انا مستبعده المواجهه

لكن أفكر أتقرب من أمها
بعدين هو يكلمها باسم مستعار فنا اقدر أقول انه احد أرسل لي يقولي انتبهي على زوجك

صراحه عمري ما تخيلت انحط في هذا الموقف

و الي مجنني كيف عرفها و فين شافها!!

اسأل الله العظيم ان يكون في عوننا و عونك !
هذا هو حال الابتلاء ، كلنا نبتلى بامور لم تكن في الحسبان !....
فكري جيدا في خطتك قبل الاقدام عليها !

__________________
أشهد أن لا إله إلا الله و أشهد أن محمدا رسول الله صلى الله عليه و سلم

انا قليلة خبرة في الحياة
لكن باقول رأيي

زوجك محبوب عندهم و مرغوب و اذا الأهل أعجبهم الخاطب صدقيني ما راح يعتبروا لأي اعتبارات ثانية وراح يقنعو بنتهم فيه
ثاني شيء لو تقربتي من أمها يمكن تقول عنك طيبة و لا قدر الله زوجك خطب بنتها ما راح تخاف منك و تقول انا اعرفها و و و الخ

ابعدي عن الام و خليك ع البنت
صاحبيها و مثل ما قالوا لك الأخوات اكذبي ع زوجك بسوالف وهمية عن حياة البنت

لا تصاحبين ولا احد لا الام ولا البنت اذا للاسف الان الصديقه تاخذ زوج صديقتها ماتبين هذه تاخذ زوجك .
اتقربي منه وغرقيه في العسل بس مو لاصقه فيه وراقبي من بعيد وجمعي بالدلايل
وبعد شهرين ولا اكثر اطبعي المحادثات بورق وحطيها بظرف وحطيها بشنطتك وزوريهم زياره عاديه واخرجي من عندهم كانك تفكرين وتهوجسين وارجعي البيت وتدخلي عرفه وكانك تشوفين الاوراق ومثلي الدور ان هي عطتك الظرف او خليه بمومري وخذي لاب توبك واتفرجي وانها قالت لك اكفيني شر زوجك وشوفي وش مسوي وانك مغفله وانه مايحبك وانها هي مخطوبه وو وبعدين انت سوي نفسك منتي مصدقه انه ممكن يسويها وانها بتخرب بيتك وخليك كم يوم سرحانه ومهمومه مصدقه انه هو سواها ولا لا ومعقوله يحبها وانت لا وو ولابس خراب بيوت وبعدها اذا راضاك اتشرطي وتدللي طبعا لازم تراقبينه من بعيد لبعيد وقت انهيارك حافظي ع جمالك ودلالك من الان وبعد المواجهه .

غالبية الردود اعطتها حلول وللاسف كلها عن طريق الكذب والتحايل
ويمكن يقولوا هالشيء جائز لانها بتحافظ على بيتها
بس توصل انها تفتري على البنت فهذا ظلم
البنت صدته اكثر من مرة حسب كلام صاحبة الموضوع
يعني المشكلة بزوجها لا بالبنت ولا اهلها

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

دراما مكشوفه مع الاسف
لان صاحبة الموضوع قالت ان زوجها يراسلها (باسم مستعار)ما تعرف البنت منهو
فهمتي

حبيبي زوزي
زوجك يراسلها والله اعلم علشان يختبر اخلاقها
هل هي تراسل احد او تعطي وجه
علشان يتقدم وهو ظامن اخلاقها
والعلم عند الله

دوبي حسالك نفس السؤال
كيف عرفها؟
وقبل هذا السؤال كيف عرف اخوانها لدرجة يتواصل معهم بالواقع مش بس بتويتر
لما قالك كلمي امها
على اي اساس؟
ما سالتي منهي وكيف عرفتهم؟؟
غريبه منك!
لو سالتيه عن الام والاخوان كيف عرفهم بتعرفي كيف عرف البنت

يمكن يعرف الاخوان من قبل البنت ومع تتبع حسابات اخوانها عرف اختهم؟

نفس التساؤل

__________________

والله أنا أشوف ان لاهدفه زواج ولاهم يحزنون
ولو أحد الآن يسأله وش هدفك من هالإعجاب بيطلع ماعنده هدف !!

كل مافي الأمر انها ماعطته وجه والرجل بطبيعته اذا وحده ماعطته وجه تستفز رجولته
فيجلس يلاحقها غصب طيب شوفيني تراني موجود !! عشان كذا يتمرجل عند أهلها ويساعدهم

صدقيني مع سهولة برامج التواصل كل رجال ممكن يمر بهفوات و " نكبات " ههه ويعجب بقلم فلانه ويعجب بكتابات علانه لكن مو شرط كلها تنتهي بزواج وخطبة !؟

الحل انتبهي تواجهينه ولاتواجهين أحد انتبهي
انت انشغلي في نفسك وهو بينشغل فيك صدقيني !

عيشي حياتك واضحكي وتدلعي ودلعيه وسوي تغييرات في نفسك وفي البيت
واحتويه بعد غربته لأنه أكيد يعاني
واشغليه في مسؤولياتك ومسؤوليات بيته وولده
وحاولي هالفترة تحملين ! وجيبي بيبي جديد يجدد روتين حياتكم

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

ولا تنسين انها ما تعرف منهو اللي يراسلها (الاخت قالت انه يراسلها باسم مستعار)
يعني كانه يختبر اخلاقها في الخفاء كيف زي ظاهرها والا عندها بلاوي
ولما شاف انها ما تعطي احد وجه كمل تقرب منها ومن اهلها

لو كل حركاته في النت فقط لايدتك في كلامك
لكن انه يوصل لاهلها ويتقرب لهم في الواقع وتقولي مجرد اعجاب بكتاباتها
هنا لا ما اؤيدك