ما شاء الله لاقوة الا بالله
الف مبروك والله يتمم لك على خير ان شاء الله
تلبيس الشبكة والله حلو وفيه متعه للعريس والعروسة ونفس الشئ خوف 😆

اهم شئ خلي الوالدة على يمينك واختك على يسارك لزوم فك الزنقات 😂

اخوي قبل شهرين ملك ونفس الصفات اللي ذكرتها خجول جدا طلب من امي ان ما احد يدخل معه غير ام العروسه واحنا خواته ولبسها واخذو لهم صوره ومشى ساعدته امي واختي في التلبيس ههههههه هو بس حط يده كنه يلبس وهم قامو بالمهمه بدله 😆

الله يخلف على طليقتك بالخلف الصالح امين
ممكن اقول شئ او ماله داعي 😁
عيالك لو فيه فرصه يجلسو عند امهم خلهم عندها الا اذا هي ما تبيهم حطهم عند امك وجب لهم شغاله افضل شئ لان الزوجة اذا طلب منها زوجها ان يجلسو عياله معه مارح ترفض بس بعد فتره تجلس تتكلم وتتضمر من الوضع مثل ما ارتاح في لبسي ما تمتعت في بيتي ابغى ارتاح ومن هذا الكلام وعشان تتقي المشاكل خلي عيالك عند امهم او عند جدتهم امك او ام طليقتك على الاقل حتى تمشي امورك وتاخذ وقت على بعض انت وزوجتك
الله يوفقك ان شاء الله ويجمعك انت وزوجتك على خير وبركه

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

الله يبارك فيك

حلو الدعم اللوجستي من الام والاخوات هم يلبسون وانا امثل ههههههههههه

والله يا اختي عيالي عندي امهم موظفة وجدتهم من امهم ماتبيهم عندها صراحة وبيتهم ضيق جلسوا اسبوع بهذلوني تعال خذهم يمكن علشان فترة اختبارات

وانا شارط عيالي ونهاية الاسبوع يروحون لامهم واكون لها انا بالكامل تلبس اللي تبي خميس وجمعه وسبت
الوالد والوالده قالوا جيبهم عندنا وانا رفضت مستحيل استغني عنهم

الله يبارك فيك

ان شاء الله خير شكرا لك على ردك ودعواتك ونصيحتك بإذن الله نصب عيني

الله يجمع بينكم على خير ويسخرها لعيالك
لبسها دقائق وتعدي

__________________
اللهم اصلح قلبي وقلب ابنائي

اللهم امين
الله يجزاك خير ان شاء الله بلبسها

ألف مبااارك وربي يسخركم لبعض ويحنن قلبها على الاولاد وتكون لهم ام حنون رؤوم ان شاء الله وتعوضهم ..

ذكرتني بزوجي وهو فيه بعض صفات خجلك ولحد يومك مايرفع عينه بعين خواتي حتى لو تعود على السلام والحديث معهن ! مع انه يعمل في عمل مختلط ومعظمه اجانب يعني اشكال وانواع .. اكتشفت ان هالصفه خلت الجميع من اهلي معجبين ومحبين له خصوصا الوالد والوالدة ومايرضوا عليه بكلمه حتى لو مني !

طبعا بيوم الملجة امور وامور حصلت هههههه بس تبقى ذكرى جميلة حتى وان كانت محرجة ! احسن من الجرئة الزايدة وعيون الناس ولسانها مايسكت !! .. توكل على الله فإن حصل وقدرت تدخل للتلبيس فادخل وفرحها ولا تركز بالمسألة اذا حصل اي شي فاهلك موجودين ويفومون بالواجب باذن الله وزوجتك راح تقدر خجلك وبتفرح به ..

الله يجزاك خير على ردك

شكرا لك بارك الله فيك خلاص بتشجع

اخ تحملتك
ادري هالكلام مو وقته
بس شفت موضوع ب احدى المنتديات فيه اغلب الاحداث اللي صارت معكم
وكانت صاحبة الشان تذكر تصرفات وتفسرها بغير انت مافسرتها بمواضيعك
مدري اذا من باب الصدفه تشابه الاحداث او هي ام العيال نفسها
بس ياليت تراجع نفسك يمكن بالرجعه خير لك ولها ولعيالكم

الاخت حاتمية

كل التصرفات يتم تفسيرها غير من الزوج ومن الزوجة احتمال هي لها تفسيرها للوضع وانا لي تفسيري

تمنيت ان اعرف تفسيرها للوضع لكن للأسف من بعد الطلاق لم يحدث بيننا اي نقاش ولم نوضح الامور افترقنا بغموض انا لي اسبابي و هي لها اسبابها لم يحصل محاولات للصلح ابداً
بعد مالقيت بنت الحلال وحددنا الملكة فجأه يبدأون يوسطون الناس انا اشوف انها مو حلوه

يعني لو ماخطبت كان استمر الوضع سنتين وثلاث واربع وهذا مو صح

وماأظن انها طليقتي طليقتي لاتحب المنتديات والانترنت ومشاركة حياتها الا مع من تعرف ووجه لوجه

الله يتمملك على خير

ويعوض طليقتك بالزوج الصالح ..