حاولي تدورين دورات او شغل ... بتنشغلين عنه
و بتخف الحساسية و التدقيق

القصة وما فيها زوجك يريد أن تبتعدوا هذه الإجازه وتغيرون جو
أنتي تريدين البقاء معه وفتح الملفات السابقة ومناقشتها

لم يرضى زوجك وأصر على وجهة نظره
طلبتي الطلاق

صمت زوجك ولم يطلقك
جرحتي كرامته وأهنتيه وذليتيه بالمال

صمت أيضاً ودعا لك

والله عجزت أفهمك يا أختي
أنتي لاتحتاجين مصارحة زوجك بل تحتاجين مصارحة نفسك
ماذا تريدين بالضبط ؟
هل تريدين الطلاق ؟ الطلاق الذي تذكرينه مع كل موقف !

خلاص شوفي أنتي تقدرين تستمرين معاه أو اتركيه وتحملي قرارك
لكن مسألة تجلسين معاه وكل شوي تجيبين طاري الطلاق هذي ماتصلح أبد

مشكلة يا أختي تونا متكلمين قبل كم يوم وقلنا لاعاد تعطينه فلوس عشان ماتمنين
ومع ذلك قلتي مسكين ويوجعني قلبي عليه وبعطيه كـ زكاه لأموالي
والآن جايه تقولين بآخذ منك السيارة و كل شيء دفعته

الغريبه انه ساكت وماقال شيء
لو مكانه والله ما أناظر وجهك بعد هالكلام ولاتجلسين بذمتي أبد

يمكن يكون محتاجك فعلاً عشان كذا يتحمل المن وطلب الطلاق كل شوي لكن إذا خلصت الحاجه ماراح ينسى هالكلام وبيطلقك وممكن يهينك ويذلك

الله يعينه من جد خربت سفرته بعد كلامك هذا
مشكلة يرسل ويقول إذا تبين أغراض قولي لجارنا
يعني تقولين ماراح أرجع ابد وبطالبك بفلوسي وعادي ترجعون لبعض ؟
خلاص الواحد إذا قال الكلمة يصير قدها أو يصمت
أسألك بالله وجاوبيني بصدق : هل فعلا تريدين الطلاق لما قلتي باخذ أغراضي ولا عاد أرجع ؟

وش الحكمة من الكلام إذا ماصار يحكي الواقع !!
مو كذا لفت الإنتباه .. هذا طلاق مو لعبة .. محد قالك لاتتطلقين
لكن لاتقولين كل شوي اللي بيننا انتهى وترجعين .. حددي موقفك عزيزتي

سامحيني أختي لكن ياليت تركزي مع نفسك شوي وشوفي حياتك وش تحتاج
إصلاح أو إنهاء ؟
واتخذي قرارك بنفسك واعرفي نتيجة كل قرار ممكن تاخذينه
لاتنسين تستخيرين ربي
والله يكتب لك اللي فيه خير

انا تنكدت كيف زوجك...بقولك شيء يااختي الدنيا ماتكمل لاحد ولازمها صبر واستعانه بالله
توك بموضوعك السابق تقولي بتتغيري وماتغيرتي،،
ماشفت اعضاء صادقين بنصحهم قد هالمنتدى ..شوفي كيف كلهم تنرفزو منك يااختي..وينصحو ويكتبو من قلب وانتي تقري ومطنشه حتى ماتردي عليهم
الله يفرج همك وهموم جميع المسلمين..

__________________
الحمدلله

صح كلامك اختي الله يجزا اعضاء ها المنتدى ويكثر خيرهم
ماشفت مثل وعيهم وخبرتهم ماشاء الله

مرحباً أختي

ليس عندي جديد لأضيفه

وأكتفي بالدعاء لكِ

أن يشرح الله صدرك ويسعدك ويكتب لكِ الخير والتوفيق والحياة السعيدة

تحبين تعيشين دور الضحيه ..

__________________

ليش ماتبينه يسافر ؟ شلون وضعكم الأيام الي طافت ؟

__________________
الحمدلله حمدا جزيلا ...

أنا مادري وش مشاكلكم حتى أحكم على وضعك مع زوجك لكن واضح إنك متسرعه جدا وغير رشيده

رساله إلى كل رجل لا تأخذ من المرأة ريالا واحدا في لحظة صفا تذلك عليه في لحظة جفا

__________________
إن بعض القول فن ، فاجعل الاصغاء فناً ..
>> المعرف لرجل <<

أسال الله العظيم رب العرش العظيم ان يرزقه ويغنيه من فضله ويرزق شباب المسلمين

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

س- لماذا تزوجتي؟
ج-

س- ماهي المواصفات التي تريدينها في زوجك ولم تجديها؟
ج-

س- لماذا هذه الصفات بالذات؟
ج-


ياريت تجاوبي على هذه الاسئلة لعلي اجد طريقة تساعدك في تغيير زوجك للافضل بمشيئة الله تعالى

__________________