اتقبل صدمة المراة اول زواج زوجها اما بعد سنتين او اكثر وبعد انجاب طفل وطفلين!! فهذا منك انتي وليس من زوجك
فبقاءه معها لسنتين وانجاب طفلين وانتي ما زلتي مصره انها نزوة ستنتهي يوما!! اذن اللوم عليك وليس عليه
مهما تكلم هو وردد ومثل فهدفه واضح وهو الحفاظ على اسرتيه لكن انتي لماذا تصدقي ما تسمعي؟!!
والادهى انك قلتي انك كنتي تعرفين انه يكذب عليك فلماذا الصدمه الان؟!
بل انت كنتي تصدقيه ولو كنتي تكذبيه كما قلتي لما انصدمتي الان ابدا ابدا


هل رايت كيف انك تتمسكي باي كلمه تقال او قيلت في الماضي
مع الاسف اختي اشراقه بلاك منك وليس من زوجك
كيف؟ لانك الى الان انتي بنفسك ما زلتي تستجرين كلام كان في الماضي
يحبني اكثر /تغار مني/تحب عيالها اكثر
وكللللل هذا شي معروف ويصير بين كل الضراير
كل وحده تقول لزوجها تحب فلانه وعيالها اكثر مني وقد تكون متاكده انها يحبها لكن فقط ليطمنها انها حبه الوحيد ولكي يهتم بابناءها ما تعرفين حركات الحريم يعني

بالنسبه لولادتها مولدها الجديد فيا اختي بالله عليك ايش تتوقعين من زوجين يجلسوا زي الاخوان مثلا! طبيعي بينهم حميميه وبتحمل وتنجب ويضحكوا ويزعلوا وكل شي

بس انتي معيشه نفسك على ماضي كلمات قالها ويقولها زوجك لهدف في باله وهو تهداتك
وتهدءتها هي ايضا لو قالت شيء يزعزع استقرار اسرتيه

على رغم ان الاغضاء قالوا لك ورايت بنفسك ان زواجه لم يكن يوما نزوه فمن يريد النزوه فالمسيار اسهل الطرق وسوف يجد
الا انك ما زلت تصادمين الواقع وانها نزوه او على الاقل كانت بدايتها نزوه

وصدقيني لا هو نزوه ولا بدايته كانت نزوه والدليل انها اشترطت عليه الا يتزوج عليها
سؤالي هنا هل هناك واحد يتزوج نزوه ويقبل شرط الزوجه انه ما يتزوج عليها ؟!بالعقل يا اشراقه
بس انتي معميه وما تبغين تشوفين الا اللي قلبك يبغاه

نصيحتي لك لا تصدقي انه لا يحب زوجته وابناءه منها مهما قالت هي فهي تتكلم مثلك من باب الغيره التي غالبا بدون داعي او مبرر ومهما قال هو فدافعه تهدءت جميع الاطراف ولم اسرتيه


بخصوص العيد فالعدل العدل يا اشراقه العيد الماضي عندك وهذا العيد عندها وهذا هو الحق والعدل اللي ما يزعل احد يا اختي
ولا شان لعمر اطفالك بالموضوع فصلاة العيد فرض كفاية وليست فرض عين

هداك الله وانار بصيرتك

القادم أجمل إن شاء الله يا إشراقتنا ..

لأنك خلاص بتحطين له خطوط واضحة .. وبتعرفين تتأقلمين مع حياتك الجميلة

ممنوع تتكلم عنها.. ممنوع أسلوب اللف والدوران

هذا مايمشي معي إطلاقاً ..

وعيالك كبروا الحمد لله وبيزيد إحساسك بأنهم يملون عليك البيت بسواليفهم
ولمتكم وحياتكم وبيخففون عليك التفكير بشيء ثاني..

