اختي كلامك صحيح في حالات يكون فيها التكامل الاسري واللي يقوم فيه الاب والام
ومع هذا انا ممكن اعبر لكم هنا عن حناني ورحمتي لهم وهذا شي طبيعي لانهم اولادي قطعه مني وهم قلبي اللي يمشي على الارض
ولكن مايمنع اني اكون شديد عليهم عند الخطأ واحرص انهم يطلعون رجال واعلمهم الخشونه
ولكن يااختي ولدي الصغير لسى صغير وفقد امه وحاولت اني اعوضه والحمدلله ربي وفقني الى حد ما والحين راح يبعد عن ابوه بعد يعني لا ام ولا اب فـ هالشي انا وانتي نفهمه ولكن الصغير صعبه عليه وكلامي لاني راحمه بس والا انا الحمدلله متأكد ان عمامه راح يشيلونه عن الارض شيل واعرف انهم يحبونهم مثل عيونهم
ولكن انا اب وغصب اني احزن لنظرة حزن بعيون ولدي

اليوم شفت رساله مرسله للعيال على الواتس اب صوره رجال وتقولهم انا تزوجت وهذي صورة زوجي والحين حنا بالمدينه وبكره مسافرين لدبي !!!
مدري وش تحس فيه هالمره
العيال مايدرون عن موضوع زواجها وكنت ابي امهد لهم لانهم يغارون على امهم
طيب تزوجتي بقريح وش دخلنا في الموضوع مرسله لبزران صوره تقول هذا زوجي وش هالعقل لها
ليه مصممه انها تنكد على البزران حسبي الله عليها
والله ماتشوفون كيف المناحه اللي يوم جو يركضون يوروني الرساله ويقولون يبه صحيح امي تزوجت

يمكن عندها اضطراب في النفسية
لذلك تظهر تصرفاتها غير منطقية و غير موزونة فما نشره عليها
وانت ماعرفتها من اول الزواج !

والله حنا اللي يبي يجينا اضطراب من تصرفاتها
اختي هي معلمه يعني مافيها الا العافيه

قصدها تبلغك أنت بشكل غير مباشر ويعني تراني مرغوبه والحياة ما توقف عليك

__________________

مطلوبه وين الله يرحم حالها بس
وبعدين خلاص تزوجتي وش تبين منا انشغلي بنفسك الله يشغلك بنفسك ويفكنا منك
وش هالعالم هذي
هذي فعلا مثل مايقولون لاخيرها ولاكفاية شرها

جزاك الله خير اخوي ما يجوز نتكلم بسوء في أي إنسان حتى لو غلط علينا

- وعن أبي هريرة، قال: قال رسول الله صلى الله عليه وسلم: ((لا تحاسدوا، ولا تناجشوا (7) ، ولا تباغضوا، ولا تدابروا (8) ، ولا يبع بعضكم على بيع بعض، وكونوا عباد الله إخوانًا، المسلم أخو المسلم، لا يظلمه ولا يخذله، ولا يحقره التقوى هاهنا)) ويشير إلى صدره ثلاث مرات ((بحسب امرئ من الشر أن يحقر أخاه المسلم، كل المسلم على المسلم حرام، دمه، وماله، وعرضه)) (9) .
قوله: ((بحسب امرئ من الشر أن يحقر أخاه المسلم)) (يعني يكفي المؤمن من الشرِّ أن يحقر أخاه المسلم، وهذا تعظيم لاحتقار المسلم، وأنه شرٌّ عظيم، لو لم يأت الإنسان من الشر إلا هذا؛ لكان كافيًا، فلا تحقرن أخاك المسلم، لا في خلقته، ولا في ثيابه، ولا في كلامه، ولا في خلقه، ولا غير ذلك، أخوك المسلم حقه عليك عظيم، فعليك أن تحترمه وأن توقره، وأما احتقاره فإنه محرم، ولا يحل لك أن تحتقره، وكذلك حديث ابن مسعود وحديث جندب بن عبد الله رضي الله عنهما كلاهما يدل على تحريم احتقار المسلم، وأنه لا يحل له) (10)

بالتوفيق يارب والله يسهل لك أمور ابنك ويشفيه شفاءا لا يغادر سقما .. اللهم آمين.

__________________
-

اختي وين الكلام السوء
انا طول الوقت ادعي لها بالتوفيق والسعاده ولكن لما الموضوع وصل لمستوى متدني والاطفال هم المعنيين بهذه التصرفات هنا اقول لا
واسأل الله المغفره اذا كان غلطت على احد

التجئ لربك سبحانه ييسر أمرك ويشفي اولدك
ويحفظ الصغير واستودعه رب العالمين
والله الود ودي يجي عندي
عندي ولد برابع ابتدائي ليما تجي
بس ماتعرفني والي مايعرفك يجهلك
متابعه قصتك بصمت ربي يفرج لك أمورك كلها ..

__________________

الله يطول عمرك ويخلي لك اولادك ويصلحهم
تسلمي اختي ماتقصرين لاخلا ولا عدم