27-05-2016, 06:09 PM
|
المشاركة الأصلية كتبت بواسطة 3beer1977
ممكن ظروفك قاسيه جداً
ولكن لاتقولين ما اقدر بالعكس قولي اقدر واقدر واقدر اهلي كانو زي اهلك بالضبط واشد ابوي الله يغفر له ع قد ماكان محرص مايدخل بيته دش او نت دخله وبيده بعد كان اخوي الي اصغر مني يحاول يفرض رايه وقراره علي واخوي الكبير متشدد وعيب ولا ع بالك الي وصلت له من راحه والله كافحت واصريت الين وصلت للي انا فيه ماحد بيقعد ع وظعه تأكدي وتمسكي برايك وسوي الصح ولاتخافين ((بطلي قول ما اقدر)) بالنسبه لطليقك اشوف انك ماتذلين نفسك ابداً لاي مخلوق .... ليش ؟!! لان الرجال اقسى واصعب من الاهل والله ان يذلك ويعايرك حتى ولو بين بالبداية حبه ورغبة فيك بعد ماتطلبينه بس اي موقف بيقول انت الي طلبتي الرجوع يا ارضي باللي يقدم لك يا ارجعي بيت ابوك انت بضغط وتوتر لاتقررين قرار مصيري روقي والجئي لربك ... الله يفرجها عليك تفاعلت معك كثير لاني مرت بظروف اقسى وامر من الي مريتي فيه 💔 |
27-05-2016, 06:41 PM
|
المشاركة الأصلية كتبت بواسطة منك الصبر يا رب
اقتباس:
بقايا ذكرني كلامك بكلام الابلات وحنا بثانوي  |
27-05-2016, 07:34 PM
27-05-2016, 07:44 PM
|
المشاركة الأصلية كتبت بواسطة بقايا انتظار
هههههه
اجل وش رايك انفع اصير استاذه صح ايه الله يهديك بس وش دراني انتي اختصرتي مشكلتك بكلمات بسيطه وتكلمتي عن اهلك بشكل عام لهيك ذكرت امك ومجتمعنا العربي للاسف كله كذا وبالذات عندنا بالسعوديه الذكر مفضل دائماً في كل شيء ويقدم رأيه على رأي البنت حتى لو كانت اكبر منه وخطئه مغفور له امــا البنت لا خط احمر هالشيء كلنا نعاني منه ترى بس تختلف حدته من اسره لــ اسره وعلى حسب ثقافه الاب والاخ فيه منهم من يتفهم وفيه منهم مستحيل يفهم ويقتنع ماتدرين وش كثر سويت على مااشترو لي اهلي جهاز خاص فيني وجلست فيهم احاول 6 شهور متواصله حتى كنت افقد الامل وبعدها اقتنعوا بصعوبه انتي اثبتي على رأيك وحاولي اقناعهم بفعالك وليس بالكلام ابتعدي عن جو البيت بالعمل او الدراسه ان تيسر لك ذالك ... الله يوفقنا واياك ويسر امرنا وامرك خبرينا عن مستجداتك ـ |
27-05-2016, 08:32 PM
|
المشاركة الأصلية كتبت بواسطة مبتعثة متفائلة
طيب عقليه طليقك مو بعيده من عقليه اهلك
|
27-05-2016, 09:04 PM
|
المشاركة الأصلية كتبت بواسطة منك الصبر يا رب
اعذرني معرف أصف الحال كله يعني التعبير عندي ضعيف
جدا والله والوضع عندنا متازم أكثر من المعقول يعني كنت ابغي اروح مع اختي مشغل رفضوا لأن زوج اختي مو محرم لي لو ابغي اروح سوق مع اختي كمان ممنوع ولا رحت السوق معهم جلس ينتقد كل حركه عيفوني بعد ما اخذو جوالي وأغلقوا الشبكه وضربوني قلت هذي بدايتها وما لقيت حل الا اني ارجع لطليقك على الأقل محد يأخذ جوالي وإذا ثبتت علي رأي يعتبروني عاصيه متمردة قليله حيا لازم امشي رأيهم كبيرهم بحقهم مستجدات بقاطعهم ولا بكلم أحد فيهم ولا بطلب منهم شي امين الله يسرها |
27-05-2016, 09:30 PM
|
المشاركة الأصلية كتبت بواسطة بقايا انتظار
طيب لاتقاطعينهم بمعنى المقاطعه وانما ابتعاد عنهم او تتحاشيين الحديث معهم
حتى يهدئ بالك ويرتاح عقلك اما رجوعك فكري قبل تقررين الرجوع لزوجك فكري ببناتك بكرا راح يكون وضعهن نفسك لان تفكير زوجك نفس تفكير ابوك هل ترضين ذالك ؟ مااعتقد وهل هو المبادر بـ طلب العوده ام انتي اصحي تكوني انتي ترى راح يرخصك رخص تندمين على الساعه اللي فكرتي فيها لرجوع له ولاترجعين إلا بشروطك وخلي امك وسيط بينك وبين ابوك ــ الرجل عموما متى ما ارخصت المرأه نفسها اذلها ذل الويل نعوذبالله منهم وان شئتي طالعي النساء قويات الشخصيه مايقدر زوجها يفكر بس مجرد تفكير انه يسب اهلها او يشتمها بكلمات قبيحه او يرفع يده عليها او يخونها لانه يخاف منها خوف مو طبيعي ويعرف انها راح ترد له الصاع صاعين << وهذا هو المفروض ماراح اتكلم كثير عن رجوعك لزوجك إلا اذا طلبتي انتي لانها حياتك وانتي عايشتها مانعرف عنها الكثير فلذالك اي قرار بعد التفكير الجيد من جميع الجوانب والاستخاره ومشاورة امك بالذات عندها راح نشجعك على قرارك سوا الرجوع او عدمه لان حياتك انتي عايشتها مو احنا مانعرف الخفايا ابداً فقرارك بيدك انتي واكيد تعرفين السلبيات والايجابيات ومتى ماكانت سلبياته كثيره لاترجعين له ياختي واسالي الله العوض ـ |
27-05-2016, 09:46 PM
|
المشاركة الأصلية كتبت بواسطة منك الصبر يا رب
هو طلب مني ارجع له أكثر من مره
انا رفضت وإذا استمرت معاملته اهلي كذا برجع وبعدين مراح يرخصني يكفي اني قابله فيه وهو بهذا العمر هذولا النساء القويات ودي اخذ عندهم دوره اتعلم منهن مشاء الله عليهن انا ضعيفه ادني كلمه كافيه تهز تخلني ارجف خوف بس انا قررت اي واحد يمد يده علي بضربه مثل ما يضربني مسأله رجوعي له بحط لي شروط مع اني متأكده ما بيوافقون عليها |
27-05-2016, 10:23 PM
27-05-2016, 10:42 PM
|
المشاركة الأصلية كتبت بواسطة مبتعثة متفائلة
عندك اطفال
|
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