__________________
أستغفر الله وأتوب إليه✨

إشراقه روعه اذا الطقم جابه مراضاه لك عشانه أنجب من الثانيه

هذي رومنسيه جديده في الوطن العربي 😜
وربما مايقصد الطقم مقابل معرفتك بالمولود الجديد احياناً نفهم الآخرين بشكل خاطئ اذا توشوشنا

بعدين مو شرط الرجل اذا حملت زوجته يحبها ماتشوفي مواضيع لزوجات تقول يضربي ومنكد عيشتي وطلقني وقدر الله عليه احمل منه ؟

عندما يكون عندك أستمتعي بوقتك معه و لا تلتفتي و لا تهتمي ولا تصدقي كلامه عنها
وبس

يا سهل الكلام

ودي أقلك شي إشراقه تتذكري عضوة هنا زوجه ثانيه الله يسعدها وين ماكانت

كانت دايم مشاكل مع زوجها وتروح لأهلها لدرجة انه يرفع صوته عليها قدام ولده وامام بيت زوجته الاولى وفوق هذا يعشقها مو بس يحبها

في رجال مايناسبهم الا الحريم الي كذا
ومهما تكلم وسب وشتم هذا طبعه وفي النهايه يرجع لها ويتعلق اكثر فيها لانها ام الاكشنات تخليه مشغول فيها

كلامي هذا ماأبغاه يأثر فيك لكن أبغاك تحطي أحتمال انه يحبها مهما تكلم فيها واحتمال فعلاً يكرهها

فلا تشغلي تفكيرك وتجعليه يخدرك بدا الكلام


لما ذكرتي أنه قال تبغاني اعيد عندها وانا ابغى اعيد عندك ههههه حسيته زي الطفل عندك
هو يبغى بس مو قادر يفرض عليك لأنه مقصر معاكم

وسبه لها طبع فيه يبغى يطلع حرته بشيئ وبرضه يبغى يرضيك لو مرررره قلتي له كذاااااب ورحتي وخليتيه بيخفف سب وشتم عنها

آخر شي توقعته أكتب عن هذا الموضوع
فيه أمور نخليها في القلب أحسن من إنه نبوح بها
والله إني مرة منزعجة من موضوعي وصعب علي إني بأكتب

على العموم شكرا يا متفائلة على ردودك ماقصرتي ، وأنا قلت له خير شر ماتجيب طاري هذا الموضوع

السلام عليكم أختي
قرأت مشكلتك وأنا نفسك تمامًا لا أحبذ أي شخص كذاب ، لذلك ليس كل شخص يحس بما تحسين به فزوجك اعتاد الكذب ( بحسب كلامك ) فيرى أن ردة فعله لو كُذب عليه أمر عادي جدًا ومن الممكن أن زوجك عارف أن الكذب بين الزوجين حلال فاستخدمه بصورة خاطئه ، لذلك أرى أن أجمل حل تأخذي موقف حازم ضده وتبيني حجم المشكلة لديك تختلف بما هو يعتقد وأن تذكري رأيك له بصراحة أن الذي يريحيني أن لاتأتِ بسيرتها عندي لا أن تذكرها بسوء ، وأما انفصالك لا أرى فيه وجه من الصحة كون علاج المشكلة أمر في غاية السهولة .
وأخيرًا لا أرى أنه يستفزك لما أخذ أولادك فأول ماأتى على بالي يريد أن يجمع أولاده لدى جدتهم ، ولكن الشيطان شاطر والواحد إذا تضايق من شيء بدأ يفسر كل شيء بأنه مقصود وهكذا .
أعانك الله

شكرا عزيزتي..
الإنفصال زي ما ذكرتي صعب ولا أراه خيار صائب أصلا في هذه المرحلة

الله المعين

بيني له انزعاجك من هالموضوع...لاتكتمينها بقلبك عشان يحس انها مضايقتك ولايكررها.. قوليله لاتجيب طاريها قدامي ابدالا بخير ولا بشر ،،وقولي له انا مو بحاجه انك تتصنع كراهيتها عشان تجذبني ،،بالعكس هالشي مايلمعك قدامي ابداً،،،