة..
روح لجمعيات المساعدة على الزواج وهناك فيه قسم التوفيق راح يساعدونك تلقى الزوجة المناسبة. واتوقع الي مسجلة عندهم بتكون تهتم بالخاطب اكيد..

هاذي عايشة جنبهم 15 سنة وخطابة نفس الوقت ويعرفونها الأهل بس صار ال صار.
المرة الجاية ان شاءالله يا أنة نعرفها 100% ولا خلينا على زي كذا ارحم لنا من الكابوس الي عشنا فية.

اخر مستجدات من اخر جلسة مع ابوها امها قالوا لي يوم وتكلمك البنت اليوم خامس يحاولون فيها ولا حتى رسلت رسالة وتقولي امها متضايقة بكرة بوديها البحرين مساكين التصريح ملقي خلها تتضايق زيادة وتتربى في البيت مثل بنات الناس هم الحين يبون انسحاب مني متوهيقين يرجعون المهر كلة وتقولي كلمها هزلت ولله بنات اخر زمن مدللة فوق الازم على قلت حية واخلاق الأب والأم مو قادرين عليها صدق من قال القطو الكبير ما يتربى.

ربعك ماهم حقين زواج
ياخوي وش مشقيك ورى هالعائلة الي بنتهم بايعة ومصفية عن جهل
على فكرة البنت الي اهلها مدللينها ماتنفع لزواج ابد
وشتبي بالمشاكل هذا وانتم ماعرستو اجل بعد العرس وشتبي تسوي
لا عندها والي يسنعها ابوها ومها ماهم صريحين معك ابد ويحاولون يغطون على عيوبها
ولكن اتركهم لين يطالبونك بطلاق وقتها اطلب المهر كامل
ولا تعطيها تصريح سفر ولا طلق الا بعد ماتاخذ المهر كامل
الله يعوضك خير

__________________
سبحان الله وبحمده سبحان الله العظيم

واضح البنت ممشية البيت مثل الساعة كلمتها تمشي على الكل وهي قايلة بنفسها محد يقدر علي راحت هيبة بعض الأباء في هذا الزمن القاسي.
انا ما فكرت فيها ولا اتشرف فيها لكن خلة يجي منهم يرجعون مهري كامل خل بنتهم لهم يربونها تربية جديدة.

وضعك مشابه لوضعي

وفي النهاية ذهبت للمحكمة وأخبرت الشيخ انه لا يوجد بيننا اتفاق وأن هناك مماطلة ولهم الرغبة في الإنفصال وطلقت وحكم القاضي بارجاع المهر كاملاً .. ونسأل الله أنا يعوضني وإياك خيراً ..

انتبه من أن يجبرونك عليها أو بمقولة أنها ستتعدل وتتغير بعد الزواج

الله يجزاك خير اخوي إبراهيم على الأفادة ولله يعوضنا اياك

ابوها امهلتة على البنت يومين قالي بتكلمك نفس اليوم الأن 7 ايام لا اجابة منهم وان شاءالله ذاهب الى المحكمة يوم الأحد القادم يحاولون يجبرون علي البنت بأي طريقة لتجنب خسارة المال لكن البنت رافضة رفضاً تاماً.

الله يسهل الأمور ويبعد عنكم الشر ...... الناس تدور الطيب والأخلاق وناس تدور الخراب وشر