
المراهقه المتأخره
السلام عليكم ورحمه الله وبركاته
قرأت موضوعك يا طموح1
واحب اشاركك بشىء بسيط ويارب يكون فيه افاده
بالنسبه لما حدث من الوالد اولا نسأل الله العلى القدير ان يتوب عليه ويغفر له ما حدث منه فى حق الله اولا ثم فى حق نفسه وحق اسرته
اختى طموح 1
انا قرات من قبل ان الرجل بيرجع يراهق مره اخرى فى سنين عمره المتقدمه وده بيكون لعده اسباب منها انه لم يكن له اى علاقات فى صغره ومراهقته باى بنت او مر عليه اى علاقه حب
او ان زوجته لا تكفى رغباته الجامحه ويريد ان يشبع رغباته بأى طريقه
او ان زوجته لا تهتم بهذه الامور ولا تبالى بنفسيه الزوج او احتياجاته منها بالنسبه لما رايتى من ابوكى ووضعه مع الشغاله فارجوا ان تحاولى ان تتناسى هذا المنظر بأى طريقه وان تعاملى والدك بكل احترام ولا تشعريه باى شىءلان ده هيأثر على نفسيته كتير جدا ان ابنته شافت بعينها والدها فى صوره غلط فحاولى تجنب الحديث او التلميح فى هذا الموضوع وبطريقه غير مباشره ممكن تعالجى بحكمه الموضوع ده منها ان تقترحى على الوالد والوالده بالذهاب لقضاء بعض الوقت فى مصيف او مشتى لوحدهم اومثلا تجديد شىء فى البيت يشعر الاب بالتجدد وعدم الملل او ان الوالده تقوم مثلا بلفت انتباه والدك بتغير بسيط فى لون الشعر او الوان اللبس اشياء بسيطه بس بتعمل تأثير على الرجل كتير
وممكن ان تحضروا جميعا لدرس من الدروس الدينيه ومن هنا يبدأ يتأثر من الناحيه الدينيه ويعود لوقاره من جديد وصدقينى احسن شىء لرجوع والدك لسابق عهده هو الدين والتجديد فى البيت لان الرجل بطبعه ملول ,
ارجوا من الله ان يهدى اباكى للطريق الصحيح