أغراض البيت مخلصة .. معظم الأساسيات.

من ثلاث أيام أتريق إما خبز وجبن .. أو خبز وقيمر .... وفعلياً ما عندي مشكلة في هالشي .. المهم عندي في مثل هالأحوال إن الأشياء اللي يحبونها عيالي ما تكون خلصت تماماً .. مثل الكورن فليكس والحليب واللبنة والخضرة والتوست.

وأساساً قلت له أمس يعمل حسابه على مشوار الجمعية بداية الأسبوع الياي.

البارحة طلع يصلي العشا .. وتأخر .. والأفكار لعبت في راسي.

اتصل بعد حوالي ساعة .. يسولف!

وقال لي إنه راجع من الجمعية: صار لج كم يوم تتريقين خبز وجبن .. مب معقول .. وشفت الثلاجة لقيت البيض مخلص .. فرحت أشتري لج عشان أريّقج باجر.

مع إن احنا متعودين لو خلّص شي ناخذ من ماما .. لين ما نروح الجمعية ونتقضى يعني.


اليوم تأخر في النشّة شوي .. وأنا عندي موعد في المستشفى .. فقلت باتريّق خفيف عالماشي يعني.

نشّ وياني المطبخ وأنا أسخن الخبزة في المايكرويف.

قال لي: شو تسوين؟!! أنا قلت لج باسوّي لج بيض.

وسوّاه لي.

__________________


اللهم طِيبَ الأثر .. وحُسْنَ الرحيل.

يا عيني عالرومانسيه

__________________
وهل من مصير اخر ؟

جزاه الله خير .. تستاهلي كل خير يا مهرة

ما فيني شي كايد إن شاء الله.

أول يوم العيد تعبت! .. ياني هبوط وغثيان .... حالة تييني كل كم شهر وما أرتاح إلا عقب ما أستفرغ.

لما كلمني في العيد ولقاني تعبانة قال لي: خلاص نروح المستشفى تعملين تشييك كامل.

وهو سبق اقترح هالاقتراح من فترة .. لكني ما خذته بجدية كبيرة.


الحين شكلي بأجّل الموعد.

كانت عنده أمس شغلة تخص أمي .. وتأجلت لليوم لسبب خارج عن إرادته .. قلت له: خلاص لا تعطل شغل أمي وأنا بروح الموعد بروحي.

ما رضا .. وقال باخلص ونروح.

بس أختكم ما تحب تأخير المواعيد .. وأخاف نتأخر بعدين على شما.

فالأفضل أأجل الموعد لبداية الأسبوع.

__________________


اللهم طِيبَ الأثر .. وحُسْنَ الرحيل.

صباح الخيرات
عندنا الغياب بالهبل اسبوع قبل الاجازةغياب ولا ويسمونه الاسبوع الميت حتى الاسبوع يمتونه الله يصلحهم

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

ههههههه صدقتي سديم

اشراقه وين الشيكن باتر .... اظن كذه صح شيكن باتر


حق مهروه

__________________
وهل من مصير اخر ؟

قاعدة اجهزه في قسم الطبخ لانه ممنوع هنا
المشكلة ماعندي صورة

اندوكن!!!!!

الحين إشراقة متأخرة في البتر شيكن وأنا اللي أنكفخ؟!!!!!!!

__________________


اللهم طِيبَ الأثر .. وحُسْنَ الرحيل.

قولوا دجاج بالزبدة ..